പാചക വാതക സിലിണ്ടർ പൊട്ടിത്തെറിച്ച്​ വീട്​ കത്തി നശിച്ചു

ഓച്ചിറ: പാചക വാതക സിലിണ്ടർ മാറ്റി ഘടിപ്പിക്കുന്നതിനിടയിൽ സിലിണ്ടറി​െൻറ മുകൾഭാഗം പൊട്ടിത്തെറിച്ച് വീട് പൂർണമായും കത്തി നശിച്ചു. ക്ലാപ്പന പാട്ടത്തിൽക്കടവ്, സൂനാമി കോളനിയിൽ തെക്കേ പണ്ടകശാലയിൽ രജനി ജനാർദന​െൻറ വീടാണ് കത്തി നശിച്ചത്.

ഞായറാഴ്ച വൈകീട്ടാണ് സംഭവം.സിലിണ്ടറിൽനിന്ന്​ ഗ്യാസ് പുറത്തേക്ക് വരാൻ തുടങ്ങിയപ്പോൾ സിലിണ്ടറി​െൻറ മുകൾഭാഗം കൈകൊണ്ട് അടക്കാൻ ശ്രമിച്ചെങ്കിലും വിജയിച്ചില്ല. രജനിയുടെ നിലവിളികേട്ട് മകൻ രാജിലാലും ഭാര്യ സുമിത്രയും ഓടിയെത്തി വൈദ്യുതി വി​ച്ഛേദിച്ചതിന് ശേഷം പുറത്തേക്കോടി.

കതകുകൾ, ജനലുകൾ, അലമാര, വസ്ത്രങ്ങൾ തുടങ്ങിയവയെല്ലാം കത്തിനശിച്ചു. തുടർന്ന് കരുനാഗപ്പള്ളിയിൽനിന്ന്​ ഫയർഫോഴ്സ് യൂനിറ്റും ഓച്ചിറ ​െപാലീസുമെത്തി തീയണച്ചു.