റെയ്​ഡി​െൻറ മറവിൽ ഇരുട്ടടിയായി ചെങ്കൽ വിലവർധന

മ​ഞ്ചേ​ശ്വ​രം: മ​തി​യാ​യ രേ​ഖ​ക​ളി​ല്ലാ​തെ ക​ട​ത്തു​ന്നു എ​ന്നാ​രോ​പി​ച്ചു ചെ​ങ്ക​ല്ല് ലോ​റി​ക​ൾ പി​ടി​കൂ​ടി​യ​തി​‍െൻറ മ​റ​വി​ൽ പൊ​തു​ജ​ന​ങ്ങ​ൾ​ക്ക് ഇ​രു​ട്ട​ടി​യാ​യി വി​ല​വ​ർ​ധ​ന.

രേ​ഖ​ക​ളി​ല്ലാ​തെ ക​ട​ത്തു​ന്ന ചെ​ങ്ക​ല്ല് ലോ​റി​ക​ൾ ഒ​രു​മാ​സം മു​മ്പ് മു​ത​ലാ​ണ് പി​ടി​കൂ​ടാ​ൻ ക​ല​ക്ട​ർ ഉ​ത്ത​ര​വി​ട്ട​ത്. തു​ട​ർ​ന്ന് നി​ര​വ​ധി ലോ​റി​ക​ളാ​ണ് പി​ടി​കൂ​ടി​യ​ത്. റ​വ​ന്യു, ജി​യോ​ള​ജി തു​ട​ങ്ങി​യ വ​കു​പ്പു​ക​ൾ സം​യു​ക്ത​മാ​യി ന​ട​ത്തി​യ റെ​യ്ഡി​ൽ നൂ​റോ​ളം ലോ​റി​ക​ൾ പി​ടി​ച്ചെ​ടു​ത്തു.

റെ​യ്ഡ് വ്യാ​പ​ക​മാ​യ​തി​നെ തു​ട​ർ​ന്ന് തൊ​ഴി​ലാ​ളി​ക​ളും ലോ​റി ഉ​ട​മ​ക​ളും ന​ട​ത്തി​യ സ​മ​ര​ത്തെ തു​ട​ർ​ന്ന് പ​രി​ശോ​ധ​ന​ക​ൾ നി​ർ​ത്താ​ൻ അ​ധി​കൃ​ത​ർ നി​ർ​ബ​ന്ധി​ത​രാ​യി.

എ​ന്നാ​ൽ, റെ​യ്ഡി​െൻറ മ​റ​വി​ൽ ചെ​ങ്ക​ല്ലി​ന് വ​ൻ വി​ല​വ​ർ​ധ​ന​യാ​ണ് ഇ​പ്പോ​ൾ ഉ​ണ്ടാ​യി​രി​ക്കു​ന്ന​ത്. മ​ഞ്ചേ​ശ്വ​രം താ​ലൂ​ക്ക് മേ​ഖ​ല​ക​ളി​ൽ 18 രൂ​പ​ക്ക് പൊ​തു​ജ​ന​ങ്ങ​ൾ​ക്ക് ല​ഭി​ച്ചി​രു​ന്ന ചെ​ങ്ക​ല്ലി​ന് ഇ​പ്പോ​ൾ 22 രൂ​പ​യാ​ണ്. ര​ണ്ടാ​ഴ്ച കൊ​ണ്ടു​മാ​ത്രം വ​ർ​ധി​ച്ച​ത് നാ​ലു ​രൂ​പ​യാ​ണ്. വി​ല വ​ർ​ധ​ന ഇ​നി​യും ഉ​ണ്ടാ​വാ​നാ​ണ് സാ​ധ്യ​ത.

ഫെ​ബ്രു​വ​രി അ​വ​സാ​ന​ത്തോ​ടെ ര​ണ്ടു രൂ​പ​കൂ​ടി വ​ർ​ധി​പ്പി​ക്കു​മെ​ന്നാ​ണ് ഈ ​മേ​ഖ​ല​യി​ൽ ഉ​ള്ള​വ​ർ ന​ൽ​കു​ന്ന സൂ​ച​ന. ഇ​തോ​ടെ ഒ​രു ക​ല്ലി​െൻറ വി​ല 24 രൂ​പ​യാ​കും.

മ​ഞ്ചേ​ശ്വ​രം താ​ലൂ​ക്ക് പ​രി​ധി​യി​ൽ വ​രു​ന്ന ക്വാ​റി​ക​ളി​ൽ ഭൂ​രി​പ​ക്ഷ​ത്തി​നും ലൈ​സ​ൻ​സോ മ​റ്റു അ​നു​മ​തി​ക​ളോ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​ത്.