സ്വകാര്യ മാലിന്യവും കാട്ടുപന്നി ശല്യവും ഭീഷണി

അ​ഞ്ച​ൽ: ജ​ന​വാ​സ മേ​ഖ​ല​യി​ൽ വ​ർ​ഷ​ങ്ങ​ളാ​യി ത​രി​ശാ​യി കി​ട​ക്കു​ന്ന സ്വ​കാ​ര്യ ഭൂ​മി​യി​ൽ മാ​ലി​ന്യം ത​ള്ളു​ന്ന​തും കാ​ട്ടു​പ​ന്നി​യും ഇ​ഴ​ജ​ന്തു​ക്ക​ളും വി​ഹ​രി​ക്കു​ന്ന​തും നാ​ട്ടു​കാ​ർ​ക്ക് ഭീ​ഷ​ണി​യാ​യി. ഇ​ട​മു​ള​യ്ക്ക​ൽ ച​ങ്ങ​രം​പ​ള്ളി റൈ​സ് മി​ല്ല് റോ​ഡ് സൈ​ഡി​ൽ സ്വ​കാ​ര്യ​വ്യ​ക്തി​യു​ടെ ഒ​രേ​ക്ക​റോ​ളം വ​രു​ന്ന സ്ഥ​ലം വ​ർ​ഷ​ങ്ങ​ളാ​യി കൃ​ഷി​യോ മ​റ്റ് ഉ​പ​യോ​ഗ​ങ്ങ​ളോ ഇ​ല്ലാ​തെ മ​ര​ങ്ങ​ളും കു​റ്റി​ക്കാ​ടും വ​ള​ർ​ന്ന്​ കി​ട​ക്കു​ക​യാ​ണ്. റോ​ഡ​രി​കി​ലാ​യ​തി​നാ​ൽ വാ​ഹ​ന​ങ്ങ​ളി​ലെ​ത്തി​യും അ​ല്ലാ​തെ​യും സ്ഥ​ല​ത്തേ​ക്ക് വ​ലി​ച്ചെ​റി​യു​ന്ന മാ​ലി​ന്യം ജീ​ർ​ണി​ച്ച് ദു​ർ​ഗ​ന്ധം വ​മി​ക്കു​ക​യാ​ണ്.

കൂ​റ്റ​ൻ മ​ര​ങ്ങ​ൾ ക​ട​പു​ഴ​കി​യോ ശി​ഖ​ര​ങ്ങ​ൾ ഒ​ടി​ഞ്ഞോ സ​മീ​പ​ത്തെ വീ​ടു​ക​ളി​ലേ​ക്ക് പ​തി​ക്കാ​ൻ സാ​ധ്യ​ത​യു​ണ്ടെ​ന്ന്​ താ​മ​സ​ക്കാ​ർ പ​രാ​തി​പ്പെ​ടു​ന്നു. ഡ​ൽ​ഹി​യി​ൽ സ്ഥി​ര​താ​മ​സ​മാ​ക്കി​യ വ​സ്തു ഉ​ട​മ​യു​മാ​യി ജ​ന​പ്ര​തി​നി​ധി​ക​ളു​ൾ​പ്പെ​ടെ​യു​ള്ള​വ​ർ ബ​ന്ധ​പ്പെ​ട്ടെ​ങ്കി​ലും അ​നു​കൂ​ല​മാ​യ സ​മീ​പ​ന​മ​ല്ല​ത്രേ ഉ​ണ്ടാ​യ​ത്. ത​ദ്ദേ​ശ​സ്വ​യം​ഭ​ര​ണ വ​കു​പ്പ്, ആ​രോ​ഗ്യ വ​കു​പ്പ്, വ​നം വ​കു​പ്പ്​ എ​ന്നി​വ​ർ​ക്ക്​ പ​രാ​തി ന​ൽ​കി​യി​ട്ടു​ണ്ടെ​ന്ന്​ ഗ്രാ​മ​പ​ഞ്ചാ​യ​ത്തം​ഗം രാ​ജീ​വ് കോ​ശി അ​റി​യി​ച്ചു.