കർഷകരെ കണ്ണീരിലാക്കി കാട്ടുപന്നികൾ

എ​രു​മേ​ലി: വ​നാ​തി​ർ​ത്തി​യി​ൽ മാ​ത്രം ശ​ല്യ​മാ​യി മാ​റി​യി​രു​ന്ന കാ​ട്ടു​പ​ന്നി​ക​ൾ ജ​ന​വാ​സ മേ​ഖ​ല​ക​ളി​ലും പെ​രു​കി​യ​തോ​ടെ ക​ർ​ഷ​ക​രും ക​ണ്ണീ​രി​ൽ. കാ​ട്ടു​മൃ​ഗ​ങ്ങ​ളു​ടെ ശ​ല്യം പേ​ടി​ച്ച് വ​നാ​തി​ർ​ത്തി മേ​ഖ​ല​ക​ൾ ഉ​പേ​ക്ഷി​ച്ച് ദൂ​രേ​ക്ക് മാ​റി കൃ​ഷി​യി​റ​ക്കി​യി​ട്ടും ക​ർ​ഷ​ക​ർ​ക്ക്​ ര​ക്ഷ​യി​ല്ല. ജ​ന​ങ്ങ​ൾ​ക്കുപോ​ലും ഭീ​ഷ​ണി​യാ​യി കാ​ട്ടു​പ​ന്നി​ക​ൾ ജ​ന​വാ​സ​മേ​ഖ​ല​ക​ളി​ൽ വി​ഹ​രി​ക്കു​ക​യാ​ണ്. എ​രു​മേ​ലി മ​ണി​പ്പു​ഴ വ​ട്ടാം​കു​ഴി​യി​ൽ ക​ണ​യ​ങ്ക​ൽ മോ​ൻ​സി​മോ​ന്‍റെ വാ​ഴ​കൃഷി ക​ഴി​ഞ്ഞ ദി​വ​സം രാ​ത്രി കാ​ട്ടു​പ​ന്നി​ക​ൾ ന​ശി​പ്പി​ച്ചു. 65ഓ​ളം ഏ​ത്ത​വാ​ഴ​ക​ളാ​ണ് ന​ശി​പ്പി​ച്ച​ത്.

പ്ര​ദേ​ശം വ​നാ​തി​ർ​ത്തി അ​ല്ലാ​തി​രു​ന്നി​ട്ടും കാ​ട്ടു​പ​ന്നി​ക​ൾ കൃ​ഷി​ നശി​പ്പി​ച്ച​ത് ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ക​യാ​ണ്. മാ​സ​ങ്ങ​ൾ​ക്ക് മു​മ്പ് കാ​ട്ടു​പ​ന്നി​ക​ൾ പ​ക​ൽ ടൗ​ണി​ന് സ​മീ​പ​ത്ത്​ ജ​ന​ങ്ങ​ൾ​ക്കി​ട​യി​ലൂ​ടെ ഓ​ടി​യ​ത് പ​രി​ഭ്രാ​ന്തി പ​ട​ർ​ത്തി​യി​രു​ന്നു. സൗ​ത്ത് ഇ​ന്ത്യ​ൻ ബാ​ങ്ക് എ.​ടി.​എ​മ്മി​ന്‍റെ ചി​ല്ല് ത​ക​ർ​ത്താ​ണ് കാ​ട്ടു​പ​ന്നി ഓ​ടി​യ​ത്. ഈ ​സ​മ​യം എ.​ടി.​എ​മ്മി​ലു​ണ്ടാ​യി​രു​ന്ന​യാ​ൾ ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. തോ​ട്ട​ങ്ങ​ളി​ൽ കാ​ടു​ക​ൾ തെ​ളി​ക്കാ​ത്ത​ത് കാ​ട്ടു​പ​ന്നി​ക​ൾ ​പെ​രു​കാ​ൻ കാ​ര​ണ​മാ​യെ​ന്നാ​ണ് ആ​ക്ഷേ​പം. കാ​ട്ടു​പ​ന്നി​ക​ളെ തു​ര​ത്താ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.