കോട്ടയം: മധ്യവയസ്കനെ ആക്രമിച്ച കേസിൽ സഹോദരൻ അറസ്റ്റിൽ. ചെങ്ങളം ആനിക്കാട് കിഴക്കയിൽ വീട്ടിൽ കെ.ടി. തോമസിനെയാണ് (59) പള്ളിക്കത്തോട് പൊലീസ് അറസ്റ്റ് ചെയ്തത്.പ്രതി സഹോദരന്റെ വസ്തുവിൽ അതിക്രമിച്ചുകയറി ചീത്ത വിളിക്കുകയും കൈയിൽ കരുതിയിരുന്ന ഇരുമ്പ് പൈപ്പുകൊണ്ട് ആക്രമിക്കുകയായിരുന്നു.
ഇവർക്കിടയിൽ കുടുംബപരമായ പ്രശ്നങ്ങൾ നിലനിന്നിരുന്നു. ഇതിന്റെ തുടർച്ചയെന്നോണമാണ് ആക്രമണം. പരാതിയെത്തുടർന്ന് പൊലീസ് ഇയാളെ പിടികൂടുകയായിരുന്നു. പള്ളിക്കത്തോട് എസ്.എച്ച്.ഒ അജീബ്.ഇ, എസ്.ഐ ശിവപ്രസാദ്, സി.പി.ഒമാരായ സുഭാഷ്, സക്കീർ എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.