ഉദുമ: തുളുനാട്ടിൽ പൊലിയന്ദ്ര വിളിക്ക് ക്ഷേത്രങ്ങളിൽ തുടക്കമായി. പാലക്കുന്ന് കഴകം ഭഗവതി ക്ഷേത്രത്തിലും ഭണ്ഡാര വീട്ടിലെ തിരുനടയിലുമാണ് പൊലിയന്ദ്ര വിളിക്ക് വ്യാഴാഴ്ച തുടക്കമായത്.
പാലമരത്തിെൻറ ശിഖരങ്ങൾ വെട്ടിയെടുത്ത് മൺചെരാതിലോ ചിരട്ടയിലോ ദീപം കൊളുത്തി അസുര രാജാവായ മഹാബലിയെ അരിയെറിഞ്ഞു സ്തുതിക്കുന്ന സവിശേഷ ചടങ്ങാണിത്.
തുലാമാസത്തിൽ അമാവാസി മുതൽ മൂന്നുദിവസമാണിത് ആചരിക്കുന്നതെങ്കിലും കീഴൂർ ധർമശാസ്ത ക്ഷേത്രത്തിലെ പാട്ടുത്സവവുമായി ബന്ധപ്പെട്ട് പാലക്കുന്ന് ക്ഷേത്രത്തിൽ ഈ ചടങ്ങിെൻറ തീയതിയിൽ മാറ്റംവരാറുണ്ട്. സന്ധ്യാനേരത്ത് ക്ഷേത്രങ്ങളിലും വീടുകളിലുമാണിത് അനുഷ്ഠിക്കുന്നത്.
ജില്ലയിൽ പൊടവടുക്കത്തും കീഴൂരിലും പാലക്കുന്നിലും തൃക്കരിപ്പൂരിലും വടക്കോട്ട് കർണാടകയിലെ കുന്താപുരം വരെയും ആചരിക്കുന്ന തുളുനാടൻ ആഘോഷമാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.