ചങ്ങനാശ്ശേരി: മാടപ്പള്ളി, തൃക്കൊടിത്താനം, പായിപ്പാട്, കുറിച്ചി പഞ്ചായത്തുകള് എല്.ഡി.എഫും വാഴപ്പള്ളി യു.ഡി.എഫും ഭരിക്കും. മാടപ്പള്ളിയില് മണിയമ്മ രാജപ്പന്, തൃക്കൊടിത്താനത്ത് കെ.എന്. സുവർണകുമാരി, പായിപ്പാട് കെ.ഡി. മോഹനന്, കുറിച്ചിയില് സുജാത സുശീലന് എന്നിവര് പഞ്ചായത്ത് പ്രസിഡൻറുമാരാകും. വാഴപ്പള്ളി പഞ്ചായത്തില് പ്രസിഡൻറ് സ്ഥാനം വീതം വെക്കുന്നത് സംബന്ധിച്ച് ചര്ച്ച തുടങ്ങി. സോഫി ലാലിച്ചന്, ഷീല തോമസ്, ലാലിമ്മ ടോമി എന്നിവരുടെ പേരുകളാണ് പ്രസിഡൻറ് സ്ഥാനത്തേക്ക് ഉയര്ന്നുവന്നത്. ഇതില് സോഫി ലാലിച്ചനാവും ആദ്യ ടേമില് പ്രസിഡൻറ് സ്ഥാനം ലഭിക്കുന്നത്. ബുധനാഴ്ച രാവിലെയും ഉച്ചകഴിഞ്ഞുമായാണ് തെരെഞ്ഞെടുപ്പ്. മാടപ്പള്ളി ബ്ലോക്ക് പഞ്ചായത്തില് കേരള കോണ്ഗ്രസ് (എം) ലെ അലക്സാണ്ടര് പ്രാക്കുഴി ആദ്യ വര്ഷം പ്രസിഡൻറാവും. മറ്റ് നാല് പഞ്ചായത്തുകളിലും സി.പി.എം അംഗങ്ങളാണ് പ്രസിഡൻറ് സ്ഥാനത്തെത്തുന്നത്. വാഹനമിടിച്ച് അവശനിലയില് പോത്തിനെ കണ്ടെത്തി ചങ്ങനാശ്ശേരി: എം.സി റോഡില് വാഹനമിടിച്ച് അവശനിലയില് പോത്തിനെ കണ്ടെത്തി. എസ്.ബി കോളജിന് മുന്വശത്ത് ചൊവ്വാഴ്ച രാവിലെ എട്ടോടെയാണ് പോത്തുകുട്ടിയെ വാഹനം ഇടിച്ച് അവശനിലയില് കണ്ടത്. ഇതിനെ പെരുന്ന മൃഗാശുപത്രിയില് എത്തിച്ചു ചികിത്സ നല്കി വരികയാണ്. ഉടമസ്ഥര് വ്യക്തമായ തെളിവ് സഹിതം ബുധനാഴ്ച വൈകീട്ട് നാലിന് മുമ്പ് മുനിസിപ്പല് ഹെല്ത്ത് ഓഫിസിലോ, പെരുന്ന മൃഗാശുപത്രിയിലോ ബന്ധപ്പെടണം. ഉടമസ്ഥര് ഹാജരാകാത്ത പക്ഷം പോത്തിനെ ലേലം ചെയ്തു നല്കുമെന്ന് മുനിസിപ്പല് സെക്രട്ടറി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.