സംരക്ഷണമില്ല; പുത്തൂർ പഴവറ ചിറ വറ്റിവരണ്ടു

കൊ​ട്ടാ​ര​ക്ക​ര: ഒ​രു കാ​ല​ത്ത് ഗ്രാ​മ​ത്തി​ന്റെ ജ​ല സ്രോ​ത​സ്സാ​യി​രു​ന്ന പു​ത്തൂ​ർ പ​ഴ​വ​റ ചി​റ (പ​ഴ​യ ചി​റ) സം​ര​ക്ഷ​ണ​മി​ല്ലാ​തെ​യും ക​ടു​ത്ത വേ​ന​ലി​ലും വ​റ്റി​വ​ര​ണ്ടു. പ​വി​ത്രേ​ശ്വ​രം പ​ഞ്ചാ​യ​ത്ത്‌, വെ​ട്ടി​ക്ക​വ​ല ബ്ലോ​ക്ക്‌ പ​ഞ്ചാ​യ​ത്ത്‌ പ​രി​ധി​യി​ലാ​ണ് പ​ഴ​വ​റ ചി​റ സ്ഥി​തി​ചെ​യ്യു​ന്ന​ത്. സ​മീ​പ​പ്ര​ദേ​ശ​ങ്ങ​ളി​ൽ വീ​ടു​ക​ളി​ലും ജ​ല​സ്രോ​ത​സ്സു​ക​ൾ ഈ ​ചി​റ​യെ ആ​ശ്ര​യി​ച്ചാ​യി​രു​ന്നു നി​ല​നി​ന്നി​രു​ന്ന​ത്.

ചി​റ വ​റ്റി​യ​തോ​ടെ ക​ടു​ത്ത ജ​ല​ക്ഷാ​മ​ത്തി​ലേ​ക്ക് എ​ത്തി​യി​രി​ക്കു​ക​യാ​ണ് പ്ര​ദേ​ശ​വാ​സി​ക​ൾ. ചി​റ​യി​ൽ നി​ന്നു​ള്ള തോ​ട് വ​ഴി സ​മീ​പ​ത്തെ കൃ​ഷി​സ്ഥ​ല​ങ്ങ​ളി​ൽ വെ​ള്ള​മെ​ത്തി​യി​രു​ന്നു. ക​ടു​ത്ത ജ​ല​ക്ഷാ​മം കാ​ര​ണം 1982 ലാ​ണ് പ​വി​ത്രേ​ശ്വ​രം പ​ഞ്ചാ​യ​ത്ത്‌ മു​ൻ​കൈ​യെ​ടു​ത്ത് ചെ​റി​യ​ചി​റ വി​പു​ലീ​ക​രി​ച്ച്​ വ​ലി​യ ചി​റ നി​ർ​മി​ച്ച​ത്. ഇ​തോ​ടെ പ്ര​ദേ​ശ​വാ​സി​ക​ളു​ടെ ജ​ല​ക്ഷാ​മ​ത്തി​നു ഒ​രു പ​രി​ധി​വ​രെ ആ​ശ്വാ​സ​മാ​യി​രു​ന്നു.

കു​റ​ച്ചു​വ​ർ​ഷ​ങ്ങ​ളാ​യി അ​ടി​ക്ക​ടി​യു​ണ്ടാ​യ കൈ​യേ​റ്റ​വും മ​ണ്ണി​ട്ടു​നി​ക​ത്ത​ലും ചി​റ​യെ മ​ര​ണാ​സ​ന്ന​നി​ല​യി​ൽ എ​ത്തി​ച്ചി​രി​ക്കു​ക​യാ​ണ്. 2022 ൽ ​ര​ണ്ടേ​കാ​ൽ ല​ക്ഷം ചെ​ല​വാ​ക്കി തൊ​ഴി​ലു​റ​പ്പ് പ​ദ്ധ​തി പ്ര​കാ​രം ചി​റ​യു​ടെ തോ​ട് ന​വീ​ക​ര​ണം ന​ട​ത്തി​യെ​ങ്കി​ലും ഇ​പ്പോ​ൾ കാ​ടു​മൂ​ടി ഉ​ണ​ങ്ങി​വ​ര​ണ്ടു. 2023ൽ ​അ​മൃ​ത് സ​രോ​വ​ർ പ​ദ്ധ​തി​യി​ൽ ഉ​ൾ​പ്പെ​ടു​ത്തി പ​ഴ​വ​റ ന​വീ​ക​ര​ണം ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല.