എളേറ്റിൽ: കിഴക്കോത്ത് കൊത്തമ്പാറ മലയിൽ പ്രവർത്തിക്കുന്ന സി.എച്ച് മുഹമ്മദ് കോയ മെമ്മോറിയൽ ഗവ: ആർട്സ് സയൻസ് കോളജ് അന്താരാഷ്ട്ര നിലവാരത്തിലേക്കുയർത്താനുള്ള നടപടികൾ സ്വീകരിക്കുമെന്ന് ഡോ. എം.കെ. മുനീർ എം.എൽ.എ പറഞ്ഞു. കിഴക്കോത്ത് പഞ്ചായത്ത് മുസ്ലിം ലീഗ് സംഘടിപ്പിച്ച പഞ്ചായത്ത് ഭാരവാഹികളുടേയും മുസ്ലിം ലീഗ് പഞ്ചായത്ത് ഭരണ സമിതി അംഗങ്ങളുടേയും സംയുക്ത യോഗം ഉദ്ഘാടനം ചെയ്യുകയായിരുന്നു അദ്ദേഹം. അക്കാദമിക് രംഗത്തും ഭൗതിക രംഗത്തും മാറ്റം വരുത്തി വിദ്യാർഥികൾക്കാവശ്യമായ ക്ലാസ്സ് റൂമുകളും പുതിയ കോഴ്സുകളും ആരംഭിക്കും. അതിനനുസരിച്ച് മാസ്റ്റർ പ്ലാൻ തയ്യാറാക്കുമെന്നും മുനീർ പറഞ്ഞു. പ്രസിഡൻറ് എം.എ. ഗഫൂർ അധ്യക്ഷത വഹിച്ചു. മണ്ഡലം മുസ്ലിം ലീഗ് ട്രഷറർ ഇബ്രാഹീം എളേറ്റിൽ, സെക്രട്ടറി വി.കെ. കുഞ്ഞായിൻ കുട്ടി, ഗ്രാമപഞ്ചായത്ത് പ്രസിഡൻറ് പി.പി. നസ്റി, വി.കെ. അബ്ദുറഹിമാൻ, പി.ഡി. നാസർ, പാട്ടത്തിൽ അബൂബക്കർ ഹാജി, കെ.കെ. ജബ്ബാർ, പി.എം. ഹമീദ്, പി.ടി.എം. ഷറഫുന്നിസ, സി.എം. ഖാലിദ്, മംഗലങ്ങാട്ട് മുഹമ്മദ്, ഷിജി ഒരലാക്കോട്, കെ. മുഹമ്മദലി, കെ.കെ . മജീദ്, അർഷദ് കിഴക്കോത്ത്, വി.പി. അശ്റഫ്, സാജിദത്ത്, വഹീദ, റംലമക്കാട്ട് പൊയിൽ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.