വോ​ട്ടെ​ടു​പ്പ് ക​ഴി​ഞ്ഞ് നൊ​ച്ചാ​ട്ട് സം​ഘ​ർ​ഷം; ഏ​ഴു പേ​ർ​ക്ക് പ​രി​ക്ക്

പേ​രാ​മ്പ്ര: വോ​ട്ടെ​ടു​പ്പ് ക​ഴി​ഞ്ഞ​യു​ട​ൻ നൊ​ച്ചാ​ട് മാ​വ​ട്ട​യി​ൽ താ​ഴെ എ​ൽ.​ഡി.​എ​ഫ്-​യു.​ഡി.​എ​ഫ് പ്ര​വ​ർ​ത്ത​ക​ർ ത​മ്മി​ൽ ഏ​റ്റു​മു​ട്ടി. ഏ​ഴു​പേ​ർ​ക്ക് പ​രി​ക്കേ​റ്റു. സി.​പി.​എം പ്ര​വ​ർ​ത്ത​ക​രാ​യ മ​മ്മി​ളി​ച്ചാ​ലി​ൽ എം.​പി. മോ​ഹ​ന​ൻ, ടി.​പി. ഷി​ജു, പാ​റ​പ്പു​റം എ​ൻ.​എം. അ​ർ​ജു​ൻ, യു.​ഡി.​എ​ഫ് പ്ര​വ​ർ​ത്ത​ക​രാ​യ മാ​വ​ട്ട​യി​ൽ പി.​സി. ലി​ജാ​സ്, മ​രു​തോ​ളി എം. ​വി​കാ​സ്, ത​ച്ചു​ള്ള​തി​ൽ ടി. ​യാ​സ​ർ, മാ​പ്പ​റ്റ എം. ​സ​മീ​ർ എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.

ത​ല​ക്ക് ഗു​രു​ത​ര പ​രി​ക്കേ​റ്റ മോ​ഹ​ന​ൻ കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ലും മ​റ്റു​ള്ള​വ​ർ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും ചി​കി​ത്സ​യി​ലാ​ണ്. നൊ​ച്ചാ​ട് എ.​എ​ൽ.​പി സ്കൂ​ളി​ലെ ബൂ​ത്തി​ൽ പോ​ളി​ങ് 8.45 വ​രെ നീ​ണ്ടി​രു​ന്നു. ഇ​തി​നു​ശേ​ഷ​മാ​ണ് മാ​വ​ട്ട​യി​ൽ താ​ഴെ സം​ഘ​ർ​ഷ​മു​ണ്ടാ​യ​ത്.

സി.​പി.​എം പ്ര​വ​ർ​ത്ത​ക​ർ ന​ൽ​കി​യ പ​രാ​തി​യി​ൽ പ​രി​ക്കേ​റ്റ യു.​ഡി.​എ​ഫ് പ്ര​വ​ർ​ത്ത​ക​രെ പേ​രാ​മ്പ്ര പൊ​ലീ​സ് എ​ത്തി ആ​ശു​പ​ത്രി​യി​ൽ​നി​ന്ന് അ​റ​സ്റ്റ് ചെ​യ്തു. ഇവരെ പേരാ​മ്പ്ര കോടതി റിമാൻഡ് ചെയ്തു. മാ​ര​ക​മാ​യി പ​രി​ക്കേ​റ്റ​വ​രെ നി​ർ​ബ​ന്ധി​ച്ച് ഡി​സ്ചാ​ർ​ജ് വാ​ങ്ങി​ച്ചാ​ണ് അ​റ​സ്റ്റ് ചെ​യ്ത​തെ​ന്ന് യു.​ഡി.​എ​ഫ് ആ​രോ​പി​ച്ചു.

മാ​വ​ട്ട​യി​ൽ നി​ര​ന്ത​രം രാ​ഷ്ട്രീ​യ സം​ഘ​ർ​ഷ​ങ്ങ​ൾ ന​ട​ക്കു​ക​യാ​ണ്. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്റെ ക​ലാ​ശ​ക്കൊ​ട്ട് ന​ട​ന്ന ദി​വ​സ​വും ചാ​ത്തോ​ത്ത് താ​ഴെ ഇ​രു​മു​ന്ന​ണി​ക​ളും ത​മ്മി​ൽ സം​ഘ​ർ​ഷ​മു​ണ്ടാ​യി​രു​ന്നു. ഇ​തേ​ത്തു​ട​ർ​ന്ന് പൊ​ലീ​സ് ക​ണ്ടാ​ല​റി​യാ​വു​ന്ന 100 പേ​ർ​ക്കെ​തി​രെ കേ​സെ​ടു​ത്തി​രു​ന്നു. വോ​ട്ടെ​ടു​പ്പ് സ​മാ​ധാ​ന​പ​ര​മാ​യി ന​ട​ക്കാ​ൻ സ​ർ​വ​ക​ക്ഷി യോ​ഗം വി​ളി​ച്ച് സ​മാ​ധാ​ന​ത്തി​ന് ആ​ഹ്വാ​നം ചെ​യ്തി​രു​ന്നു.

സ​മാ​ധാ​ന ആ​ഹ്വാ​ന​മെ​ല്ലാം കാ​റ്റി​ൽ പ​റ​ത്തി വീ​ണ്ടും സം​ഘ​ർ​ഷ​മു​ണ്ടാ​യ​ത് നാ​ട്ടു​കാ​രി​ൽ വ​ലി​യ ആ​ശ​ങ്ക​യു​ണ്ടാ​ക്കു​ന്നു​ണ്ട്. സി.​പി.​എം പ്ര​വ​ർ​ത്ത​ക​ർ ബൈ​ക്കി​ൽ പോ​കു​മ്പോ​ൾ ത​ട​ഞ്ഞു​നി​ർ​ത്തി മാ​ര​കാ​യു​ധ​ങ്ങ​ളു​മാ​യി മ​ർ​ദി​ച്ചെ​ന്നാ​ണ് എ​ൽ.​ഡി.​എ​ഫ് ആ​രോ​പ​ണം. എ​ന്നാ​ൽ, ത​ങ്ങ​ളു​ടെ പ്ര​വ​ർ​ത്ത​ക​രെ മാ​ര​കാ​യു​ധ​ങ്ങ​ളു​മാ​യി പ​തി​യി​രു​ന്ന് ആ​ക്ര​മി​ക്കു​ക​യാ​യി​രു​ന്നു​വെ​ന്നാ​ണ് യു.​ഡി.​എ​ഫ് ആ​രോ​പ​ണം.

മ​ർ​ദ​ന​ത്തി​ൽ​നി​ന്ന് ര​ക്ഷ​പ്പെ​ൻ ക​ട​യി​ൽ ക​യ​റി ഒ​ളി​ച്ച പ്ര​വ​ർ​ത്ത​ക​നെ ക​ട വ​ള​ഞ്ഞി​ട്ട് ആ​ക്ര​മി​ച്ചു. പി​ന്നീ​ട് പൊ​ലീ​സ് എ​ത്തി​യാ​ണ് ര​ക്ഷ​പ്പെ​ടു​ത്തി​യ​തെ​ന്നും യു.​ഡി.​എ​ഫ് ചൂ​ണ്ടി​ക്കാ​ട്ടി.

യു.ഡി.എഫ് നൊച്ചാടിന്റെ സമാധാനം തകർക്കുന്നു -സി.പി.എം

പേ​രാ​മ്പ്ര: സി.​പി.​എ​മ്മി​ന്റെ ശ​ക്തി​കേ​ന്ദ്ര​ങ്ങ​ളി​ൽ ആ​ക്ര​മ​ണം ന​ട​ത്തി തെ​ര​ഞ്ഞെ​ടു​പ്പി​ൽ നേ​ട്ട​മു​ണ്ടാ​ക്ക​ണ​മെ​ന്ന തീ​രു​മാ​ന​ത്തി​ന്റെ ഭാ​ഗ​മാ​യി നൊ​ച്ചാ​ട് തു​ട​ർ​ച്ച​യാ​യി യു.​ഡി.​എ​ഫ് ആ​ക്ര​മ​ണ​ങ്ങ​ൾ അ​ഴി​ച്ചു​വി​ടു​ക​യാ​ണെ​ന്ന് സി.​പി.​എം ആ​രോ​പി​ച്ചു.

ക​ലാ​ശ​ക്കൊ​ട്ട് ഒ​ഴി​വാ​ക്കാ​ൻ ഇ​രു​മു​ന്ന​ണി​ക​ളു​മാ​യി പേ​രാ​മ്പ്ര സ​ബ് ഇ​ൻ​സ്പ​ക്ട​ർ ധാ​ര​ണ​യി​ലെ​ത്തി​യി​രു​ന്നു. എ​ന്നാ​ൽ ധാ​ര​ണ കാ​റ്റി​ൽ പ​ര​ത്തി യു.​ഡി.​എ​ഫ് പ്ര​വ​ർ​ത്ത​ക​ർ നി​ര​വ​ധി വാ​ഹ​ന​ങ്ങ​ളു​മാ​യി ചാ​ത്തോ​ത്ത് താ​ഴ അ​ങ്ങാ​ടി​യി​ലേ​ക്ക് പ്ര​വേ​ശി​ക്കു​ക​യും എ​ൽ.​ഡി.​എ​ഫ് പ്ര​വ​ർ​ത്ത​ക​രെ ആ​ക്ര​മി​ക്കു​ക​യും ചെ​യ്തു.

തെ​ര​ഞ്ഞെ​ടു​പ്പ് ദി​വ​സം രാ​ത്രി ഒ​മ്പ​തു​മ​ണി​യോ​ടെ നൊ​ച്ചാ​ട് എ.​എ​ൽ.​പി സ്കൂ​ളി​ലെ ബൂ​ത്തി​ൽ​നി​ന്ന് തി​രി​ച്ച് പോ​കു​ക​യാ​യി​രു​ന്ന എ​ൽ.​ഡി.​എ​ഫ് പ്ര​വ​ർ​ത്ത​ക​രെ മാ​വ​ട്ട​യി​ൽ താ​ഴെ ത​ട​ഞ്ഞ് വെ​ച്ച് മാ​ര​കാ​യു​ധ​ങ്ങ​ളു​മാ​യി ആ​ക്ര​മി​ച്ചു.

ആ​ക്ര​മ​ണ​ത്തി​ൽ മൂ​ന്ന് എ​ൽ.​ഡി.​എ​ഫ് പ്ര​വ​ർ​ത്ത​ക​ർ​ക്ക് ഗു​രു​ത​ര​മാ​യി പ​രി​ക്കേ​റ്റു. അ​ക്ര​മ​ത്തി​ന് നേ​തൃ​ത്വം ന​ൽ​കി​യ​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് സി.​പി.​എം നൊ​ച്ചാ​ട് സൗ​ത്ത് ലോ​ക്ക​ൽ ക​മ്മി​റ്റി സെ​ക്ര​ട്ട​റി എ​ട​വ​ന സു​രേ​ന്ദ്ര​ൻ ആ​വ​ശ്യ​പ്പെ​ട്ടു.