ലോറി താഴ്ചയിലേക്കു മറിഞ്ഞു; ഡ്രൈവർ അത്ഭുതകരമായി രക്ഷപ്പെട്ടു

ഫറോക്ക്: മഴയിൽ തകർന്നുവീണ ഭിത്തി പുനർ നിർമിക്കാനായി കരിങ്കല്ലുമായി വന്ന ലോറി ആറടി താഴ്ചയിലേക്കു മറിഞ്ഞു. ഡ്രൈവർ രാമനാട്ടുകര മുസ്താഖ് മൻസിലിൽ അസ്കർ ബാബു അത്ഭുതകരമായി രക്ഷപ്പെട്ടു.പറവൻതിരുത്തി പഴനിക്കോളിൽ സൈഫുല്ലയുടെയും സിദ്ദീഖി​െൻറയും ഉടമസ്ഥതയിലുള്ള വീടി​െൻറ മതിൽ കഴിഞ്ഞ മാസമാണ് മഴയിൽ തകർന്നത്.

ഇതി​െൻറ പുനർനിർമാണത്തിനായി കല്ലുമായി വന്നതായിരുന്നു ലോറി.ലോഡ് ഇറക്കാനായി പിന്നോട്ടെടുക്കവെ ലോറി ഡ്രൈവറുടെ ഭാഗത്തേക്ക് റോഡിലെ കരിങ്കൽഭിത്തിയടക്കം ഇടിഞ്ഞു വീഴുകയായിരുന്നു. വളാഞ്ചേരി സക്കീറി​െൻറ വീട്ടിലെ മതിലിലേക്കാണ് ലോറിയും കല്ലും ചെന്നുപതിച്ചത്.