റേഷൻ വാങ്ങാത്ത കുടുംബങ്ങൾ മുൻഗണന പട്ടികയിൽനിന്ന്​ പുറത്ത്

കോ​ട്ട​യം: മൂ​ന്ന്​ മാ​സം തു​ട​ർ​ച്ച​യാ​യി റേ​ഷ​ൻ വാ​ങ്ങാ​ത്ത ജി​ല്ല​യി​ലെ 3069 കു​ടും​ബ​ങ്ങ​ൾ മു​ൻ​ഗ​ണ​ന പ​ട്ടി​ക​യി​ൽ​നി​ന്ന്​ പു​റ​ത്ത്. കോ​ട്ട​യം താ​ലൂ​ക്കി​ലാ​ണ്​​ ഏ​റ്റ​വും കൂ​ടു​ത​ൽ​പേ​ർ പു​റ​ത്താ​യ​ത്​-1122 . ഏ​റ്റ​വും കു​റ​വ്​ വൈ​ക്ക​ത്താ​ണ്​- 212. പൊ​തു​വി​ഭാ​ഗ​ത്തി​ലേ​ക്ക്​ മാ​റ്റി ഇ​വ​ർ​ക്ക്​ ഇ​നി സ​ബ്​​സി​ഡി നി​ര​ക്കി​ൽ സാ​ധ​ന​ങ്ങ​ൾ ല​ഭി​ക്കി​ല്ല.

പൊ​തു​വി​ഭാ​ഗ​ത്തി​ലേ​ക്ക്​ മാ​റ്റി​യ​വ​ർ ഏ​റെ​യും മു​ൻ​ഗ​ണ​ന വി​ഭാ​ഗ​ത്തി​ലു​ള്ള​വ​രാ​ണ് (​പി.​എ​ച്ച്.​എ​ച്ച്); 2599 പേ​രാ​ണ്​ ഈ ​വി​ഭാ​ഗ​ത്തി​ൽ​നി​ന്ന്​ പു​റ​ത്താ​യ​ത്. അ​ന്ത്യോ​ദ​യ അ​ന്ന​യോ​ജ​ന (​എ.​എ.​വൈ)-468, പൊ​തു​വി​ഭാ​ഗം സ​ബ്​​സി​ഡി (​എ​ൻ.​പി.​എ​സ്)- ര​ണ്ട്​ എ​ന്നി​ങ്ങ​നെ​യാ​ണ്​ മ​റ്റു​ള്ള​വ​രു​ടെ ക​ണ​ക്ക്. വൈ​ക്കം, കാ​ഞ്ഞി​ര​പ്പ​ള്ളി എ​ന്നീ താ​ലൂ​ക്കു​ക​ളി​ൽ​നി​ന്നു​ള്ള​ ഒ​രോ കു​ടും​ബ​ങ്ങ​ളാ​ണ്​ പൊ​തു​വി​ഭാ​ഗം സ​ബ്​​സി​ഡി (​എ​ൻ.​പി.​എ​സ്) വി​ഭാ​ഗ​ത്തി​ൽ​നി​ന്ന്​ പു​റ​ത്തു​പോ​യ​ത്.

അ​സു​ഖ​ങ്ങ​ള​ട​ക്കം വ്യ​ക്​​ത​മാ​യ കാ​ര​ണ​മു​ള്ള​വ​ർ ​ വീ​ണ്ടും അ​പേ​ക്ഷ ന​ൽ​കി​യാ​ൽ മു​ൻ​ഗ​ണ​ന പ​ട്ടി​ക​യി​ലേ​ക്ക്​ മാ​റ്റാ​നു​ള്ള ന​ട​പ​ടി സ്വീ​ക​രി​ക്കു​മെ​ന്നും സി​വി​ൽ സ​പ്ലൈ​സ്​ അ​ധി​കൃ​ത​ർ അ​റി​യി​ച്ചു.

ജി​ല്ല​യി​ൽ മൊ​ത്തം 55,3773 കാ​ർ​ഡു​ക​ളാ​ണു​ള്ള​ത്. മൊ​ത്തം 935 റേ​ഷ​ൻ ക​ട​ക​ളും ജി​ല്ല​യി​ലു​ണ്ട്. കോ​ട്ട​യം താ​ലൂ​ക്കി​ൽ 267 ക​ട​ക​ളാ​ണു​ള്ള​ത്. കാ​ഞ്ഞി​ര​പ്പ​ള്ളി-135, ​ൈവ​ക്കം-176, ച​ങ്ങ​നാ​ശ്ശേ​രി-149, മീ​ന​ച്ചി​ൽ 208 എ​ന്നി​ങ്ങ​നെ​യാ​ണ്​ മ​റ്റ്​ താ​ലൂ​ക്കു​ക​ളി​ലെ ക​ട​ക​ളു​​ടെ എ​ണ്ണം.

അ​തി​നി​ടെ, റേ​ഷ​ന്‍ ക​ട​ക​ളി​ലൂ​ടെ വി​ത​ര​ണം ചെ​യ്യു​ന്ന അ​രി​യി​ല്‍ പു​ഴു​വെ​ന്ന പ​രാ​തി​ക​ളും വ്യാ​പ​ക​മാ​ണ്. ഒ​രു മാ​സം മു​മ്പ് അ​രി​യി​ല്‍ വ്യാ​പ​ക​മാ​യി പു​ഴു​ക്ക​ളെ ക​ണ്ടെ​ത്തി​യ​തി​നെ​ത്തു​ട​ര്‍ന്ന് വൈ​ക്ക​ത്ത് 43 ക​ട​ക​ളി​ലെ അ​രി മാ​റ്റി ന​ല്‍കി​യി​രു​ന്നു. ഇ​തി​നെ​തു​ട​ർ​ന്ന്​ മ​റ്റ്​ താ​ലൂ​ക്കു​ക​ളി​ൽ വി​ത​ര​ണം ചെ​യ്​​ത ഇ​തേ ബാ​ച്ച് ന​മ്പ​റി​ലു​ള്ള അ​രി​ചാ​ക്കു​ക​ൾ സം​ബ​ന്ധി​ച്ച്​ അ​ധി​കൃ​ത​ര്‍ വി​വ​രം ശേ​ഖ​രി​ച്ചി​രു​ന്നു. എ​ന്നാ​ല്‍, തു​ട​ര്‍ ന​ട​പ​ടി​ക​ളു​ണ്ടാ​യി​ല്ല.

കു​ത്ത​രി​യി​ലാ​ണ് പു​ഴു​ശ​ല്യം രൂ​ക്ഷം. വെ​ളു​ത്ത നി​റ​മു​ള്ള പു​ഴു​ക്ക​ളും പു​ഴു​ക്ക​ട്ട​ക​ളു​മാ​ണ് പ​ല ചാ​ക്കു​ക​ക​ളി​ലും. ഇ​തി​നെ​ചൊ​ല്ലി കാ​ര്‍ഡ് ഉ​ട​മ​ക​ളും റേ​ഷ​ൻ വ്യാ​പാ​രി​ക​ളും ത​മ്മി​ല്‍ വാ​ക്കേ​റ്റം പ​തി​വാ​ണ്. നേ​ര​​ത്തെ ക​ട​യി​ല്‍ മാ​സ​ങ്ങ​ള്‍ കേ​ടു​കൂ​ടാ​തെ അ​രി ഇ​രി​ന്നി​രു​ന്നു​വെ​ങ്കി​ല്‍ ഇ​പ്പോ​ള്‍ ദി​വ​സ​ങ്ങ​ള്‍ക്കു​ള്ളി​ല്‍ പു​ഴു നി​റ​യു​ക​യാ​ണ്. ക​ട​ക​ളി​ല്‍ കു​റ​വാ​ണെ​ങ്കി​ലും ഗോ​ത​മ്പി​ലും പു​ഴു ശ​ല്യം വ​ര്‍ധി​ച്ചി​രി​ക്കു​ക​യാ​ണെ​ന്ന്​ ക​ട ഉ​ട​മ​ക​ള്‍ പ​റ​യു​ന്നു.

മു​ൻ​ഗ​ണ​നാ പ​ട്ടി​ക​യി​ൽ​നി​ന്ന്​ പു​റ​ത്താ​യ​വ​രു​ടെ താ​ലൂ​ക്ക്​ തി​രി​ച്ചു​ള്ള എ​ണ്ണം

(താ​ലൂ​ക്ക്, പി.​എ​ച്ച്.​എ​ച്ച്, എ.​എ.​വൈ, എ​ൻ.​പി.​എ​സ് എ​ന്ന ക്ര​മ​ത്തി​ൽ)

• കോ​ട്ട​യം: 961-161-0
• ച​ങ്ങ​നാ​ശ്ശേ​രി-264-27-0
• വൈ​ക്കം:158-53-1
• കാ​ഞ്ഞി​ര​പ്പ​ള്ളി:585-61-1
• മീ​ന​ച്ചി​ൽ:631-166-0
• ആ​കെ: 2599-468-2

ജ​നു​വ​രി​യി​ലെ റേ​ഷ​ൻ വി​ഹി​തം ഇ​ങ്ങ​നെ

അ​ന്ത്യോ​ദ​യ അ​ന്ന​യോ​ജ​ന (​എ.​എ.​വൈ):

കാ​ർ​ഡി​ന്​ 30 കി​ലോ അ​രി​യും മൂ​ന്ന്​ കി​ലോ ഗോ​ത​മ്പും സൗ​ജ​ന്യ​മാ​യും ര​ണ്ട്​ പാ​ക്ക​റ്റ്​ ആ​ട്ട ഏ​ഴ്​ രൂ​പ നി​ര​ക്കി​ലും ഒ​രു കി​ലോ പ​ഞ്ച​സാ​ര 21 രൂ​പ​ക്കും ല​ഭി​ക്കും.

മു​ൻ​ഗ​ണ​ന വി​ഭാ​ഗം (​പി.​എ​ച്ച്.​എ​ച്ച്):

ഒ​രോ അം​ഗ​ത്തി​നും നാ​ല്​​ കി​ലോ അ​രി​യും ഒ​രു​കി​ലോ ഗോ​ത​മ്പും സൗ​ജ​ന്യ​മാ​യി ല​ഭി​ക്കും(​കാ​ർ​ഡി​ന്​ അ​നു​വ​ദി​ച്ചി​ട്ടു​ള്ള ആ​കെ ഗോ​ത​മ്പി​ന്‍റെ അ​ള​വി​ൽ​നി​ന്നും മൂ​ന്ന്​ കി​ലോ കു​റ​ച്ച്, പ​ക​രം മൂ​ന്ന്​ പാ​യ്ക്ക​റ്റ്​ ആ​ട്ട ഒ​മ്പ​ത്​ രൂ​പ നി​ര​ക്കി​ൽ ല​ഭി​ക്കും).

പൊ​തു​വി​ഭാ​ഗം സ​ബ്​​സി​ഡി (​എ​ൻ.​പി.​എ​സ്):

• ഓരോ അം​ഗ​ത്തി​നും ര​ണ്ട്​ കി​ലോ അ​രി​വീ​തം കി​ലോ​ക്ക്​ നാ​ല്​ രൂ​പ നി​ര​ക്കി​ൽ ല​ഭി​ക്കും. കൂ​ടാ​തെ അ​ധി​ക​വി​ഹി​ത​മാ​യി മൂ​ന്ന്​ കി​ലോ അ​രി കി​ലോ​ക്ക്​ 10.90 രൂ​പ​ക്ക്​ ല​ഭി​ക്കും
• പൊ​തു​വി​ഭാ​ഗം(​എ​ൻ.​പി.​എ​ൻ.​എ​സ്): കാ​ർ​ഡി​ന്​ ആ​റ്​ കി​ലോ അ​രി കി​ലോ​ക്ക്​ 10.90 രൂ​പ​ക്ക്​
• പൊ​തു​വി​ഭാ​ഗം സ്ഥാ​പ​നം(​എ​ൻ.​പി.​ഐ): കാ​ർ​ഡി​ന്​ ര​ണ്ട്​ കി​ലോ അ​രി 10.90 രൂ​പ​ക്ക്​​ (സി​വി​ൽ സ​പ്ലൈ​സ്​ വ​കു​പ്പ്​ പു​റ​ത്തി​റക്കിയ ഔ​ദ്യോ​ഗി​ക അ​റി​യി​പ്പ്)