മേലുകാവ്: കൊല്ലപ്പള്ളിയിൽനിന്ന് ബൈക്ക് മോഷ്ടിച്ച കേസിൽ രണ്ട് പ്രതികളെ പൊലീസ് അറസ്റ്റ് ചെയ്തു. കടനാട് കുറുമണ്ണ് ഭാഗത്ത് ചാമക്കാലായിൽ വീട്ടിൽ മണിക്കുട്ടൻ (20), കടനാട് കൊടുമ്പിടി ഭാഗത്ത് കാനത്തിന്കാട്ടിൽ വീട്ടിൽ ബിന്റോ (21) എന്നിവരെയാണ് മേലുകാവ് പൊലീസ് മണിക്കൂറുകൾക്കകം പിടികൂടിയത്.
ഇവർ കഴിഞ്ഞദിവസം കുമ്പളാംപൊയ്കയിൽ വീട്ടിൽ റോദൻ സജിയുടെ ബൈക്കാണ് മോഷ്ടിച്ചത്. രാത്രി വീട്ടിലേക്ക് വരുന്നതിനിടെ പഞ്ചറായ ബൈക്ക് ഒരുവശത്തായി ഒതുക്കിവെച്ച് ലോക്ക് ചെയ്ത് പോവുകയുമായിരുന്നു റോജി. ഇതിനിടെ പ്രതികൾ ഇരുവരും എത്തി ബൈക്ക് മോഷ്ടിച്ച് കടന്നുകളയുകയായിരുന്നു. എസ്.എച്ച്.ഒ രഞ്ജിത് കെ. വിശ്വനാഥ്, എസ്.ഐമാരായ ദേവനാഥൻ, സന്തോഷ്, സി.പി.ഒമാരായ ജോർജ്, ശിഹാബ്, ബിജോയ് എന്നിവർ ചേർന്നാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.