കാ​പ്പ ചു​മ​ത്തി ജി​ല്ല​ക്ക്​ പു​റ​ത്താ​ക്കു​ന്ന ഗു​ണ്ട​ക​ൾ അ​ട​ക്കം മ​ട​ങ്ങി​യെ​ത്തി​യി​ട്ടും ശ​ക്​​ത​മാ​യ ന​ട​പ​ടി​യൊ​ന്നും പൊ​ലീ​സി​ന്‍റെ ഭാ​ഗ​ത്തു​നി​ന്ന്​ ഉ​ണ്ടാ​വു​ന്നി​ല്ലെ​ന്നും ആ​രോ​പ​ണ​മുണ്ട്​

കോ​ട്ട​യം: കോ​ട്ട​യം പൊ​ലീ​സി​നെ വീ​ണ്ടും പ്ര​തി​ക്കൂ​ട്ടി​ലാ​ക്കി സ​ഹ​പ്ര​വ​ർ​ത്ത​ക​ന്‍റെ കൊ​ല​പാ​ത​കം. ര​ണ്ടു​വ​ർ​ഷ​ങ്ങ​ൾ​ക്ക്​ മു​മ്പ്​ യു​വാ​വി​നെ ത​ല്ലി​ക്കൊ​ന്ന് കോ​ട്ട​യം ഈ​സ്റ്റ് പൊ​ലീ​സ് സ്റ്റേ​ഷ​ന് മു​ന്നി​ൽ ഉ​പേ​ക്ഷി​ച്ച​ത്​ വ​ലി​യ​തോ​തി​ൽ ച​ർ​ച്ച​യാ​കു​ക​യും ജി​ല്ല പൊ​ലീ​സി​ന്​ വ​ൻ നാ​ണ​ക്കേ​ട്​ സൃ​ഷ്ടി​ക്കു​ക​യും ചെ​യ്തി​രു​ന്നു. ഇ​പ്പോ​ൾ ​ സ്വ​ന്തം സ​ഹ​പ്ര​വ​ർ​ത്ത​ക​ന്‍റെ ജീ​വ​ൻ​പോ​ലും സം​ര​ക്ഷി​ക്കാ​ൻ ക​ഴി​യാ​ത്ത സേ​ന​യെ​ന്ന അ​പ​മാ​ന​മാ​ണ്​​ ജി​ല്ല പൊ​ലീ​സി​നെ തേ​ടി​യെ​ത്തി​യി​രി​ക്കു​ന്ന​ത്.

2022 ജ​നു​വ​രി 17നാ​യി​രു​ന്നു യു​വാ​വി​നെ ത​ല്ലി​ക്കൊ​ന്ന് കോ​ട്ട​യം ഈ​സ്റ്റ് പൊ​ലീ​സ് സ്റ്റേ​ഷ​ന് മു​ന്നി​ലി​ട്ട സം​ഭ​വം. കോ​ട്ട​യം വി​മ​ല​ഗി​രി സ്വ​ദേ​ശി ഷാ​ന്‍ ബാ​ബു​വി​നെ ഗു​ണ്ടാ​ലി​സ്റ്റി​ല്‍ ഉ​ള്‍പ്പെ​ട്ട കെ.​ഡി. ജോ​മോ​നാ​യി​രു​ന്നു കൊ​ല​പ്പെ​ടു​ത്തി​യ​ത്. തു​ട​ർ​ന്ന്​ മൃ​ത​ദേ​ഹം തോ​ളി​ലേ​റ്റി സ്​​റ്റേ​ഷ​ന്​ മു​ന്നി​ൽ ഉ​പേ​ക്ഷി​ക്കു​ക​യാ​യി​രു​ന്നു. ഇ​ത്​ ​വ​ലി​യ ച​ർ​ച്ച​യാ​യ​തി​നൊ​പ്പം പൊ​ലീ​സി​ന്‍റെ വീ​ഴ്​​ച​ക​ൾ പു​റ​ത്തു​വ​രു​ക​യും ചെ​യ്തി​രു​ന്നു. ഇ​തി​നു​മു​മ്പ്​ ​കെ​വി​ൻ കൊ​ല​പാ​ത​ക​വും ജി​ല്ല പൊ​ലീ​സി​നെ ഏ​റെ​നാ​ൾ വേ​ട്ട​യാ​ടി​യി​രു​ന്നു.

ഇ​പ്പോ​ൾ സ​ഹ​പ്ര​വ​ർ​ത്ത​ക​ന്‍റെ ജീ​വ​ൻ​ത​ന്നെ ക്രി​മി​ന​ൽ കേ​സ്​ പ്ര​തി​യാ​ൽ ന​ഷ്ട​​പ്പെ​ട്ട​ത്​ ജി​ല്ല​യി​ലെ പൊ​ലീ​സ് ഉ​ദ്യോ​ഗ​സ്ഥ​രെ​യും ഞെ​ട്ടി​ച്ചി​രി​ക്കു​ക​യാ​ണ്. ഗാ​ന്ധി​ന​ഗ​ർ, ഏ​റ്റു​മാ​നൂ​ർ സ്​​റ്റേ​ഷ​നു​ക​ൾ കേ​ന്ദ്രീ​ക​രി​ച്ച്​ ക്രി​മി​ന​ലു​ക​ളും ഗു​ണ്ട​ക​ളും വി​ള​യാ​ട്ടം ന​ട​ത്തു​ക​യാ​ണെ​ന്ന്​ നേ​ര​ത്തെ​ത​ന്നെ ആ​ക്ഷേ​പ​മു​ണ്ടാ​യി​രു​ന്നു.

ചി​ല പൊ​ലീ​സു​കാ​ർ​ക്ക്​ ഇ​വ​രു​മാ​യി ​ ച​ങ്ങാ​ത്ത​മു​ണ്ടെ​ന്നും പ​രാ​തി​ക​ൾ ഉ​യ​ർ​ന്നി​രു​ന്നു. ഇ​വ​രെ പി​ടി​കൂ​ടാ​നു​ള്ള ശ്ര​മ​ങ്ങ​ൾ പാ​ളാ​നും ഇ​ത്​ കാ​ര​ണ​മാ​കു​ന്നു​ണ്ട്. കാ​പ്പ ചു​മ​ത്തി ജി​ല്ല​ക്ക്​ പു​റ​ത്താ​ക്കു​ന്ന ഗു​ണ്ട​ക​ൾ അ​ട​ക്കം മ​ട​ങ്ങി​യെ​ത്തി​യി​ട്ടും ശ​ക്​​ത​മാ​യ ന​ട​പ​ടി​യൊ​ന്നും പൊ​ലീ​സി​ന്‍റെ ഭാ​ഗ​ത്തു​നി​ന്ന്​ ഉ​ണ്ടാ​വു​ന്നി​ല്ലെ​ന്നും ആ​രോ​പ​ണ​ങ്ങ​ൾ ഉ​യ​ർ​ന്നി​രു​ന്നു.

ല​ഹ​രി​യും കൂ​ട്ട്​

ചെ​റി​യ അ​ടി​പി​ടി​യി​ൽ തു​ട​ങ്ങു​ന്ന സം​ഘ​ങ്ങ​ളാ​ണ്​ പി​ന്നീ​ട്​ ഗു​ണ്ടാ​സം​ഘ​ങ്ങ​ളാ​യി വ​ള​രു​ന്ന​ത്. ഇ​വ​ർ ല​ഹ​രി ഇ​ട​പാ​ടു​ക​ളി​ലേ​ക്ക്​ മാ​റു​ന്ന​ത്​ പ​തി​വാ​ണ്. ഉ​പ​യോ​ഗി​ക്കു​ന്ന​തി​നൊ​പ്പം ല​ഹ​രി​വ​സ്തു​ക്ക​ൾ ക​ട​ത്താ​ൻ ഇ​ട​നി​ല​ക്കാ​രാ​യും ഇ​വ​ർ മാ​റു​ന്നു. ല​ഹ​രി ന​ൽ​കി​യാ​ണ്​ കൂ​ടു​ത​ൽ യു​വാ​ക്ക​ളെ പ​ല​സം​ഘ​ങ്ങ​ളും ഒ​പ്പം​ചേ​ർ​ക്കു​ന്ന​ത്. ല​ഹ​രി വി​ൽ​പ​ന​യി​ലൂ​ടെ പ​ണം ക​ണ്ടെ​ത്തു​ന്ന​തി​നാ​ൽ ആ​ഡം​ബ​ര ജീ​വി​ത​മാ​ണ്​ ഇ​വ​രു​ടേ​തെ​ന്നും നാ​ട്ടു​കാ​ർ പ​റ​യു​ന്നു.

ല​ഹ​രി​സം​ഘ​ത്തി​ൽ പെ​ട്ട​വ​ർ കാ​ര്യ​മാ​യ പ്ര​കോ​പ​ന​മൊ​ന്നും ഇ​ല്ലാ​തെ​യാ​ണ്​ മ​റ്റു​ള്ള​വ​രെ ആ​ക്ര​മി​ക്കു​ന്ന​ത്. ല​ഹ​രി വി​ൽ​പ​ന​യെ ചോ​ദ്യം ചെ​യ്യു​ന്ന​വ​രെ വീ​ട്ടി​ൽ ക​യ​റി അ​ക്ര​മി​ക്കു​ന്ന​ത്​ സ്ഥി​രം സം​ഭ​വ​മാ​ണ്. മാ​സ​ങ്ങ​ൾ​ക്ക്​ മു​മ്പ് കോ​ത​ന​ല്ലൂ​ർ ട്രാ​ൻ​സ്ഫോ​മ​ർ ജ​ങ്​​ഷ​നി​ൽ മു​മ്പി​ൽ പോ​യ ഓ​ട്ടോ​റി​ക്ഷ സി​ഗ്‌​ന​ൽ ലൈ​റ്റ് തെ​റ്റാ​യി ഇ​ട്ട​തി​ന്​ ഡ്രൈ​വ​റെ വ​ലി​ച്ചി​റ​ക്കി ല​ഹ​രി​സം​ഘം കു​ത്തി​യി​രു​ന്നു. കോ​ത​ന​ല്ലൂ​രി​ൽ ത​ട്ടു​ക​ട​യി​ൽ ഉ​റ​ക്കെ സം​സാ​രി​ച്ച​തി​ന്​ പി​ക്ക​പ് ഡ്രൈ​വ​റെ​യും സു​ഹൃ​ത്തി​നെ​യും ആ​ക്ര​മി​ക്കു​ക​യും വീ​ടി​നും കാ​റി​നും ക​ല്ലെ​റി​യു​ക​യും ചെ​യ്തു.

ഇ​ത്ത​രം കേ​സു​ക​ളി​ൽ പ്ര​തി​ക​ളെ ക​ണ്ടെ​ത്തി​യെ​ങ്കി​ലും ക​ടു​ത്ത ന​ട​പ​ടി ഉ​ണ്ടാ​കാ​ത്ത​തി​നാ​ൽ വീ​ണ്ടും ഇ​വ​ർ ആ​ക്ര​മ​ണ​ങ്ങ​ളി​ലേ​ക്ക്​ തി​രി​യു​ന്ന​ത്​ പ​തി​വാ​ണെ​ന്നും ചൂ​ണ്ടി​ക്കാ​ട്ട​പ്പെ​ടു​ന്നു.

ശ്യാം ​പ്ര​സാ​ദി​ന്‍റെ മൃ​ത​ദേ​ഹം കോ​ട്ട​യം പൊ​ലീ​സ്​ ക്ല​ബി​ൽ പൊ​തു​ദ​ർ​ശ​ന​ത്തി​നു​വെ​ച്ച​പ്പോ​ൾ അ​ന്തി​മോ​പ​ചാ​രം അ​ർ​പ്പി​ക്കു​ന്ന സ​ഹ​പ്ര​വ​ർ​ത്ത​ക​ർ

 കഴിഞ്ഞവർഷം പൊലീസിനു നേരെയുണ്ടായത്​ 16 ആക്രമണങ്ങൾ

കോ​ട്ട​യം: പൊ​ലീ​സി​നു​നേ​രെ​ ക​ഴി​ഞ്ഞ​വ​ര്‍ഷം മാ​ത്രം ജി​ല്ല​യി​ല്‍ 16 അ​തി​ക്ര​മ​ങ്ങ​ൾ. ചി​ല കേ​സു​ക​ളി​ൽ പ്ര​ധാ​ന​പ്ര​തി​ക​ൾ പി​ടി​യി​ലാ​യെ​ങ്കി​ലും കൂ​ട്ടാ​ളി​ക​ൾ ഒ​ളി​വി​ലാ​ണ്.

ന​വം​ബ​റി​ല്‍ എ​രു​മേ​ലി കൊ​ര​ട്ടി​യി​ല്‍ വാ​ഹ​ന പ​രി​ശോ​ധ​ന​ക്കി​ടെ ഇ​ട​ക​ട​ത്തി സ്വ​ദേ​ശി പൊ​ലീ​സു​കാ​രെ ആ​ക്ര​മി​ച്ചി​രു​ന്നു. ഒ​ക്‌​ടോ​ബ​റി​ല്‍ പു​തു​പ്പ​ള്ളി കൈ​തേ​പ്പാ​ല​ത്ത് വാ​ഹ​ന പ​രി​ശോ​ധ​ന​ക്കി​ടെ മൂ​ന്നം​ഗ സം​ഘം പെ​പ്പ​ര്‍ സ്‌​പ്രേ ഉ​പ​യോ​ഗി​ച്ചാ​ണ്​ പൊ​ലീ​സി​നെ നേ​രി​ട്ട​ത്.

ചി​ങ്ങ​വ​ന​ത്ത് വാ​റ​ന്‍റ്​ കേ​സി​ലെ പ്ര​തി​യാ​ണ്​ യൂ​നി​ഫോം അ​ണി​ഞ്ഞ​വ​രെ മ​ർ​ദി​ച്ച​ത്. ഒ​ക്‌​ടോ​ബ​റി​ല്‍ മ​ണ​ര്‍കാ​ട് ബാ​റി​ന്​ മു​ന്നി​ലെ സം​ഘ​ര്‍ഷ സ്ഥ​ല​ത്ത് എ​ത്തി​യ പൊ​ലീ​സു​കാ​ർ​ക്ക്​ മ​ര്‍ദ​ന​മേ​റ്റി​രു​ന്നു. ആ​ഗ​സ്റ്റി​ല്‍ നാ​ഗ​മ്പ​ട​ത്തെ പൊ​ലീ​സ് എ​യ്ഡ്‌ പോ​സ്റ്റ്​​ത​ന്നെ ഒ​രു സം​ഘം ത​ല്ലി​ത്ത​ക​ര്‍ത്തു.

ജൂ​ലൈ​യി​ല്‍ ചി​ങ്ങ​വ​നം, ഏ​റ്റു​മാ​നൂ​ർ, ഈ​രാ​റ്റു​പേ​ട്ട എ​ന്നി​വി​ട​ങ്ങ​ളി​ൽ വാ​ഹ​ന പ​രി​ശോ​ധ​ന​ക്കി​ടെ പൊ​ലീ​സു​കാ​ര്‍ക്കു മ​ര്‍ദ​ന​മേ​റ്റി​രു​ന്നു. ഈ​രാ​റ്റു​പേ​ട്ട​യി​ല്‍ പൊ​ലീ​സി​നെ ഇ​ടി​ച്ചി​ട്ട് നി​ര്‍ത്താ​തെ വാ​ഹ​നം ഓ​ടി​ച്ചു​പോ​യ സം​ഭ​വ​വു​മു​ണ്ടാ​യി. മേ​യി​ല്‍ കു​റ​വി​ല​ങ്ങാ​ട്ട് ഹോം ​ഗാ​ര്‍ഡി​നാ​ണ്​ ആ​ക്ര​മ​ണ​ത്തി​ല്‍ പ​രു​ക്കേ​റ്റ​ത്. ഏ​പ്രി​ലി​ല്‍ കോ​ട്ട​യം കെ.​എ​സ്്.​ആ​ര്‍.​ടി.​സി. സ്റ്റാ​ൻ​ഡി​ലെ സം​ഘ​ര്‍ഷം പ​രി​ഹ​രി​ക്കാ​നെ​ത്തി​യ പോ​ലീ​സു​കാ​ര​ന്​ മ​ര്‍ദ​ന​മേ​റ്റ​താ​ണ്​ മ​റ്റൊ​രു​സം​ഭ​വം. അ​ന്വേ​ഷി​ച്ചെ​ത്തി​യ പൊ​ലീ​സ്​ സം​ഘ​ത്തി​നു​നേ​രെ പ്ര​തി പ​ട്ടി​യെ അ​ഴി​ച്ചു​വി​ട്ട സം​ഭ​വം ഏ​പ്രി​ലി​ല്‍ ഏ​റ്റു​മാ​നൂ​രി​ലാ​യി​രു​ന്നു.

മാ​ര്‍ച്ചി​ല്‍ ചി​ങ്ങ​വ​ന​ത്ത് ബാ​റി​ലെ സം​ഘ​ര്‍ഷ സ്ഥ​ല​ത്തും ഫെ​ബ്രു​വ​രി​യി​ല്‍ മ​ണി​മ​ല​യി​ല്‍ വാ​ഹ​ന പ​രി​ശോ​ധ​ന​ക്കി​ടെ​യും മ​ര്‍ദ​ന​മേ​റ്റ സം​ഭ​വ​ങ്ങ​​ളും റി​പ്പോ​ർ​ട്ട്​ ചെ​യ്തു. വി​ദ്യാ​ര്‍ഥി​ക​ളും നാ​ട്ടു​കാ​രു​മാ​യു​ള്ള സം​ഘ​ര്‍ഷ​ത്തി​ല്‍ പൊ​ലീ​സു​കാ​ര്‍ക്കു ക്രൂ​ര​മാ​യി മ​ര്‍ദ​ന​മേ​റ്റ​ത് കു​റ​വി​ല​ങ്ങാ​ട്ട് ഫെ​ബ്രു​വ​രി​യി​ലാ​ണ്. അ​തേ​മാ​സം, കി​ട​ങ്ങൂ​രി​ലും ജ​നു​വ​രി​യി​ല്‍ വൈ​ക്ക​ത്തും പൊ​ലീ​സു​കാ​ര്‍ക്ക് അ​ക്ര​മി​ക​ളു​ടെ മ​ര്‍ദ​ന​മേ​റ്റു. അ​ക്ര​മ​ങ്ങ​ള്‍ വ​ര്‍ധി​ച്ച​പ്പോ​ഴും പ്ര​തി​രോ​ധം ശ​ക്ത​മാ​ക്കാ​ന്‍ മേ​ലു​ദ്യോ​ഗ​സ്ഥ​ര്‍ ത​യാ​റാ​കാ​തി​രു​ന്ന​തി​ന്‍റെ ഫ​ല​മാ​ണ് ശ്യാം ​പ്ര​സാ​ദി​ന്‍റെ മ​ര​ണ​മെ​ന്നാ​ണ്​ സി​വി​ൽ പൊ​ലീ​സ്​ ഉ​​ദ്യോ​ഗ​സ്ഥ​ർ പ​റ​യു​ന്ന​ത്.

ഇനി ശ്യാമില്ല; വേദനയിൽ പ്രശാന്ത് കുമാര്‍

കോ​ട്ട​യം: ഒ​ന്ന​ര​വ​ർ​ഷ​മാ​യി ഒ​പ്പ​മു​ണ്ടാ​യി​രു​ന്ന ശ്യാ​മി​ന്‍റെ അ​പ്ര​തീ​ക്ഷി​ത വി​യോ​ഗ​ത്തി​ന്‍റെ വേ​ദ​ന​യി​ൽ കോ​ട്ട​യം വെ​സ്റ്റ് എ​സ്.​എ​ച്ച്.​ഒ. കെ.​ആ​ര്‍. പ്ര​ശാ​ന്ത് കു​മാ​ര്‍. കു​ട​മാ​ളൂ​ര്‍ പ​ള്ളി​യി​ലെ ഡ്യൂ​ട്ടി ക​ഴി​ഞ്ഞ്​ 10.30ഓ​ടെ​യാ​ണ്​ എ​സ്.​എ​ച്ച്.​ഒ​യെ ശ്യാം​പ്ര​സാ​ദ്​ സ്​​റ്റേ​ഷ​നി​ലെ​ത്തി​ക്കു​ന്ന​ത്. യാ​ത്ര പ​റ​ഞ്ഞ്​ ബൈ​ക്കി​ല്‍ വീ​ട്ടി​ലേ​ക്ക്​ മ​ട​ങ്ങു​മ്പോ​ഴാ​യി​രു​ന്നു ദാ​രു​ണ സം​ഭ​വം.

‘സാ​റേ ഞാ​ന്‍ നാ​ളെ റെ​സ്റ്റാ​യി​രി​ക്കു​മേ?’ എ​ന്നു പ​റ​ഞ്ഞാ​ണ്​ ശ്യാം ​പോ​യ​തെ​ന്നും അ​ദ്ദേ​ഹം ഓ​ർ​ത്തെ​ടു​ക്കു​ന്നു. ഡ്രൈ​വ​ര്‍ എ​ന്ന​തി​നേ​ക്കാ​ള്‍ സ​ഹോ​ദ​ര​നെ​പ്പോ​ലെ​യാ​യി​രു​ന്നു ശ്യാം ​ത​നി​ക്കെ​ന്ന്​ എ​സ്.​എ​ച്ച്.​ഒ പ​റ​ഞ്ഞു. തി​ങ്ക​ളാ​ഴ്ച അ​ര്‍ധ​രാ​ത്രി എം.​സി. റോ​ഡി​ല്‍ തെ​ള്ള​ക​ത്തെ ത​ട്ടു​ക​ട​യി​ൽ ന​ട​ന്ന ആ​ക്ര​മ​ണ​ത്തി​ലാ​ണ്​ കോ​ട്ട​യം വെ​സ്റ്റ്​ പൊ​ലീ​സ്​ സ്​​റ്റേ​ഷ​നി​ലെ പൊ​ലീ​സ് കോ​ൺ​സ്റ്റ​ബി​ൾ ഡ്രൈ​വ​ർ മാ​ഞ്ഞൂ​ര്‍ ത​ട്ടാം​പ​റ​മ്പി​ല്‍ (ചി​റ​യി​ല്‍) ശ്യാം ​പ്ര​സാ​ദ്​​ (44) കൊ​ല്ല​പ്പെ​ട്ട​ത്.

സം​ഘ​ങ്ങ​ൾ ഏ​റെ​യും അ​തി​ര​മ്പു​ഴ, ഏ​റ്റു​മാ​നൂ​ർ മേ​ഖ​ല​ക​ൾ കേ​ന്ദ്രീ​ക​രി​ച്ച്​

കു​ടി​പ്പ​ക​യും ചോ​ര​ക്ക്​ ചോ​ര​യു​മൊ​ക്കെ​യാ​യി ജി​ല്ല​യി​ലെ ഗു​ണ്ട​ക​ളു​ടെ ലോ​കം സ​ജീ​വ​മാ​ണ്’. അ​തി​ര​മ്പു​ഴ, ഏ​റ്റു​മാ​നൂ​ർ മേ​ഖ​ല​ക​ൾ കേ​ന്ദ്രീ​ക​രി​ച്ചാ​ണ്​ ഇ​വ​യി​ൽ ഏ​റെ​യും.

ജി​ല്ല​യി​ൽ നേ​ര​ത്തെ ഉ​ണ്ടാ​യി​രു​ന്ന വ​മ്പ​ൻ​മാ​ർ ഒ​തു​ങ്ങി​യെ​ങ്കി​ലും പു​തി​യ സം​ഘ​ങ്ങ​ളാ​ണ്​​ ഇ​പ്പോ​ൾ ക്വ​ട്ടേ​ഷ​ൻ- ല​ഹ​രി പ്ര​വൃ​ത്തി​ക​ൾ നി​യ​​ന്ത്രി​ക്കു​ന്ന​ത്. നേ​ര​ത്തെ ജി​ല്ല​യി​ൽ നി​ര​ന്ത​രം പ്ര​ശ്ന​ങ്ങ​ൾ സൃ​ഷ്ടി​ച്ചി​രു​ന്ന അ​ലോ​ട്ടി​യെ കാ​പ്പ ചു​മ​ത്തി ജി​ല്ല​യി​ൽ​നി​ന്ന്​ നാ​ടു​ക​ട​ത്തി​യി​രി​ക്കു​ക​യാ​ണ്. കു​പ്ര​സി​ദ്ധ ഗു​ണ്ട​യാ​യി​രു​ന്ന വി​നീ​ത് സ​ഞ്ജ​യ​ൻ റി​മാ​ൻ​ഡി​ലാ​ണ്.

അ​രു​ൺ ഗോ​പ​ൻ, ച​ങ്ങ​നാ​ശ്ശേ​രി സ്വ​ദേ​ശി മി​ഥു​ൻ എ​ന്നി​വ​ർ നാ​ട്ടി​ലു​ണ്ടെ​ങ്കി​ലും വ​ലി​യ​തോ​തി​ൽ പ്ര​ശ്ന​ങ്ങ​ളി​ൽ ഇ​ട​പെ​ടാ​തെ ഒ​ഴി​ഞ്ഞു​നി​ൽ​ക്കു​ക​യാ​ണ്​. ഒ​രു​കാ​ല​ത്ത്​ വി​ല​സി ന​ട​ന്നി​രു​ന്ന​വ​ർ ഒ​തു​ങ്ങി​യ​പ്പോ​ഴാ​ണ്​ പു​തി​യ സം​ഘ​ങ്ങ​ൾ ത​ഴ​ച്ചു​വ​ള​രു​ന്ന​ത്. ചെ​റി​യ അ​ടി​പി​ടി​ക​ൾ സൃ​ഷ്ടി​ച്ചാ​കും ഇ​വ​രു​ടെ തു​ട​ക്കം.

ഉ​ത്സ​വ​ങ്ങ​ൾ, പ​ള്ളി പെ​രു​ന്നാ​ളു​ക​ൾ എ​ന്നി​വ​യി​ലൂ​ടെ​യാ​കും ‘അ​ര​ങ്ങേ​റ്റം’. പി​ന്നീ​ട്​ അ​തി​വേ​ഗം വ​ള​രു​ന്ന ഇ​വ​ർ​ക്കൊ​പ്പം യു​വാ​ക്ക​ളു​ടെ വ​ലി​യ സം​ഘ​ങ്ങ​ളും ഒ​പ്പം ചേ​രും. തു​ട​ക്ക​ത്തി​ൽ ഇ​ത്ത​രം സം​ഘ​ങ്ങ​ൾ​ക്കെ​തി​രെ ക​ർ​ശ​ന​ന​ട​പ​ടി​ക​ൾ സ്വീ​ക​രി​ക്കാ​ത്ത പൊ​ലീ​സ്​ നി​ല​പാ​ടും ഇ​വ​ർ​ക്ക് ഗു​ണ​മാ​കു​ന്ന​താ​യി​ ആ​ക്ഷേ​പ​മു​ണ്ട്.