കോട്ടയം: ഗൂഗിള് മാപ്പ് നോക്കി സഞ്ചരിച്ച കാര് കുറുപ്പന്തറയിൽ തോട്ടില് വീണു. ചെത്തിപ്പുഴ സ്വദേശി ജോസി ജോസഫ് (62), ഭാര്യ ഷീബ (58) എന്നിവർ സഞ്ചരിച്ച കാറാണ് അപകടത്തിൽപെട്ടത്. ബുധനാഴ്ച രാവിലെ 11ഓടെയായിരുന്നു അപകടം. കുറുപ്പന്തറ കടവ് തോട്ടിലാണ് അപകടമുണ്ടായത്. നാട്ടുകാരും സമീപത്തെ തടിമില്ലിലെ തൊഴിലാളികളും ചേർന്നാണ് രക്ഷാപ്രവർത്തനം നടത്തിയത്.
മാൻവെട്ടത്തുള്ള ജോസിയുടെ സുഹൃത്തിന്റെ വീട്ടിലേക്ക് പോയതായിരുന്നു ഇരുവരും. വെള്ളം നിറഞ്ഞതിനാല് റോഡ് വ്യക്തമായി കാണാൻ കഴിഞ്ഞില്ലെന്ന് ജോസി പറഞ്ഞു. തോട്ടിലെ ആഴമേറിയ ഭാഗത്തേക്ക് കാറിന്റെ മുൻഭാഗം വീഴുന്നതിനിടെ പെട്ടെന്ന് ഡ്രൈവർ വാഹനം നിർത്തിയതുകൊണ്ടാണ് അപകടം ഒഴിവാകാനായത്. ഉടൻ കാർ യാത്രികർ പുറത്തിറങ്ങി. കുറച്ചുകൂടി കാർ മുന്നോട്ട് പോയിരുന്നെങ്കില് വൻ അപകടം സംഭവിക്കുമായിരുന്നു. മുമ്പും ഇവിടെ അപകടങ്ങള് സംഭവിച്ചിട്ടുള്ളതിനാൽ പി.ഡബ്ല്യു.ഡി അപകട സൂചന ബോര്ഡുകള് സ്ഥാപിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.