ഭക്തിനിറവിൽ പൂവത്തൂർ തിറ മഹോത്സവത്തിന് തുടക്കം​

കക്കോടി: താലപ്പൊലിയുടെയും കലശംകെട്ടിന്‍റെയും അകമ്പടിയിൽ നിരവധി​ ഭക്തർ അണിചേർന്ന പൂവത്തൂർ തിറ മഹോത്സവത്തിന്​ തുടക്കമായി. ഞായറാഴ്ച പുലർച്ച നടന്ന ഗണപതി ഹോമത്തോടെയാണ്​ തിറ മഹോത്സവം ആരംഭിച്ചത്​. വിവിധ ജില്ലകളിൽനിന്നുൾപ്പെടെ നിരവധി ഭക്തരാണ്​ പ്രശസ്ത തിറയാഘോഷങ്ങൾക്ക്​ എത്തിയത്​. കലവറ നിറക്കൽ, ഇരുന്ന് പുറപ്പെട്ട് വരവ്, കാവുണർത്തൽ, ഗജവീരന്റെ അകമ്പടിയോടെ മാമുണ്ട കരുവാര ക്ഷേത്രത്തിലേക്ക് കലശത്തിന് പുറപ്പെടൽ, ക്ഷേത്രത്തിലേക്ക് കാഴ്ചവരവ്, കരുമകൻ വെള്ളാട്ട്, കുട്ടിച്ചാത്തൻ തിറ, ഭഗവതി തിറ ചെണ്ടമേളം, ശിങ്കാരിമേളം, അന്നദാനം എന്നീ ചടങ്ങുകളും ഉത്സവത്തോടനുബന്ധിച്ച്​ നടന്നു. തിങ്കളാഴ്ച രാവിലെ പൊട്ടൻ തിറയോടുകൂടി ഉത്സവം സമാപിക്കും. f/sun/cltpho/poovathoor പൂവത്തൂർ ക്ഷേത്ര മഹോത്സവത്തോടനുബന്ധിച്ച്​ നടന്ന തിറ