അറുതിയില്ലാതെ മാലിന്യംതള്ളൽ​

കോ​ട്ട​യം: ന​ഗ​ര​ത്തി​ലെ വ​ഴി​യ​രി​കി​ലും ഉ​ൾ​പ്ര​ദേ​ശ​ങ്ങ​ളി​ലും മാ​ലി​ന്യം​ത​ള്ള​ൽ പ​തി​വു​ക​ഥ. കോ​ടി​മ​ത-​ച​ന്ത​ക്ക​ട​വ്​ എം.​ജി റോ​ഡി​ൽ അ​ടി​ഞ്ഞു​കൂ​ടി​യ മാ​ലി​ന്യ​ക്കൂ​മ്പാ​ര​ത്തി​ൽ നി​ന്നു​ള്ള ദു​ർ​ഗ​ന്ധം മൂ​ലം ന​ഗ​ര​വാ​സി​ക​ൾ​ക്ക്​ മൂ​ക്കു​പൊ​ത്താ​തെ ന​ട​ക്കാ​ൻ സാ​ധി​ക്കി​ല്ല.

എം.​ജി റോ​ഡി​ൽ ച​ന്ത​ക്ക​ട​വി​നോ​ട്​ ചേ​ർ​ന്ന ഭാ​ഗ​ങ്ങ​ളി​ൽ ത​ള്ളി​യ മാ​ലി​ന്യ​ങ്ങ​ൾ പ്ര​ദേ​ശ​മാ​കെ പ​ര​ന്നു​കി​ട​ക്കു​ക​യാ​ണ്. വി​വി​ധ​യി​ട​ങ്ങ​ളി​ൽ​നി​ന്ന്​ ഹ​രി​ത​ക​ർ​മ​സേ​ന മാ​ലി​ന്യം ശേ​ഖ​രി​ക്കു​ന്നു​ണ്ടെ​ങ്കി​ലും പൊ​തു​വ​ഴി​ക​ളി​ൽ മാ​ലി​ന്യം ത​ള്ളു​ന്ന​തി​ന്​ അ​റു​തി​യി​ല്ലെ​ന്നാ​ണ്​ പൊ​തു​ജ​ന​ങ്ങ​ളു​ടെ പ​രാ​തി.

റോ​ഡ​രി​കി​ലും മ​റ്റും ത​ള്ളി​യി​രി​ക്കു​ന്ന​തി​ൽ ഭൂ​രി​ഭാ​ഗ​വും പ്ലാ​സ്റ്റി​ക്​ മാ​ലി​ന്യ​ങ്ങ​ളാ​ണ്. പൊ​തു​വെ തെ​രു​വു​നാ​യ്​ ശ​ല്യം രൂ​ക്ഷ​മാ​ണി​വി​ടെ. മാ​ലി​ന്യം വ​ർ​ധി​ച്ച​തോ​ടെ ഇ​വി​ടെ വി​ഹ​രി​ക്കു​ന്ന തെ​രു​വു​നാ​യ്​​ക്ക​ൾ വ​ഴി​യാ​ത്ര​ക്കാ​ർ​ക്കും സ​മീ​പ വ്യാ​പാ​രി​ക​ൾ​ക്കും ഭീ​ഷ​ണി​യാ​യി​ട്ടു​ണ്ട്​. റോ​ഡി​ന്‍റെ ഒ​രു​വ​ശം മു​ത​ൽ ജീ​ർ​ണി​ച്ച അ​ജൈ​വ മാ​ലി​ന്യ​ങ്ങ​ളും കൂ​ടി​ക്കി​ട​ക്കു​ക​യാ​ണ്.

കോ​ടി​മ​ത​യി​ലെ മു​ഖ്യ മാ​ലി​ന്യ​സം​സ്ക​ര​ണ കേ​ന്ദ്ര​ത്തി​ന്​ സ​മീ​പ​ത്തും പ്ലാ​സ്റ്റി​ക്​ അ​ട​ക്ക​മു​ള്ള മാ​ലി​ന്യ​ങ്ങ​ൾ വ​ലി​ച്ചെ​റി​ഞ്ഞ നി​ല​യി​ലാ​ണ്. റോ​ഡി​ന്‍റെ വ​ശ​ങ്ങ​ളി​ലും സ​മീ​പ​ത്തെ പാ​ട​ത്തും തെ​ർ​മോ​ക്കോ​ളും ഉ​ണ​ക്ക​മീ​ൻ കൊ​ണ്ടു​വ​ന്ന പാ​യ​ക​ളും മ​റ്റും ഉ​പേ​ക്ഷി​ച്ച നി​ല​യി​ലാ​ണ്. ഇ​വ​യു​ടെ കൂ​ട്ട​ത്തി​ൽ ഡ​യ​പ്പ​റു​ക​ളും നാ​പ്​​കി​നു​ക​ളും ഭ​ക്ഷ്യാ​വ​ശി​ഷ്ട​ങ്ങ​ളു​മു​ണ്ട്.

വേ​ന​ലാ​യ​തോ​ടെ സ​മീ​പ​ത്തെ തോ​ടി​ൽ വെ​ള്ളം വ​റ്റി​യ നി​ല​യി​ലാ​ണ്. ഈ ​തോ​ട്ടി​ലും പ്ലാ​സ്റ്റി​ക്, അ​ജൈ​വ മാ​ലി​ന്യ​ങ്ങ​ൾ വ​ലി​ച്ചെ​റി​ഞ്ഞി​ട്ടു​ണ്ട്. രാ​ത്രി​യി​ലാ​ണ്​ മാ​ലി​ന്യം​ത​ള്ള​ൽ അ​ധി​ക​വും ന​ട​ക്കു​ന്ന​ത്. ന​ഗ​ര​സ​ഭ​യി​ൽ മാ​ലി​ന്യ​മു​ക്ത പ​ദ്ധ​തി​ക​ൾ ന​ട​ക്കു​ന്നു​ണ്ടെ​ങ്കി​ലും മാ​ലി​ന്യം ത​ള്ള​ലി​ന്​ കു​റ​വി​ല്ലെ​ന്നാ​ണ്​ പൊ​തു​ജ​ന​ങ്ങ​ളു​ടെ ആ​ക്ഷേ​പം.