ടി.ബി ജങ്ഷൻ-മണ്ണടിശ്ശേരി റോഡ് തകർച്ചയിൽ

ക​രു​നാ​ഗ​പ്പ​ള്ളി: ദേ​ശീ​യ​പാ​ത​ക്ക്​ സ​മാ​ന്ത​ര​മാ​യി ര​ണ്ട​ര കി​ലോ​മീ​റ്റ​റോ​ളം നീ​ള​ത്തി​ൽ സ്ഥി​തി​ചെ​യ്യു​ന്ന പു​തി​യ​കാ​വ് ടി.​ബി ആ​ശു​പ​ത്രി ജ​ങ്​​ഷ​ൻ മ​ണ്ണ​ടി​ശ്ശേ​രി ജ​ങ്​​ഷ​ൻ റോ​ഡ് ത​ക​ർ​ന്ന് യാ​ത്രാ ദു​രി​ത​ത്തി​ൽ.

ക​രു​നാ​ഗ​പ്പ​ള്ളി റെ​യി​ൽ​വേ സ്റ്റേ​ഷ​ൻ, പു​തി​യ​കാ​വ് നെ​ഞ്ചു​രോ​ഗാ​ശു​പ​ത്രി, പു​തി​യ​കാ​വ് മാ​ർ​ക്ക​റ്റ്, നി​ര​വ​ധി സ്കൂ​ളു​ക​ൾ തു​ട​ങ്ങി വി​വി​ധ സ്ഥ​ല​ങ്ങ​ളി​ലേ​ക്ക് പോ​കു​ന്ന​തി​നാ​യി പ്ര​തി​ദി​നം നൂ​റു​ക​ണ​ക്കി​ന് യാ​ത്ര​ക്കാ​രും സ്കൂ​ൾ കു​ട്ടി​ക​ളു​മാ​ണ് ഈ ​റോ​ഡി​നെ ആ​ശ്ര​യി​ക്കു​ന്ന​ത്. എ​ന്നാ​ൽ, റോ​ഡി​ൽ മു​ഴു​വ​ൻ കു​ണ്ടും കു​ഴി​യും രൂ​പ​പ്പെ​ട്ട് സ​ഞ്ചാ​ര​യോ​ഗ്യ​മ​ല്ലാ​ത്ത അ​വ​സ്ഥ​യി​ലാ​ണ്.

കൊ​ല്ലം ജി​ല്ല പ​ഞ്ചാ​യ​ത്തി​ന്റെ കീ​ഴി​ലു​ള്ള ഈ ​റോ​ഡി​ൽ 2015ൽ ​മൂ​ന്ന് സ്ഥ​ല​ങ്ങ​ളി​ൽ ടൈ​ൽ പാ​കി​യ​തൊ​ഴി​ച്ചാ​ൽ കാ​ട്ടും​പു​റം ജ​ങ്​​ഷ​ൻ, കാ​രാ​ട്ട് ജ​ങ്​​ഷ​ൻ, പാ​ല​ത്തി​ൻ​ക​ട ജ​ങ്​​ഷ​ൻ, ച​ക്കി​ന്‍റെ തെ​ക്ക​തി​ൽ ജ​ങ്​​ഷ​ൻ, സൊ​സൈ​റ്റി ജ​ങ്​​ഷ​ൻ, പ​ന​മൂ​ട്ടി​ൽ ജ​ങ്​​ഷ​ൻ എ​ന്നീ സ്ഥ​ല​ങ്ങ​ളി​ൽ ഒ​രു അ​റ്റ​കു​റ്റ​പ്പ​ണി​യും ന​ട​ത്തി​യി​ട്ടി​ല്ല. ഇ​വി​ട​ങ്ങ​ളി​ൽ ഇ​രു​ച​ക്ര​വാ​ഹ​ന​ങ്ങ​ൾ കു​ഴി​ക​ളി​ൽ​വീ​ണ് അ​പ​ക​ട​ത്തി​ൽ പെ​ടു​ന്ന​ത് പ​തി​വാ​ണെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

ഇ​രു​ച​ക്ര വാ​ഹ​ന യാ​ത്ര​ക്കാ​ർ​ക്ക് പോ​ലും യാ​ത്ര ചെ​യ്യാ​ൻ ക​ഴി​യാ​ത്ത വി​ധം ത​ക​ർ​ന്ന റോ​ഡ് അ​ടി​യ​ന്ത​ര​മാ​യി സ​ഞ്ചാ​ര​യോ​ഗ്യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ഒ​രു മ​ണി​ക്കൂ​ർ തു​ട​ർ​ച്ച​യാ​യി മ​ഴ​പെ​യ്താ​ൽ റോ​ഡി​ൽ തെ​റു​മ്പി​ൽ ജ​ങ്​​ഷ​ൻ മു​ത​ൽ നെ​ഞ്ചു​രോ​ഗാ​ശു​പ​ത്രി വ​രെ​യു​ള്ള ര​ണ്ട് കി​ലോ​മീ​റ്റ​ർ ഭാ​ഗ​ത്ത് രൂ​ക്ഷ​മാ​യ വെ​ള്ള​ക്കെ​ട്ടാ​ണ് രൂ​പ​പ്പെ​ടു​ന്ന​ത്. പ​തി​റ്റാ​ണ്ടു​ക​ളാ​യി പാ​റ്റോ​ലി തോ​ട്ടി​ലേ​ക്ക് നീ​രൊ​ഴു​ക്ക് ഉ​ണ്ടാ​യി​രു​ന്ന പ​ല തോ​ടു​ക​ളും പി​ൽ​ക്കാ​ല​ത്ത് നി​ക​ത്തി റോ​ഡ് നി​ർ​മി​ച്ച​താ​ണ് പ്ര​തി​സ​ന്ധി​ക്ക് കാ​ര​ണം.

നീ​രൊ​ഴു​ക്കി​ന് ശാ​ശ്വ​ത​മാ​യ ശാ​സ്ത്രീ​യ സം​വി​ധാ​നം ഒ​രു​ക്കി​യ ശേ​ഷം ന​വീ​ക​ര​ണം ന​ട​ത്തി​യാ​ലേ റോ​ഡ് പൂ​ർ​ണ​മാ​യും ഗ​താ​ഗ​ത യോ​ഗ്യ​മാ​വു​ക​യു​ള്ളൂ. ദേ​ശീ​യ​പാ​ത​യി​ൽ ഗ​താ​ഗ​തം ത​ട​സ്സ​പ്പെ​ടു​മ്പോ​ഴും മ​റ്റു ഘ​ട്ട​ങ്ങ​ളി​ലും ദേ​ശീ​യ​പാ​ത​ക്ക് സ​മാ​ന്ത​ര​മാ​യി ഉ​പ​യോ​ഗി​ക്കു​ന്ന പ്ര​ധാ​ന​പ്പെ​ട്ട റോ​ഡാ​യ ടി.​ബി ആ​ശു​പ​ത്രി ജ​ങ്​​ഷ​ൻ മ​ണ്ണ​ടി​ശ്ശേ​രി റോ​ഡ് അ​ടി​യ​ന്ത​ര​മാ​യി പു​ന​ർ​നി​ർ​മി​ച്ച് സ​ഞ്ചാ​ര​യോ​ഗ്യ​മാ​ക്ക​ണ​മെ​ന്നു​ള്ള ആ​വ​ശ്യം ശ​ക്ത​മാ​വു​ന്നു.