ചെറുവത്തൂർ: പട്ടികജാതി വികസന വകുപ്പിനുകീഴിൽ വെള്ളച്ചാലിൽ പ്രവർത്തിക്കുന്ന ആൺകുട്ടികളുടെ മോഡൽ റസിഡൻഷ്യൽ സ്കൂളിന് ഹോസ്റ്റൽ കെട്ടിടമായി. കെട്ടിടം ഉദ്ഘാടനം 11ന് ഉച്ചക്ക് മൂന്നിന് മുഖ്യമന്ത്രി പിണറായി വിജയൻ നിർവഹിക്കും. വകുപ്പ് മന്ത്രി എ.കെ. ബാലൻ അധ്യക്ഷത വഹിക്കും. ധനമന്ത്രി തോമസ് ഐസക് മുഖ്യാതിഥിയാകും. വിഡിയോ കോൺഫറൻസ് വഴിയാണ് ഉദ്ഘാടനം നടക്കുന്നത്. തുടർന്ന് ഹോസ്റ്റലിൽ കോവിഡ് പ്രോട്ടോകോൾ പാലിച്ച് തൃക്കരിപ്പൂർ എം.എൽ.എ എം. രാജഗോപാലൻ ശിലാഫലകം അനാച്ഛാദനം ചെയ്യും. ജനപ്രതിനിധികൾ സംബന്ധിക്കും. 2002ൽ തുടങ്ങിയ വെള്ളച്ചാൽ എം.ആർ.എസിൽ നിലവിൽ 160 വിദ്യാർഥികളുണ്ട്. പത്താം തരം വരെയുള്ള 210 വിദ്യാർഥികൾക്ക് താമസിച്ച് പഠിക്കുന്നതിനുള്ള വിശാലമായ ഹോസ്റ്റൽ നിലവിലുണ്ട്. 2008 മുതൽ തുടർച്ചയായ 13 വർഷവും പത്താം ക്ലാസിൽ 100 ശതമാനം വിജയം നേടിയെടുത്ത സ്കൂളിൽ അടുത്തവർഷം മുതൽ ഹയർസെക്കൻഡറി തുടങ്ങും. ഹയർ സെക്കൻഡറി വിഭാഗത്തിനുള്ള പ്രത്യേക ഹോസ്റ്റൽ ബ്ലോക്കാണ് 3.92 കോടി രൂപ ചെലവിൽ 20,505 സ്ക്വയർ ഫീറ്റ് വിശാലതയിൽ മൂന്നുനിലകളോടുകൂടി പട്ടികജാതി വികസന വകുപ്പ് നിർമിച്ചത്. കിഫ്ബി വഴി കേരള കൺസ്ട്രക്ഷൻ കോർപറേഷൻ 2019ൽ ആരംഭിച്ച പ്രവൃത്തിയാണ് ഇപ്പോൾ പൂർത്തിയായത്. 100 പേർക്ക് ഇവിടെ താമസസൗകര്യമുണ്ട്. ഡൈനിങ് ഹാൾ, പഠന മുറി, റീഡിങ് റൂം, സിക്ക് റൂം തുടങ്ങി വിപുലമായ സൗകര്യങ്ങളാണ് പുതിയ ഹോസ്റ്റലിൽ ഒരുക്കിയിട്ടുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.