സാബു
മണർകാട്: ഓട്ടോ ഡ്രൈവറെ കുത്തിക്കൊലപ്പെടുത്താൻ ശ്രമിച്ച മധ്യവയസ്കനെ അറസ്റ്റ് ചെയ്തു. ആലപ്പുഴ, നൂറനാട് പാട്ടൂർ ഭാഗത്ത് കൈലാസം വീട്ടിൽ മള്ളുശ്ശേരി സുവർണാലയം വീട്ടിൽ താമസിക്കുന്ന സാബു ചെല്ലപ്പനെയാണ് (56) മണർകാട് പൊലീസ് അറസ്റ്റ് ചെയ്തത്.
തിരുവഞ്ചൂര് സ്വദേശിയായ ഓട്ടോ ഡ്രൈവർക്ക് കടമായി കൊടുത്തിരുന്ന ആറ് ലക്ഷം രൂപ തിരികെ ലഭിക്കാത്തതിലുള്ള വിരോധംമൂലം വെള്ളിയാഴ്ച രാവിലെ 10.15ഓടെ മണർകാട് വില്ലേജ് ഓഫിസിന് മുന്നിൽവെച്ച് ഇവര് തമ്മില് വാക്തര്ക്കം ഉണ്ടാവുകയും തുടര്ന്ന് ഇയാൾ കൈയിൽ കരുതിയിരുന്ന കത്തികൊണ്ട് ഓട്ടോഡ്രൈവറെ മാരകമായി ആക്രമിക്കുകയായിരുന്നു.
പരാതിയെ തുടർന്ന് മണർകാട് പൊലീസ് കേസെടുക്കുകയും ഇയാളെ പിടികൂടുകയുമായിരുന്നു. മണർകാട് എസ്.എച്ച്.ഒ പി.ആർ. സന്തോഷ്, എസ്.ഐമാരായ എസ്. സന്തോഷ്, നടരാജൻ ചെട്ടിയാർ, സി.പി.ഒ ലിജോ സക്കറിയ എന്നിവർ ചേർന്നാണ് ഇയാളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.