കാഞ്ഞങ്ങാട്: ജില്ല ആശുപത്രിയിൽ ബേഡകം എസ്.ഐ പ്രദീഷിനെ കൈയേറ്റം ചെയ്യാൻ ശ്രമം. മദ്യ ലഹരിയിൽ വാഹനമോടിച്ച് പിടിയിലായ പ്രതിയുമായി ബേഡകം ഇൻസ്പെക്ടർ ദാമോദരനൊപ്പം ജില്ല ആശുപത്രിയിൽ വൈദ്യ പരിശോധനക്കെത്തിച്ചപ്പോഴാണ് യുവാവ് കൈയേറ്റത്തിന് ശ്രമിച്ചത്.
ആശുപത്രിയിൽ വെച്ച് എസ്.ഐയെ പിടിച്ച് തള്ളുകയും അസഭ്യം പറഞ്ഞ് ഭീഷണിപ്പെടുത്തുകയും ചെയ്തുവെന്നാണ് പരാതി. സംഭവവുമായി ബന്ധപ്പെട്ട് കരിവേടകം ചാടകത്ത് സ്വദേശി നോബിൻ അഗസ്റ്റിനെതിരെ കേസെടുത്ത് ബേഡകം പൊലീസ് അറസ്റ്റ്ചെയ്തു. കഴിഞ്ഞ ദിവസം വൈകീട്ട് കുറ്റിക്കോൽ ചാടകത്ത് വെച്ചാണ് യുവാവ് മദ്യ ലഹരിയിൽ സ്കൂട്ടർ ഓടിച്ച് പിടിയിലായത്. സ്റ്റേഷനിൽവെച്ചും നോബിൻ എസ്.ഐയെ ഭീഷണിപ്പെടുത്തി അസഭ്യം പറഞ്ഞതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.