കോട്ടയം: കെ-റെയിലിനെതിരായ സമരത്തിനിടെ സ്ഥലം എം.എൽ.എ ജോബ് മൈക്കിളിനെതിരെയും പ്രതിഷേധം. തെരഞ്ഞെടുപ്പിനുമുമ്പ് വോട്ടുതേടി വന്നപ്പോൾ പദ്ധതി നടപ്പാക്കില്ലെന്ന് ഉറപ്പുതന്ന ആളാണ് എം.എൽ.എ. ജയിച്ചപ്പോൾ തരം മാറി. ഇപ്പോൾ കെ-റെയിൽ നടപ്പാക്കണമെന്നുപറഞ്ഞ് നടക്കുകയാണ്. നിയമസഭയിൽ പ്രസംഗിച്ചതാണ് തങ്ങളെ ഇത്ര വിഷമിപ്പിച്ചത്. എം.എൽ.എയാണ് ഈ പ്രശ്നം ഇത്രയേറെ വഷളാക്കിയതെന്നും സമരക്കാർ പറഞ്ഞു. കുഞ്ഞിനെ മറയാക്കിയില്ല -ജിജി കോട്ടയം: താൻ കുഞ്ഞുമായല്ല സമരത്തിന് എത്തിയതെന്ന് പൊലീസ് അതിക്രമത്തിനിടെ പരിക്കേറ്റ ജിജി ഫിലിപ്. ഒന്നാം ക്ലാസുകാരിയായ കുഞ്ഞിനെ മറയാക്കിയെന്ന പൊലീസിന്റെ ആരോപണത്തോട് പ്രതികരിക്കുകയായിരുന്നു അവർ. താൻ വീട്ടിൽനിന്ന് പോന്നശേഷം ഭർത്താവിനൊപ്പമാണ് കുഞ്ഞ് വന്നത്. അവൾ തന്റെ പിറകിൽ നടക്കാറാണ് പതിവ്. തന്നെ കാണണമെന്ന് പറഞ്ഞപ്പോൾ ഭർത്താവ് അവളെ കൊണ്ടുവന്നതാണ്. പൊലീസിന്റെ അതിക്രമം കണ്ട് അവൾ ഭയന്നു. രാത്രി ഉറക്കത്തിൽ പലപ്പോഴും ഞെട്ടിയുണർന്നു. കുഞ്ഞിനെ താൻ സമരസ്ഥലത്തേക്ക് കൊണ്ടുവരുമോ എന്നും ജിജി ചോദിക്കുന്നു. പൊലീസ് ജിജിയെ നിലത്തുകൂടി വലിച്ചിഴക്കുന്നത് കണ്ടാണ് മകൾ സോമിയ നിലവിളിച്ചത്. സ്വന്തം വീടും ഭർത്താവിന്റെ വീടും വരുമാനമാർഗമായ കടയും പദ്ധതി വരുമ്പോൾ ജിജിക്ക് നഷ്ടമാവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.