തൃക്കരിപ്പൂരിൽ ഇടതു ഭൂരിപക്ഷം കൂടുമോ?

തൃ​ക്ക​രി​പ്പൂ​ർ: നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഒ​ടു​വി​ൽ ല​ഭി​ച്ച ഭൂ​രി​പ​ക്ഷം വീ​ണ്ടെ​ടു​ക്കാ​ൻ ഇ​ട​തു​മു​ന്ന​ണി​ക്ക് സാ​ധി​ക്കു​മോ? ലോ​ക്സ​ഭ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തി​ൽ യു.​ഡി.​എ​ഫി​ന് ല​ഭി​ക്കാ​റു​ള്ള മേ​ൽ​ക്കൈ ആ​വ​ർ​ത്തി​ക്കാ​ൻ അ​വ​ർ​ക്ക് ക​ഴി​യു​മോ ? മ​ണ്ഡ​ല​ത്തി​ലെ 2,03,556 വോ​ട്ട​ർ​മാ​രി​ൽ 1,60,460 പേ​രാ​ണ് വോ​ട്ട് ചെ​യ്യാ​നെ​ത്തി​യ​ത്.

ബൂ​ത്ത​ടി​സ്ഥാ​ന​ത്തി​ലു​ള്ള ക​ണ​ക്കു​ക​ൾ കൂ​ട്ടി​യും ഗ​ണി​ച്ചു​മാ​ണ് പോ​ളി​ങ്​ ക​ഴി​ഞ്ഞു​ള്ള ദി​വ​സ​ങ്ങ​ൾ ക​ട​ന്നു​പോ​കു​ന്ന​ത്. മ​ണ്ഡ​ല​രൂ​പ​വ​ത്ക​ര​ണം മു​ത​ൽ ഇ​ട​തു​മു​ന്ന​ണി​യെ​മാ​ത്രം വി​ജ​യി​പ്പി​ച്ച ച​രി​ത്ര​മാ​ണ് തൃ​ക്ക​രി​പ്പൂ​രി​ന്. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ലാ​ണ് എ​ൽ.​ഡി.​എ​ഫ് ഏ​റ്റ​വും കു​റ​ഞ്ഞ വോ​ട്ടി​ന്റെ ഭൂ​രി​പ​ക്ഷം (1899) മ​ണ്ഡ​ല​ത്തി​ൽ നേ​ടി​യ​ത്.

അ​തേ​സ​മ​യം, മ​ണ്ഡ​ല​ത്തി​ൽ യു.​ഡി.​എ​ഫ് പ്ര​തീ​ക്ഷ​പു​ല​ർ​ത്തു​ന്ന​തും ഈ ​മേ​ഖ​ല​യി​ലാ​ണ്. പ​ക്ഷേ, ശ​ക്തി​കേ​ന്ദ്ര​ങ്ങ​ളി​ൽ പോ​ളി​ങ്​ ശ​ത​മാ​നം ഉ​യ​ർ​ത്താ​ൻ സാ​ധി​ക്കാ​ത്ത​ത് അ​വ​ർ​ക്ക് തി​രി​ച്ച​ടി​യാ​ണ്. 78.03 ശ​ത​മാ​ന​മാ​ണ് മ​ണ്ഡ​ല​ത്തി​ലെ പോ​ളി​ങ്​ നി​ല. ഇ​വ​യി​ൽ​ത​ന്നെ യു.​ഡി.​എ​ഫ് ഭ​ര​ണ​സ​മി​തി നി​ല​വി​ലു​ള്ള വെ​സ്റ്റ് എ​ളേ​രി പ​ഞ്ചാ​യ​ത്തി​ലെ പാ​ലാ​വ​യ​ൽ സെ​ക്ട​റി​ലാ​ണ് മ​ണ്ഡ​ല​ത്തി​ലെ ഏ​റ്റ​വും കു​റ​ഞ്ഞ പോ​ളി​ങ് രേ​ഖ​പ്പെ​ടു​ത്തി​യ​ത്.

ക​ണ്ണി​വ​യ​ൽ അ​ധ്യാ​പ​ക പ​രി​ശീ​ല​ന​കേ​ന്ദ്ര​ത്തി​ലെ 86ാം ബൂ​ത്തി​ൽ 55.12 ശ​ത​മാ​നം മാ​ത്ര​മാ​ണ് പോ​ൾ ചെ​യ്ത​ത്. ഇ​വി​ടെ 956 വോ​ട്ട​ർ​മാ​രി​ൽ 527 പേ​രാ​ണ് വോ​ട്ട് ചെ​യ്ത​ത്. ഇ​തേ വി​ല്ലേ​ജി​ൽ 82ാം ബൂ​ത്താ​യ കാ​വു​ന്ത​ല സ​ൺ​ഡേ സ്കൂ​ളി​ൽ 58.79ഉം (468/796) ​പാ​ല​വ​യ​ൽ സെ​ന്റ് ജോ​ൺ​സി​ലെ 89ാം ബൂ​ത്തി​ൽ 59.96 (761/1269) ശ​ത​മാ​ന​വു​മാ​ണ് പോ​ളി​ങ്.

യു.​ഡി.​എ​ഫ് മേ​ഖ​ല​യി​ൽ വോ​ട്ട​ർ​മാ​രെ എ​ത്തി​ക്കാ​ൻ സാ​ധി​ക്കാ​ത്ത​ത് വ​രും​ദി​വ​സ​ങ്ങ​ളി​ൽ ച​ർ​ച്ച​യാ​കും.​അ​തേ​സ​മയം, 18 എ​ൽ.​ഡി.​എ​ഫ് ശ​ക്തി​കേ​ന്ദ്ര​ങ്ങ​ളി​ൽ 90 ശ​ത​മാ​ന​ത്തി​ലേ​റെ വോ​ട്ടു​ക​ൾ പോ​ൾ ചെ​യ്യി​ക്കാ​ൻ അ​വ​ർ​ക്ക് സാ​ധി​ച്ചു.

സി.​പി.​എം ശ​ക്തി​കേ​ന്ദ്ര​മാ​യ തി​മി​രി​യി​ലെ 38ാം ബൂ​ത്തി​ലാ​ണ് മ​ണ്ഡ​ല​ത്തി​ലെ എ​റ്റ​വും ഉ​യ​ർ​ന്ന പോ​ളി​ങ്​ (96.58) രേ​ഖ​പ്പെ​ടു​ത്തി​യ​ത്. വെ​ള്ള​ച്ചാ​ൽ മോ​ഡ​ൽ റ​സി​ഡ​ൻ​ഷ്യ​ൽ സ്കൂ​ളി​ലെ 126ാം ബൂ​ത്താ​ണ് പോ​ളി​ങ്​ 96 ശ​ത​മാ​നം ക​വി​ഞ്ഞ മ​റ്റൊ​ന്ന്. ഇ​വി​ട​വും ഇ​ട​തു​മു​ന്ന​ണി​യു​ടെ പൊ​ന്നാ​പു​രം കോ​ട്ട​യാ​ണ്.

നീ​ലേ​ശ്വ​രം ന​ഗ​ര​സ​ഭ​യി​ലെ പേ​രോ​ൽ സെ​ക്ട​റി​ലെ പാ​ലാ​യി (ബൂ​ത്ത് 24), ചാ​ത്ത​മ​ത്ത് (28), ക​യ്യൂ​ർ ചീ​മേ​നി​യി​ലെ ക​യ്യൂ​ർ (30), ചെ​റി​യാ​ക്ക​ര (31), മു​ഴ​ക്കോം (34, 35), ചീ​മേ​നി സെ​ക്ട​റി​ൽ പു​ലി​യ​ന്നൂ​ർ (43), കു​ണ്ട്യം (44), ചെ​റു​വ​ത്തൂ​ർ കാ​രി​യി​ൽ (95), പി​ലി​ക്കോ​ട് പ​ഞ്ചാ​യ​ത്തി​ലെ കൊ​ട​ക്കാ​ട് (122), പൊ​ള്ള​പ്പൊ​യി​ൽ (124), വെ​ള്ള​ച്ചാ​ൽ (127), ഓ​ലാ​ട്ട് (129), പ​ട​ന്ന ഉ​ദി​നൂ​ർ (137), വ​ട​ക്കേ​ക്കാ​ട് (152), തൃ​ക്ക​രി​പ്പൂ​ര് മൈ​ത്താ​ണി (168) പോ​ളി​ങ്​ 90 ശ​ത​മാ​ന​ത്തി​ലേ​റെ​യാ​ണ്​ ഉ​യ​ർ​ന്ന​ത്.