മാലിന്യവാഹിയായി വെട്ടിപ്പുഴത്തോട്; നാട്ടുകാർ ആശങ്കയിൽ

പു​ന​ലൂ​ർ: പു​ന​ലൂ​ർ പ​ട്ട​ണ​മ​ധ്യ​ത്തി​ലൂ​ടെ ഒ​ഴു​കി ക​ല്ല​ട​യാ​റ്റി​ൽ ചേ​രു​ന്ന വെ​ട്ടി​പ്പു​ഴ തോ​ട്ടി​ൽ മാ​ലി​ന്യം കെ​ട്ടി​നി​ന്ന് ദു​ർ​ഗ​ന്ധം പ​ര​ത്തു​ന്നു.

അ​ടു​ത്തി​ടെ ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ തോ​ട് വൃ​ത്തി​യാ​ക്കി ശു​ദ്ധ​ജ​ലം ഒ​ഴു​കാ​ൻ ന​ട​പ​ടി​യെ​ടു​ത്തി​രു​ന്നു. എ​ന്നാ​ൽ തോ​ട്ടി​ൽ മാ​ലി​ന്യം ത​ള്ളു​ന്ന​തി​നെ​തി​രെ ന​ട​പ​ടി സ്വീ​ക​രി​ക്കാ​ൻ ക​ഴി​യാ​തെ വ​ന്ന​തോ​ടെ മ​ത്സ്യ-​മാം​സാ​വ​ശി​ഷ്ടം ഉ​ൾ​പ്പെ​ടെ തോ​ട്ടി​ൽ ത​ള്ളു​ന്ന​ത്​ തു​ട​രു​ക​യാ​ണ്. വ​ര​ൾ​ച്ച ക​ടു​ത്ത് വെ​ള്ളം കു​റ​ഞ്ഞ​തോ​ടെ മാ​ലി​ന്യം തോ​ട്ടി​ൽ കെ​ട്ടി​നി​ല​ക്കു​ന്ന​താ​ണ്​ പ​രി​സ​ര​വാ​സി​ക​ൾ​ക്ക്​ ബു​ദ്ധി​മു​ട്ടാ​കു​ന്ന​ത്.

പ​ട്ട​ണ​ത്തി​ൽ കെ.​എ​സ്.​ആ​ർ.​ടി.​സി ഡി​പ്പോ​യു​ടെ ഭാ​ഗ​ത്തും വെ​ട്ടി​പ്പു​ഴ എം.​എ​ൽ.​എ റോ​ഡ് ഭാ​ഗ​ത്തും ദു​ർ​ഗ​ന്ധം കാ​ര​ണം മൂ​ക്ക് പൊ​ത്താ​തെ ന​ട​ക്കാ​നാ​കു​ന്നി​ല്ല. ആ​ശു​പ​ത്രി ഉ​ൾ​പ്പ​ടെ നി​ര​വ​ധി സ്ഥാ​പ​ന​ങ്ങ​ളും ക​ട​ക​ളും ഈ ​ഭാ​ഗ​ത്തു​ണ്ട്.

തോ​ടി​ന്‍റെ ഇ​രു​വ​ശ​വും കാ​ടു​മൂ​ടി​ക്കിടക്ക​ുന്നത്​ ത് മാ​ലി​ന്യം ത​ള്ളു​ന്ന​തി​ന് സ​ഹാ​യ​മാ​ണ്. തോ​ടി​ന്‍റെ പ​രി​സ​ര​ത്തെ പ​ല സ്ഥാ​പ​ന​ങ്ങ​ളി​ലെ​യും മ​ലി​ന​ജ​ല​വും മ​റ്റ്​ മാ​ലി​ന്യ​ങ്ങള​േൃ തോ​ട്ടി​ലേക്കാ​ണ് ത​ള്ളു​ന്ന​ത്. തോ​ട്ടി​ലെ വെ​ള്ളം തൊ​ട്ടു​താ​ഴെ ക​ല്ല​ട​യാ​റ്റി​ലാ​ണ് ഒ​ഴു​കി​യെ​ത്തു​ന്ന​ത്. ജ​ല​അ​തോ​റി​റ്റി​യു​ടെ പു​ന​ലൂ​ർ കു​ടി​വെ​ള്ള​പ​ദ്ധ​തി​ക്കും ജ​പ്പാ​ൻ കു​ടി​വെ​ള്ള​പ​ദ്ധ​തി​ക്കും ആ​വ​ശ്യ​മാ​യ കു​ടി​വെ​ള്ളം ശേ​ഖ​രി​ക്കു​ന്ന​ത് ഇ​വി​ടെ നി​ന്നാ​ണ്. വേ​ന​ൽ​മ​ഴ​യാ​കു​മ്പോ​ൾ തോ​ട്ടി​ൽ കെ​ട്ടി​ക്കി​ട​ക്കു​ന്ന മു​ഴു​വ​ൻ മാ​ലി​ന്യ​വും ആ​റ്റി​ലെ​ത്തു​ന്ന​ത് കു​ടി​വെ​ള്ളം മ​ലി​ന​മാ​കു​ന്ന​തി​നും ക​ടു​ത്ത ആ​രോ​ഗ്യ​പ്ര​ശ്ന​ങ്ങ​ൾ​ക്കും ഇ​ട​യാ​ക്കു​മെ​ന്ന്​ നാ​ട്ടു​കാ​ർ ആ​ശ​ങ്ക​പ്പെ​ടു​ന്നു.