വേളാപുരത്ത് പേരിനൊരു അടിപ്പാതയോ?

പാ​പ്പി​നി​ശ്ശേ​രി: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി വേ​ളാ​പു​ര​ത്ത് അ​നു​വ​ദി​ച്ച അ​ടി​പ്പാ​ത​ക്കെ​തി​രെ വ്യാ​പ​ക പ്ര​തി​ഷേ​ധം.

ര​ണ്ടു മീ​റ്റ​ർ വീ​തി​യി​ൽ അ​ടി​പ്പാ​ത അ​നു​വ​ദി​ക്കാ​മെ​ന്ന് മാ​സ​ങ്ങ​ൾ​ക്കു മു​മ്പേ സ​മ​ര​സ​മി​തി ചെ​യ​ർ​മാ​നും പ​ഞ്ചാ​യ​ത്ത് പ്ര​സി​ഡ​ന്റു​മാ​യ എ.​വി. സു​ശീ​ല​ക്ക് ദേ​ശീ​യ​പാ​ത അ​ധി​കൃ​ത​രു​ടെ ക​ത്ത് ല​ഭി​ച്ച​താ​യി അ​റി​യി​ച്ചി​രു​ന്നു.

എ​ന്നാ​ൽ, അ​തി​ൽ​നി​ന്ന് ഒ​രു മാ​റ്റ​വും വ​രു​ത്താ​തെ​യാ​ണ് ഇ​പ്പോ​ൾ അ​ടി​പ്പാ​ത അ​നു​വ​ദി​ച്ച​ത്. ഇ​തി​നെ​തി​രെ വേ​ളാ​പു​ര​ത്ത് വീ​ണ്ടും ശ​ക്ത​മാ​യ പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ക്കാ​ൻ സ​മ​ര​സ​മി​തി​യും പ്ര​ദേ​ശ​വാ​സി​ക​ളും തീ​രു​മാ​നി​ച്ചു.

അ​ടി​പ്പാ​ത നി​ർ​മി​ക്കു​മ്പോ​ൾ ബ​സ് ക​ട​ന്നു​പോ​കാ​നു​ള്ള സൗ​ക​ര്യ​മി​ല്ലെ​ങ്കി​ൽ പ്ര​വൃ​ത്തി ത​ട​യാ​നും സ​മ​രം ശ​ക്ത​മാ​ക്കാ​നു​മാ​ണ് തീ​രു​മാ​നം. എം.​പി അ​ട​ക്ക​മു​ള്ള ജ​ന​പ്ര​തി​നി​ധി​ക​ളെ​യും പ്ര​ദേ​ശ​വാ​സി​ക​ളെ​യും തെ​റ്റി​ദ്ധ​രി​പ്പി​ക്കു​ന്ന രീ​തി​യി​ലാ​ണ് കേ​ന്ദ്ര​മ​ന്ത്രി ഇ​പ്പോ​ൾ ഇ​റ​ക്കി​യ ഉ​ത്ത​ര​വ്. നി​ര​വ​ധി ബ​സു​ക​ൾ ക​ട​ന്നു​പോ​കു​ന്ന പ്ര​ധാ​ന ക​വ​ല​യാ​ണ് വേ​ളാ​പു​രം ക​വ​ല. ക​ണ്ണൂ​ർ ഭാ​ഗ​ത്തു​നി​ന്ന് അ​രോ​ളി മാ​ങ്ക​ട​വ് വ​ഴി പ​റ​ശ്ശി​നി​ക്ക​ട​വി​ലേ​ക്ക് എ​ളു​പ്പം എ​ത്താ​വു​ന്ന മാ​ർ​ഗ​മാ​യ​തി​നാ​ൽ എ​ട്ട് ബ​സു​ക​ൾ നി​ല​വി​ൽ വേ​ളാ​പു​രം ക​വ​ല വ​ഴി പ​റ​ശ്ശി​നി​ക്ക​ട​വി​ലേ​ക്ക് സ​ർ​വി​സ് ന​ട​ത്തി​വ​രു​ന്നു​ണ്ട്.

അ​രോ​ളി ഹ​യ​ർ സെ​ക്ക​ൻ​ഡ​റി സ്കൂ​ൾ, നി​ര​വ​ധി പ്രൈ​മ​റി സ്കൂ​ളു​ക​ൾ, ക്ഷേ​ത്ര​ങ്ങ​ൾ, വി​ല്ലേ​ജ് ഓ​ഫി​സ് തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് ക​ണ്ണൂ​ർ ഭാ​ഗ​ത്തു​നി​ന്നും വ​രു​ന്ന വാ​ഹ​ന​ങ്ങ​ൾ​ക്ക് ക​ട​ക്കാ​ൻ പാ​ക​ത്തി​ലു​ള്ള അ​ടി​പ്പാ​ത വേ​ളാ​പു​ര​ത്ത് കൂ​ടി​യേ തീ​രൂ എ​ന്നാ​ണ് ജ​നം ആ​വ​ശ്യ​പ്പെ​ടു​ന്ന​ത്.

കെ. ​സു​ധാ​ക​ര​ൻ എം.​പി ഉ​ൾ​പ്പെ​ടെ മ​ന്ത്രി​മാ​ർ​ക്കും വി​വി​ധ രാ​ഷ്ട്രീ​യ പാ​ർ​ട്ടി നേ​താ​ക്ക​ൾ​ക്കും ക​ർ​മ​സ​മി​തി നി​വേ​ദ​ന​ങ്ങ​ൾ ന​ൽ​കി​യി​രു​ന്നു. എ​ന്നാ​ൽ, ഇ​പ്പോ​ൾ അ​നു​വ​ദി​ച്ച അ​ടി​പ്പാ​ത പ്ര​കാ​രം ബ​സു​ക​ൾ​ക്ക് ക​ട​ന്നു​പോ​കാ​ൻ സാ​ധ്യ​മ​ല്ല. ഇ​ത്ത​രം അ​ടി​പ്പാ​ത ഇ​വി​ടെ ആ​വ​ശ്യ​മി​ല്ലെ​ന്നും സ​മ​ര​സ​മി​തി നേ​താ​ക്ക​ൾ പ​റ​ഞ്ഞു.