പാടശേഖരത്തിൽ വെള്ളം നിറഞ്ഞു; 20 കുടുംബങ്ങൾ ദുരിതത്തിൽ

വൈ​ക്കം: പാ​ട​ശേ​ഖ​ര​ത്തി​ൽ വെ​ള്ളം നി​റ​ഞ്ഞ​തോ​ടെ 20 കു​ടും​ബ​ങ്ങ​ൾ വെ​ള്ള​പ്പൊ​ക്ക ദു​രി​ത​ത്തി​ല​മ​ർ​ന്നു. പു​റം ബ​ണ്ടും മോ​ട്ടോ​റും ഇ​ല്ലാ​ത്ത വെ​ച്ചൂ​ർ ഇ​ട​യാ​ഴം തോ​ട്ടാ​പ​ള്ളി​യി​ൽ 25 ഏ​ക്ക​ർ വി​സ്തൃ​തി​യു​ള്ള അ​റു​പ​ത് ആ​ട്ടേ​താ​ഴെ പാ​ട​ശേ​ഖ​ര​ത്തി​നോ​ടു ചേ​ർ​ന്ന കു​ടും​ബ​ങ്ങ​ളാ​ണ് 20 ദി​വ​സ​മാ​യി വെ​ള്ള​പ്പൊ​ക്ക ദു​രി​തം പേ​റു​ന്ന​ത്. പു​റ​ബ​ണ്ടും മോ​ട്ടോ​റു​മി​ല്ലാ​ത്ത​തി​നാ​ൽ പാ​ട​ശേ​ഖ​ര​ത്തി​ൽ വ​ർ​ഷ കൃ​ഷി ന​ട​ത്തു​ന്നി​ല്ല.

പു​റ​ബ​ണ്ട്​ ഇ​ല്ലാ​ത്ത​തി​നാ​ൽ ക​ഴി​ഞ്ഞ പ്ര​ള​യ​ത്തി​ൽ കൃ​ഷി മു​ങ്ങി ന​ശി​ച്ച​തോ​ടെ ക​ർ​ഷ​ക​ർ വ​ർ​ഷ കൃ​ഷി ഒ​ഴി​വാ​ക്കി ക​ന്നി​യി​ൽ കൃ​ഷി ചെ​യ്തു തു​ട​ങ്ങി. ഇ​തോ​ടെ​യാ​ണ് പ്ര​ദേ​ശ​വാ​സി​ക​ൾ വെ​ള്ള​ത്തി​ലാ​യ​ത്. ഇ​നി നാ​ലു മാ​സ​മെ​ങ്കി​ലും ക​ഴി​യാ​തെ വീ​ടു​ക​ളി​ൽ​നി​ന്ന്​ വെ​ള്ള​മി​റ​ങ്ങി​ല്ലെ​ന്നാ​ണ് ദു​രി​ത​ബാ​ധി​ത​ർ പ​റ​യു​ന്ന​ത്. വെ​ള്ള​ത്തി​ലാ​യ​തോ​ടെ ക​ക്കൂ​സു​ക​ൾ ഉ​പ​യോ​ഗ​ശൂ​ന്യ​മാ​യ​താ​ണ് വീ​ട്ടു​കാ​രെ വ​ട്ടം​ചു​റ്റി​ക്കു​ന്ന​ത്. ഒ​ഴ​ല​ക്കാ​ട്ടു​ചി​റ വി​ജ​യ​മ്മ, സു​നി ആ​ട്ടേ​ത്ത​റ, സാ​ല​മ്മ വാ​ര്യം​വീ​ട്, ഉ​ഷ​കു​റ്റി​ച്ചി​റ, ചി​റ്റേ​ഴ​ത്ത് മ​ണി​യ​ൻ, ചി​റ്റേ​ഴ​ത്ത് ഷാ​ജി, രാ​ജേ​ഷ് രാ​ജേ​ഷ് ഭ​വ​നം, ഓ​മ​ന വെ​ട്ടി​ക്കാ​ട്, മോ​ളി വെ​ട്ടി​ക്കാ​ട്, രു​ക്​​മി​ണി വ​ട​ക്കു പു​റ, ഏ​ലി​യാ​മ്മ പു​റ​ക്കേ​രി​ത്ത​റ തു​ട​ങ്ങി​വ​രു​ടെ കു​ടും​ബ​ങ്ങ​ളി​ൽ​നി​ന്ന് വ​യോ​ധി​ക​രെ​യും കു​ഞ്ഞു​ങ്ങ​ളെ​യും ബ​ന്ധു​വീ​ടു​ക​ളി​ലേ​ക്കു മാ​റ്റി.

മ​ഴ ക​ന​ത്താ​ൽ ഇ​വ​ർ​ക്കൊ​ക്കെ വീ​ടു​വി​ട്ട് അ​ഭ​യ കേ​ന്ദ്ര​ങ്ങ​ളി​ലേ​ക്കു മാ​റേ​ണ്ട സ്ഥി​തി​യാ​ണ്. ഈ ​കു​ടും​ബ​ങ്ങ​ൾ വീ​ട്ടു​വ​ള​പ്പി​ൽ ന​ട​ത്തി​യി​രു​ന്ന ക​പ്പ, വാ​ഴ, പ​ച്ച​ക്ക​റി കൃ​ഷി​ക​ളും ന​ശി​ച്ചു. വെ​ച്ചൂ​ർ പ​ഞ്ചാ​യ​ത്ത് ര​ണ്ടാം വാ​ർ​ഡ് അം​ഗം ഗീ​ത സോ​മ​ൻ, വൈ​ക്കം ബ്ലോ​ക്ക് പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ വീ​ണ അ​ജി എ​ന്നി​വ​ർ പ്ര​ദേ​ശ​ത്തെ​ത്തി സ്ഥി​തി വി​ല​യി​രു​ത്തി.