ക്ഷേ​ത്ര​ക്ക​വ​ർ​ച്ചാക്കേസിൽ മോ​ഷ്ടാ​വ് അ​റ​സ്റ്റി​ൽ

ചെ​റു​വ​ത്തൂ​ർ: പി​ലി​ക്കോ​ട് മേ​ൽ​മ​ട്ട​ലാ​യി മ​ഹാ​ശി​വ ക്ഷേ​ത്ര ക​വ​ർ​ച്ച​ക്കേ​സി​ൽ കു​പ്ര​സി​ദ്ധ മോ​ഷ്ടാ​വ് പി​ടി​യി​ൽ. പ​യ്യ​ന്നൂ​ർ അ​ന്നൂ​രി​ലെ വി​റ​ക​ന്റെ രാ​ധാ​കൃ​ഷ്‌​ണ​നാ​ണ് (55) അ​റ​സ്റ്റി​ലാ​യ​ത്. ചൊ​വ്വാ​ഴ്ച രാ​ത്രി ഉ​ള്ളാ​ൾ റെ​യി​വേ സ്റ്റേ​ഷ​ൻ പ​രി​സ​ര​ത്ത് ച​ന്തേ​ര പൊ​ലീ​സാ​ണ് ഇ​യാ​ളെ പി​ടി​കൂ​ടി​യ​ത്.

ജൂ​ൺ മൂ​ന്നി​ന് രാ​ത്രി​യി​ലാ​ണ് മേ​ൽ​മ​ട്ട​ലാ​യി ശി​വ​ക്ഷേ​ത്ര​ത്തി​ൽ ക​വ​ർ​ച്ച ന​ട​ന്ന​ത്. ഓ​ഫി​സ് മു​റി​യി​ൽ സൂ​ക്ഷി​ച്ചി​രു​ന്ന മൂ​ന്നു പ​വ​ൻ തൂ​ക്ക​മു​ള്ള വി​വി​ധ രൂ​പ​ങ്ങ​ൾ, 100 ഗ്രാം ​വെ​ള്ളി, 40,000 രൂ​പ, ഭ​ണ്ഡാ​ര​ത്തി​ൽ​നി​ന്ന് പ​തി​നാ​യി​ര​ത്തോ​ളം രൂ​പ എ​ന്നി​വ​യാ​ണ് ക​വ​ർ​ച്ച പോ​യ​ത്. പി​റ്റേ​ദി​വ​സം രാ​വി​ലെ ശാ​ന്തി​ക്കാ​ര​ൻ ക്ഷേ​ത്ര​ത്തി​ൽ എ​ത്തി​യ​പ്പോ​ഴാ​ണ് ക​വ​ർ​ച്ച ന​ട​ന്ന വി​വ​ര​മ​റി​ഞ്ഞ​ത്. ക്ഷേ​ത്ര​പ​രി​സ​ര​ത്തെ മോ​ഷ്ടാ​വി​ന്റെ ദൃ​ശ്യം സി.​സി.​ടി.​വി കാ​മ​റ​യി​ൽ പ​തി​ഞ്ഞി​രു​ന്നു.

ക​വ​ർ​ച്ച​ക്ക് മാ​സം​മു​മ്പാ​ണ് രാ​ധാ​കൃ​ഷ്ണ​ൻ ജ​യി​ലി​ൽ​നി​ന്ന് പു​റ​ത്തി​റ​ങ്ങി​യ​ത്. ചെ​റു​വ​ത്തൂ​ർ ടെ​ക്നി​ക്ക​ൽ ഹൈ​സ്കൂ​ളി​ന് സ​മീ​പ​ത്തെ നി​ർ​മാ​ണ​ത്തി​ലി​രി​ക്കു​ന്ന കെ​ട്ടി​ട​ത്തി​ന​ക​ത്ത് ഒ​രു​മാ​സം ഒ​ളി​ച്ചു താ​മ​സി​ച്ചാ​ണ് ക​വ​ർ​ച്ച​ക്ക് പ​ദ്ധ​തി ത​യാ​റാ​ക്കി​യ​തെ​ന്ന് പ്ര​തി പൊ​ലീ​സി​നോ​ട് പ​റ​ഞ്ഞു. പ്ര​തി​യെ താ​മ​സി​ച്ച കെ​ട്ടി​ട​ത്തി​ലെ​ത്തി​ച്ച് തെ​ളി​വെ​ടു​പ്പ് ന​ട​ത്തി.