കല്ലാച്ചി ഗവ. ഹൈസ്കൂൾ കെട്ടിടം നാടിന് സമർപ്പിച്ചു

നാദാപുരം: കല്ലാച്ചി ഗവ. ഹയർ സെക്കൻഡറി സ്കൂളിൽ വിദ്യാഭ്യാസ വകുപ്പ് കിഫ്ബി മുഖേന മൂന്നു കോടി ചെലവിൽ ഹൈസ്കൂളിനുവേണ്ടി നിർമിച്ച പുതിയ ബ്ലോക്കിന്റെ ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു. വിദ്യാഭ്യാസ മന്ത്രി വി. ശിവൻ കുട്ടി അധ്യക്ഷത വഹിച്ചു. ക്ലാസ് മുറികൾ, ഓഡിറ്റോറിയം, ഭക്ഷണശാല എന്നിവ ഉൾക്കൊള്ളുന്ന പുതിയ ബ്ലോക്കിന്റെ നിർമാണ പ്രവൃത്തി പൂർത്തീകരിച്ചത് യു.എൽ.സി.സി.എസ് ആണ്. നാദാപുരം ഗ്രാമപഞ്ചായത്ത്‌ പ്രസിഡന്റ് വി.വി. മുഹമ്മദലിയുടെ അധ്യക്ഷതയിൽ സ്കൂളിൽ നടന്ന ചടങ്ങിൽ ഇ.കെ. വിജയൻ എം.എൽ.എ ശിലാഫലകം അനാച്ഛാദനം ചെയ്തു. ജില്ല പഞ്ചായത്ത് പ്രസിഡന്റ് ഷീജ ശശി, ബ്ലോക്ക്‌ പഞ്ചായത്ത്‌ പ്രസിഡന്റ് കെ.പി. വനജ, ജില്ല പഞ്ചായത്ത്‌ ആരോഗ്യ -വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൻ എൻ.എം. വിമല, ജില്ല പഞ്ചായത്ത്‌ അംഗം സി.വി.എം. നജ്മ, രജീന്ദ്രൻ കപ്പള്ളി, ബിന്ദു പുതിയോട്ടിൽ, എം.സി. സുബൈർ, എ.കെ. ബിജിത്ത്, നിഷ മനോജ്, സുനിത എടവത്ത് കണ്ടി, സൂപ്പി നരിക്കാട്ടേരി, കെ.പി. കുമാരൻ, കെ.എം. രഘുനാഥ്, കരിമ്പിൽ ദിവാകരൻ, കെ.ടി.കെ. ചന്ദ്രൻ എന്നിവർ സംസാരിച്ചു. പി.ടി.എ പ്രസിഡന്റ് എ. ദിലീപ്കുമാർ സ്വാഗതവും ഹെഡ്മാസ്റ്റർ കെ. സുനിൽകുമാർ നന്ദിയും പറഞ്ഞു. പടം CL Kz Ndm5 : കല്ലാച്ചി ഗവ. ഹൈസ്കൂൾ കെട്ടിടം ശിലാഫലകം അനാച്ഛാദനം ഇ.കെ. വിജയൻ എം.എൽ.എ നിർവഹിക്കുന്നു