ട്രോളിങ്; പരമ്പരാഗത മത്സ്യത്തൊഴിലാളികൾക്കും പണിയില്ല

അ​ഴീ​ക്കോ​ട്: പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളു​ടെ വ​ള്ള​ങ്ങ​ൾ​ക്ക് ട്രോ​ളി​ങ് ബാ​ധ​ക​മ​ല്ലെ​ങ്കി​ലും മീ​നി​ന്റെ ല​ഭ്യ​ത​യി​ൽ വ​ൻ കു​റ​വ്. വ​ൻ ഫി​ഷി​ങ് ബോ​ട്ടു​ക​ൾ അ​ടി​ത്ത​ട്ടി​ലെ മീ​ൻ അ​രി​ച്ച് പി​ടി​ക്കു​മ്പോ​ൾ ചെ​റു വ​ള്ള​ങ്ങ​ളു​മാ​യി മീ​ൻ പി​ടി​ക്കാ​ൻ പോ​കു​ന്ന പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക് മ​തി​യാ​യ മീ​ൻ ല​ഭി​ക്കു​ന്നി​ല്ല.

യ​ന്ത്ര​വ​ത്കൃ​ത ഫൈ​ബ​ർ ബോ​ട്ടു​ക​ളി​ൽ ഇ​രു​പ​ത് മു​ത​ൽ മു​പ്പ​തു വ​രെ മ​ത്സ്യ​ത്തൊ​ഴി​ലാ​ളി​ക​ളു​ണ്ടാ​കും. അ​വ​രോ​ടൊ​പ്പം ര​ണ്ടു ചെ​റി​യ തോ​ണി​ക​ളും കൊ​ണ്ടു​പോ​കും. ക​ട​ലി​ൽ​നി​ന്ന് പി​ടി​ക്കു​ന്ന മീ​നു​ക​ൾ അ​പ്പോ​ൾ​ത​ന്നെ ഒ​പ്പം കൊ​ണ്ടു​വ​രു​ന്ന തോ​ണി​യി​ലേ​ക്ക് മാ​റ്റും.

പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക് ഇ​ന്ധ​നം, ഭ​ക്ഷ​ണ​ച്ചെ​ല​വ് അ​ട​ക്കം ദി​വ​സം 20,000 രൂ​പ​യോ​ളം ചെ​ല​വ് വ​രും. 50,000 രൂ​പ​യു​ടെ മ​ത്സ്യം കി​ട്ടി​യി​രു​ന്ന അ​വ​സ്ഥ​യി​ൽ ഇ​പ്പോ​ൾ മ​ത്സ്യം ല​ഭി​ക്കാ​ത്ത​തി​നാ​ലാ​ണ് ഇ​വ​ർ ക​ട​ലി​ൽ പോ​കാ​ത്ത​ത്. ഇ​തേ​ത്തു​ട​ർ​ന്ന് ക​ടം വാ​ങ്ങു​ന്ന പ​ണം തി​രി​ച്ചു​കൊ​ടു​ക്ക​ലും ലോ​ണെ​ടു​ക്കു​ന്ന സം​ഖ്യ​യു​ടെ​യും തി​രി​ച്ച​ട​വും മു​ട​ങ്ങും. ഇ​തോ​ടെ ജീ​വി​ത​മാ​ർ​ഗം തേ​ടാ​ൻ മ​റ്റു വ​ഴി​ക​ൾ ക​ണ്ടെ​ത്ത​ണം.

ഇ​ത്ത​രം ന​ഷ്ട​ങ്ങ​ൾ പ​രി​ഹ​രി​ക്കാ​ൻ ബ​ദ​ൽ സം​വി​ധാ​ന​ങ്ങ​ളൊ​ന്നും ഇ​പ്പോ​ൾ ഇ​ല്ല. ഇ​ത്ത​രം സാ​ഹ​ച​ര്യ​ത്തി​ൽ മ​ത്സ്യ​ത്തൊ​ഴി​ലാ​ളി​ക​ളെ സം​ര​ക്ഷി​ക്കാ​ൻ സ​ർ​ക്കാ​ർ മു​ന്നോ​ട്ടു​വ​ര​ണം. ക​ട​ൽ​മാ​ക്രി ശ​ല്യ​വും രൂ​ക്ഷ​മാ​ണ്. ഇ​വ വ​ല മു​റി​ച്ചു​ക​ള​യു​ന്ന​തു​വ​ഴി മ​ത്സ്യം ന​ഷ്ട​മാ​വു​ക​യും വ​ല ന​ശി​ച്ചു​പോ​വു​ക​യും ചെ​യ്യു​ന്ന സാ​ഹ​ച​ര്യ​വും ഉ​ണ്ട്.

പ​ലി​ശ​ര​ഹി​ത വാ​യ്പ പ​ലി​ശ കൊ​ടു​ക്കു​ന്ന​തി​ലും കൂ​ടു​ത​ൽ

മ​ത്സ്യ​ത്തൊ​ഴി​ലാ​ളി​ക​ൾ​ക്ക് ഫി​ഷ​റീ​സ് വ​കു​പ്പ് പ​ലി​ശ​ര​ഹി​ത വാ​യ്പ അ​നു​വ​ദി​ച്ചു വ​രു​ന്നു​ണ്ട്. എ​ന്നാ​ൽ, ഒ​രു ല​ക്ഷം രൂ​പ​യു​ടെ മ​ത്സ്യം കി​ട്ടി​ക്ക​ഴി​ഞ്ഞാ​ൽ 2000 രൂ​പ ക​മീ​ഷ​നാ​യി ഫി​ഷ​റീ​സ് വ​കു​പ്പി​ൽ അ​ട​ക്ക​ണം. ഇ​ങ്ങ​​നെ മ​ത്സ്യം ല​ഭി​ക്കു​ന്ന തു​ക​യു​ടെ ര​ണ്ട് ശ​ത​മാ​നം കൊ​ടു​ക്ക​ണം. വ​ർ​ഷ​ത്തി​ൽ 150 ദി​വ​സ​ത്തി​ൽ കൂ​ടു​ത​ൽ മ​ത്സ്യം ല​ഭി​ക്കി​ല്ല. ജൂ​ൺ മു​ത​ൽ ഡി​സം​ബ​ർ വ​രെ​യു​ള്ള മാ​സ​ങ്ങ​ളി​ലാ​ണ് മ​ത്സ്യം ല​ഭി​ക്കു​ക.

ഇ​ത് ക​ണ​ക്കു​കൂ​ട്ടി​യാ​ൽ ബാ​ങ്കി​ൽ​നി​ന്ന് ക​ട​മെ​ടു​ത്താ​ൽ കൊ​ടു​ക്കേ​ണ്ട പ​ലി​ശ​യു​ടെ ഇ​ര​ട്ടി​യോ​ളം വ​രും, പ​ലി​ശ​ര​ഹി​ത വാ​യ്പ എ​ന്ന് തൊ​ഴി​ലാ​ളി​ക​ൾ പ​റ​യു​ന്നു. എ​ന്നാ​ൽ, ലോ​ണെ​ടു​ക്കാ​തെ പ​ണം സ്വ​രൂ​പി​ക്കാ​ൻ മ​റ്റ് മാ​ർ​ഗ​വും ഇ​ല്ല.

ട്രോ​ളി​ങ് നി​രോ​ധ​നം ക​ഴി​ഞ്ഞാ​ലും സ​ർ​ക്കാ​ർ ഇ​ട​പെ​ട്ട് അ​ന​ധി​കൃ​ത​മാ​യ മ​ത്സ്യ​ബ​ന്ധ​നം ത​ട​യാ​ൻ മു​ൻ​കൈ​യെ​ടു​ത്ത് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളെ സം​ര​ക്ഷി​ക്ക​ണ​മെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.