റോഡ്​ രണ്ടടി ഉയർന്നു; വാഹനം തള്ളിക്കയറ്റണം

മ​ര​ട്: അ​ശാ​സ്ത്രീ​യ​മാ​യ റോ​ഡ് നി​ർ​മാ​ണം അ​പ​ക​ട​ങ്ങ​ൾ​ക്ക്​ ഇ​ട​യാ​ക്കു​ന്ന​താ​യി പ​രാ​തി. കു​ണ്ട​ന്നൂ​ർ മു​ത​ൽ മ​ര​ട് ഗാ​ന്ധി സ്ക്വ​യ​ർ​വ​രെ​യു​ള്ള പ്ര​ദേ​ശ​ത്ത് കൊ​ച്ചി-​ധ​നു​ഷ്കോ​ടി പാ​ത ക​ട​ന്നു​പോ​കു​ന്ന സ്ഥ​ലം മാ​സ​ങ്ങ​ളാ​യി ത​ക​ർ​ന്നു​കി​ട​ക്കു​ക​യാ​യി​രു​ന്നു.

ഇ​പ്പോ​ൾ ചി​ല​ഭാ​ഗ​ങ്ങ​ളി​ൽ കോ​ൺ​ക്രീ​റ്റ് ക​ട്ട വി​രി​ച്ചും മ​റ്റ് ഭാ​ഗ​ങ്ങ​ളി​ൽ ടാ​ർ ചെ​യ്തും റോ​ഡ് പ​ണി പൂ​ർ​ത്തി​യാ​ക്കി. എ​ന്നാ​ൽ, പ​ണി​ത ഭാ​ഗ​വും ക​ട്ട​വി​രി​ച്ച ഭാ​ഗ​വും ഉ​യ​ര​ത്തി​ൽ ആ​യ​തു​കൊ​ണ്ട് റോ​ഡി​ന് ഇ​രു​വ​ശ​ത്തു​മു​ള്ള ഇ​ട​റോ​ഡു​ക​ളി​ലേ​ക്ക് ര​ണ്ട​ടി​യി​ല​ധി​കം ഉ​യ​ര വ്യ​ത്യാ​സ​മു​ണ്ട്.

റോ​ഡി​ലേ​ക്ക് വാ​ഹ​ന​ങ്ങ​ൾ ഇ​റ​ങ്ങു​ന്ന​തി​നും കാ​ൽ​ന​ട​ക്കാ​ർ​ക്ക് റോ​ഡി​ലേ​ക്ക് ന​ട​ന്നു​ക​യ​റു​ന്ന​തി​നും ച​രി​വ് ഇ​ട്ടി​ട്ടി​ല്ല. റോ​ഡ​രി​കി​ലെ കാ​ന​യി​ലേ​ക്ക് വാ​ഹ​ന​ങ്ങ​ൾ തെ​ന്നി​വീ​ണ് അ​പ​ക​ട​ങ്ങ​ളും സം​ഭ​വി​ക്കു​ന്നു. റോ​ഡ് പ​ണി​യി​ലെ അ​ശാ​സ്ത്രീ​യ​ത മൂ​ല​മാ​ണ് ഇ​തെ​ന്നാ​ണ് നാ​ട്ടു​കാ​രു​ടെ പ​രാ​തി. ഓ​രോ ത​വ​ണ​യും റോ​ഡ് പ​ണി​യു​മ്പോ​ൾ അ​ശാ​സ്ത്രീ​യ​മാ​യി ഉ​യ​രം കൂ​ട്ടു​ന്ന​ത് അ​പ​ക​ട​ങ്ങ​ൾ വ​ർ​ധി​പ്പി​ച്ചു.

ഈ ​ഭാ​ഗ​ത്ത് ഇ​തി​നോ​ട​കം നി​ര​വ​ധി അ​പ​ക​ട​ങ്ങ​ൾ ഉ​ണ്ടാ​യി​ട്ടു​ണ്ട്. റോ​ഡ് ഡി​സൈ​നി​ങ്ങി​ലും ക​രാ​ർ ജോ​ലി​യി​ൽ വ​ന്ന അ​പാ​ക​ത​യാ​ണ് അ​പ​ക​ട​ങ്ങ​ൾ വ​ർ​ധി​ക്കാ​ൻ കാ​ര​ണം. മ​ര​ട് പൗ​ര​വേ​ദി നേ​തൃ​ത്വ​ത്തി​ൽ അ​ധി​കൃ​ത​ർ​ക്ക് പ​രാ​തി ന​ൽ​കി. പൊ​തു​മ​രാ​മ​ത്ത്​ മ​ന്ത്രി, ഹൈ​ബി ഈ​ഡ​ൻ എം.​പി, എം. ​സ്വ​രാ​ജ് എം.​എ​ൽ.​എ, ക​ല​ക്ട​ർ, ദേ​ശീ​യ​പാ​ത ചീ​ഫ് എ​ൻ​ജി​നീ​യ​ർ, എ​ക്സി. എ​ൻ​ജി​നീ​യ​ർ എ​ന്നി​വ​ർ​ക്കാ​ണ് പ​രാ​തി ന​ൽ​കി​യ​ത്.