വളപട്ടണം സർവിസ് സഹകരണ ബാങ്ക് ഭരണസമിതി രാജിവെച്ചു

ക​ണ്ണൂ​ർ: നി​ക്ഷേ​പ​ക​ർ​ക്ക് സ്വ​ന്തം അ​ക്കൗ​ണ്ടി​ലെ പ​ണം പി​ൻ​വ​ലി​ക്കാ​ൻ ക​ഴി​യാ​തെ വ​ന്ന​തോ​ടെ ക​ടു​ത്ത പ്ര​തി​സ​ന്ധി​യി​ലാ​യ വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്കി​ന്റെ ഭ​ര​ണ​സ​മി​തി ഒ​ടു​വി​ൽ രാ​ജി​വെ​ച്ചു. കാ​ലാ​വ​ധി തീ​രാ​ൻ ഒ​രു​വ​ർ​ഷം കൂ​ടി ശേ​ഷി​ക്കെ​യാ​ണ് നി​ക്ഷേ​പ​ക​ർ​ക്കു​മു​ന്നി​ൽ പി​ടി​ച്ചു​നി​ൽ​ക്കാ​നാ​വാ​തെ ഭ​ര​ണ​സ​മി​തി​യു​ടെ രാ​ജി.

പ്ര​സി​ഡ​ന്റ് ബി.​ടി. മ​ൻ​സൂ​ർ ബാ​ങ്ക് സെ​ക്ര​ട്ട​റി ഷൈ​ന മ​നോ​ജി​നാ​ണ് രാ​ജി സ​മ​ർ​പ്പി​ച്ച​ത്. പി​ന്നാ​ലെ ഏ​ഴ് ഡ​യ​റ​ക്ട​ർ​മാ​രും രാ​ജി​ക്ക​ത്ത് ന​ൽ​കി. ശേ​ഷി​ക്കു​ന്ന​വ​രു​ടെ രാ​ജി കൂ​ടി ല​ഭി​ക്കു​ന്ന​തോ​ടെ ബാ​ങ്ക് മെം​ബ​ർ​മാ​രു​ടെ മൂ​ന്ന് പ്ര​തി​നി​ധി​ക​ളെ ഉ​ൾ​പ്പെ​ടു​ത്തി താ​ൽ​ക്കാ​ലി​ക ക​മ്മി​റ്റി രൂ​പ​വ​ത്ക​രി​ക്കും.

യു.​ഡി.​എ​ഫ് ഭ​രി​ക്കു​ന്ന വ​ള​പ​ട്ട​ണം സ​ർ​വി​സ് സ​ഹ​ക​ര​ണ ബാ​ങ്കി​ന് 13 അം​ഗ ഭ​ര​ണ​സ​മി​തി​യാ​ണു​ള്ള​ത്. ഇ​തി​ൽ ഏ​ഴ് പേ​ർ മു​സ്‍ലിം ലീ​ഗും ആ​റു​പേ​ർ കോ​ൺ​ഗ്ര​സി​ൽ നി​ന്നു​മാ​ണ്. ര​ണ്ടു ത​വ​ണ​യാ​യി ഒ​മ്പ​തു​വ​ർ​ഷ​മാ​യി നി​ല​നി​ൽ​ക്കു​ന്ന ഈ ​ഭ​ര​ണ​സ​മി​തി​ക്ക് ബാ​ങ്കി​നെ പ്ര​തി​സ​ന്ധി​യി​ൽ​നി​ന്ന് ക​ര​ക​യ​റ്റാ​ൻ ക​ഴി​ഞ്ഞി​ല്ല.

വാ​യ്പ അ​നു​വ​ദി​ച്ച​തി​ലെ വീ​ഴ്ച​യും കി​ട്ടാ​ക്ക​ട​ങ്ങ​ൾ പി​രി​ച്ചെ​ടു​ക്കാ​ൻ ക​ഴി​യാ​ത്ത​തും ബാ​ങ്കി​നെ പ്ര​തി​സ​ന്ധി​യി​ലാ​ക്കി. മാ​സ​ങ്ങ​ളാ​യി ഒ​രു രൂ​പ പോ​ലും നി​ക്ഷേ​പ​ക​ർ​ക്ക് പി​ൻ​വ​ലി​ക്കാ​ൻ ക​ഴി​യാ​ത്ത സ്ഥി​തി​യാ​യി. പ​ണം എ​ടു​ക്കാ​ൻ ക​ഴി​യാ​തെ നി​ക്ഷേ​പ​ക​ർ എ​ല്ലാ ദി​വ​സ​വും ബാ​ങ്കി​ലെ​ത്തി തി​രി​ച്ചു​പോ​വു​ക​യാ​യി​രു​ന്നു.

ഇ​തേച്ചൊ​ല്ലി വാ​ക്കേ​റ്റ​വും ബ​ഹ​ള​വും പ​തി​വാ​യി. കേ​ര​ള ബാ​ങ്കി​ൽ​നി​ന്ന് അ​ഞ്ച് കോ​ടി വാ​യ്പ പാ​സാ​യെ​ങ്കി​ലും ഫ​ണ്ട് അ​നു​വ​ദി​ച്ചി​ല്ല. ബാ​ങ്കി​ലെ സാ​മ്പ​ത്തി​ക പ്ര​തി​സ​ന്ധി​ക്ക് കാ​ര​ണം ഭ​ര​ണ​സ​മി​തി​യു​ടെ വീ​ഴ്ച​യെ​ന്ന് യു.​ഡി.​എ​ഫും വി​ല​യി​രു​ത്തി. സ​ഹാ​യി​ക്കാ​ൻ ക​ഴി​യി​ല്ലെ​ന്ന നി​ല​പാ​ടാ​ണ് മു​സ്‍ലിം ലീ​ഗ്-​കോ​ൺ​ഗ്ര​സ് നേ​തൃ​ത്വ​വും സ്വീ​ക​രി​ച്ച​ത്.

സാ​മ്പ​ത്തി​ക പ്ര​തി​സ​ന്ധി കാ​ര​ണം ആ​റു ബ്രാ​ഞ്ചു​ക​ളി​ലാ​യി 26 സ്ഥി​രം ജീ​വ​ന​ക്കാ​ർ ഉ​ൾ​പ്പെ​ടെ 40ഓ​ളം പേ​രു​ടെ ശ​മ്പ​ള വി​ത​ര​ണ​ത്തെ​യും ബാ​ധി​ച്ചു.