കോഴിക്കോട്: ഓശാന ഞായർ പ്രമാണിച്ച് ഇന്ന് ജില്ലയിൽ വിവിധ ദേവാലയങ്ങളിൽ തിരുകർമങ്ങൾ നടക്കും. വിശുദ്ധ വാരാചാരണ ഭാഗമായി ഓശാന തിരുകർമങ്ങൾക്കൊപ്പം കുരുത്തോല വെഞ്ചരിപ്പ്, പ്രഭാത നമസ്കാരം, കുരുത്തോല ആശീർവദിക്കൽ തുടങ്ങി വിവിധ ചടങ്ങുകളുണ്ടാവും. ബിഷപ് വർഗീസ് ചക്കാലക്കലിന്റെ നേതൃത്വത്തിലുള്ള വിശുദ്ധ വാരാചരണം നഗരത്തിൽ ഞായറാഴ്ച തുടങ്ങും. കുരുത്തോലയേന്തിയുള്ള പ്രദക്ഷിണം ജില്ല കോടതിക്ക് സമീപത്തെ മദർ ഓഫ് ഗോഡ് കത്തീഡ്രലിലേക്ക് രാവിലെ 7.30ന് എത്തിച്ചേരും. സെന്റ് വിൻസന്റ് ഹോമിൽനിന്നാണ് പ്രദക്ഷിണം തുടങ്ങുക. കത്തീഡ്രലിൽ ദിവ്യബലിയും ഉണ്ടാകും. 14ന് പെസഹ ദിനത്തിൽ കാൽകഴുകൽ ശുശ്രൂഷയും 15ന് ദുഃഖവെള്ളിയോടനുബന്ധിച്ച് കുരിശിന്റെ വഴിയും ഉണ്ടാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.