ആര്യങ്കാവ് റെയിൽവേ സ്റ്റേഷൻ പരിസരം കാടുമൂടിയനിലയിൽ
പുനലൂർ: ആര്യങ്കാവ് റെയിൽവേ സ്റ്റേഷൻ പരിസരം കാടുകയറി പാമ്പുകളുടെ താവളമായത് യാത്രക്കാർക്ക് ഭീഷണിയാകുന്നു. മണ്ഡലകാലം ആരംഭിച്ചതോടെ തമിഴ്നാട്ടിൽനിന്ന് നിരവധി ഭക്തർ ആര്യങ്കാവിൽ ട്രെയിൻ മാർഗം എത്തുന്നുണ്ട്. അല്ലാതെയും നിരവധി യാത്രക്കാർ ഈ സ്റ്റേഷൻ വഴി വന്നുപോകുന്നുണ്ട്.
മുൾചെടികളടക്കം പ്ലാറ്റ്ഫോമിലേക്ക് പടർന്നനിലയിലാണ്. തൊട്ടടുത്ത് വനമായതിനാൽ രാജവെമ്പാല അടക്കം വിഷപ്പാമ്പുകൾ ഇവിടെ ധാരാളമുണ്ടെന്ന് നാട്ടുകാർ പറയുന്നു. പലപ്പോഴും യാത്രക്കാർ പാമ്പുകളെ കണ്ടിട്ടുമുണ്ട്. അടിയന്തരമായി കാട് നീക്കി യാത്രക്കാർക്ക് സുരക്ഷ ഒരുക്കാൻ റെയിൽവേ അധികൃതർ തയാറാകണമെന്നാണ് ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.