കോട്ടയം: കൂരോപ്പട ജങ്ഷനിലെ വിവിധ സ്ഥാപനങ്ങളിൽ മോഷണം. മൂന്ന് മെഡിക്കൽ സ്റ്റോർ, ഇലക്ട്രിക്കൽ കട, പച്ചക്കറിക്കട, പലചരക്ക് കട എന്നിവിടങ്ങളിലാണ് മോഷണം നടന്നത്.
ചൊവ്വാഴ്ച പുലർച്ചയാണ് മോഷണം നടന്നത്. എല്ലാകടയുടെയും താഴ് തകർത്ത നിലയിലായിരുന്നു. താന്നിക്കൽ മെഡിക്കൽ സ്റ്റോറിൽനിന്ന് 6000 രൂപ, നീരജ് ഇലക്ട്രിക്കൽസിൽനിന്ന് 500 രൂപ, താന്നിക്കൽ സ്റ്റോഴ്സിൽനിന്ന് 2000 രൂപ, മോഡേൺ മെഡിക്കൽസിൽനിന്ന് 4000 രൂപ, എസ്.ജെ.എം പച്ചക്കറിക്കടയിൽനിന്ന് 350 രൂപ എന്നിങ്ങനെയാണ് നഷ്ടപ്പെട്ടത്. പച്ചക്കറി കടയിൽനിന്ന് മുട്ടയും മോഷണം പോയി.
ചെമ്പരത്തി മൂട്ടിലുള്ള കുഴുപ്പള്ളിൽ തടിമില്ലിൽനിന്ന് മുഖം മറച്ച് കമ്പിപ്പാര മോഷ്ടിക്കുന്ന മോഷ്ടാവിന്റെ സി.സി ടി.വി ദൃശ്യങ്ങളും ലഭിച്ചിട്ടുണ്ട്. പാമ്പാടി പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.