നെല്ലിപ്പള്ളിയിൽ ആറ്റുതീരത്ത്​ കരുതലായി ‘സാക് ഗാബിയൻ’

പു​ന​ലൂ​ർ: നെ​ല്ലി​പ്പ​ള്ളി​യി​ലെ സം​ര​ക്ഷ​ണ​ഭി​ത്തി​ക്ക് ക​രു​ത​ൽ സം​ര​ക്ഷ​ണ​മാ​യി സാ​ക് ഗാ​ബി​യ​ൻ. പു​ന​ലൂ​ർ- പൊ​ൻ​കു​ന്നം കെ.​എ​സ്.​ടി.​പി സം​സ്ഥാ​ന പാ​ത​യി​ൽ പു​ന​ലൂ​ർ നെ​ല്ലി​പ്പ​ള്ളി​യി​ൽ ക​ല്ല​ട​യാ​റ്റി​ന്‍റെ തീ​ര​ത്ത് മാ​ത്ര​മാ​ണ് വ​ലി​യ ചെ​ല​വ് വ​രു​ന്ന​തും അ​തി​സു​ര​ക്ഷി​ത​വു​മാ​യ ഇ​ത്ത​രം സം​ര​ക്ഷ​ണ​മൊ​രു​ക്കി​യ​ത്.

നേ​ര​ത്തേ നി​ർ​മി​ച്ച കോ​ൺ​ക്രീ​റ്റ് സം​ര​ക്ഷ​ണ ഭി​ത്തി ആ​റ്റി​ലെ വെ​ള്ളം വ​ന്നി​ടി​ച്ച് ത​ക​ർ​ന്ന സാ​ഹ​ച​ര്യ​ത്തി​ലാ​ണ് പു​തി​യ സാ​ങ്കേ​തി​ക വി​ദ്യ​യാ​യ ഗാ​ബി​യ​ൻ വി​ത്ത് പാ​രാ​ഗ്രി​ഡ് സം​ര​ക്ഷ​ണ​ഭി​ത്തി നി​ർ​മി​ക്കാ​ൻ കെ.​എ​സ്.​ടി.​പി​യും പൊ​തു​മ​രാ​മ​ത്ത് വി​ഭാ​ഗ​വും തീ​രു​മാ​നി​ച്ച​ത്. പാ​ത​യു​ടെ നി​ര​പ്പു​വ​രെ​യു​ള്ള 70 മീ​റ്റ​ർ നീ​ള​വും പ​ത്ത് മീ​റ്റ​ർ പൊ​ക്ക​മു​ള്ള ഗാ​ബി​യ​ൻ പാ​രാ​ഗ്രി​ഡി​ന് ബ​ല​മേ​കു​ന്ന​ത് ആ​റ്റു​തീ​ര​ത്തും ആ​ഴ​മേ​റി​യ വെ​ള്ള​ത്തി​ലും ഒ​രു​ക്കി​യ സാ​ക് ഗാ​ബി​യ​നാ​ണ്. തു​രു​മ്പ് പി​ടി​ക്കാ​ത്ത അ​ലോ​യി നെ​റ്റ് ചാ​ക്കാ​ക്കി അ​തി​നു​ള്ളി​ൽ ചെ​റു​പാ​റ​ക​ൾ അ​ടു​ക്കി​യു​ള്ള സം​വി​ധാ​ന​മാ​ണി​ത്. ആ​റ്റി​ലേ​ക്ക് ഇ​റ​ക്കി 18 മീ​റ്റ​ർ നീ​ള​ത്തി​ൽ സാ​ക് ഗാ​ബി​യ​ൻ അ​ടു​ക്കി​യി​ട്ടു​ണ്ട്. അ​മ്പ​തി​ല​ധി​കം ലോ​ഡ് പാ​റ ഇ​തി​ന് മാ​ത്രം വേ​ണ്ടി​വ​ന്നു. ആ​റ്റി​ൽ എ​ത്ര ശ​ക്ത​മാ​യ ഒ​ഴു​ക്കു​ണ്ടാ​യാ​ലും സം​ര​ക്ഷ​ണ ഭി​ത്തി​യെ ബാ​ധി​ക്കി​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.