കൊയിലാണ്ടി ഇടതുപക്ഷത്തിന് സർവാധിപത്യം

കൊയിലാണ്ടി: ഒരു പഞ്ചായത്തിൽ നേരിയ വോട്ടിന്​ പിറകിൽ പോയതൊഴിച്ചാൽ മറ്റു പഞ്ചായത്തുകളിലും രണ്ടു നഗരസഭകളിലും ഇടതുമുന്നണിക്ക് ലീഡ്. യു.ഡി.എഫ് ഭരിക്കുന്ന പയ്യോളി നഗരസഭയിൽ ഇടതുമുന്നണി മികച്ച ലീഡ്​ നേടി. ഇടതുമുന്നണി ഭരിക്കുന്ന തിക്കോടിയിൽ നേരിയ വോട്ടിൽ യു.ഡി.എഫ് മുന്നിൽ കടന്നു. കൊയിലാണ്ടി, പയ്യോളി നഗരസഭകളും തിക്കോടി, മൂടാടി, ചെങ്ങോട്ടുകാവ്, ചേമഞ്ചേരി പഞ്ചായത്തുകളുമാണ് കൊയിലാണ്ടി അസംബ്ലി നിയോജക മണ്ഡലത്തിലുള്ളത്. വോട്ടുനില: പയ്യോളി നഗരസഭ എൽ.ഡി.എഫ് 14,671, യു.ഡി.എഫ് 13,654 ലീഡ് 1017, തിക്കോടി യു.ഡി.എഫ് 8175, എൽ.ഡി.എഫ് 8099, ലീഡ് 76. മൂടാടി എൽ.ഡി.എഫ് 10,237, യു.ഡി.എഫ് 9127, ലീഡ് 1110. കൊയിലാണ്ടി നഗരസഭ എൽ.ഡി.എഫ് 21,965, യു.ഡി.എഫ് 18,052, ലീഡ് 3913. ചെങ്ങോട്ടുകാവ് എൽ.ഡി.എഫ് 7742, യു.ഡി.എഫ് 7303, ലീഡ് 439. ചേമഞ്ചേരി എൽ.ഡി.എഫ് 10,692, യു.ഡി.എഫ് 9496, ലീഡ് 1196 പോസ്​റ്റൽ: എൽ.ഡി.എഫ് 2222, യു.ഡി.എഫ് 1349, ലീഡ് 873. ആകെ ലീഡ് എൽ.ഡി.എഫ് -8472