രണ്ടാം ഫ്ലാറ്റ്ഫോമിൽ ടിക്കറ്റ് കൗണ്ടറില്ല; മാഹി റെയിൽവേ സ്റ്റേഷനിൽ യാത്രക്കാർക്ക് ദുരിതം

മാ​ഹി: മാ​ഹി റെ​യി​ൽ​വേ സ്റ്റേ​ഷ​നി​ൽ ര​ണ്ടാം ഫ്ലാ​റ്റ്ഫോ​മി​ൽ ടി​ക്ക​റ്റ് കൗ​ണ്ട​ർ സ്ഥാ​പി​ക്കാ​ത്ത​ത് യാ​ത്ര​ക്കാ​ർ​ക്ക് ദു​രി​ത​മാ​കു​ന്നു. മാ​ഹി ബൈ​പാ​സ് വ​ഴി​യും അ​ഴി​യൂ​ർ ഭാ​ഗ​ത്ത് നി​ന്നും വ​രു​ന്ന​വ​രാ​ണ് ഏ​റെ ബു​ദ്ധി​മു​ട്ടു​ന്ന​ത്. അ​മൃ​ത് ഭാ​ര​ത് പ​ദ്ധ​തി​യി​ൽ പെ​ടു​ത്തി മാ​ഹി റെ​യി​ൽ​വേ സ്റ്റേ​ഷ​നി​ൽ ആ​ധു​നി​ക സൗ​ക​ര്യം വി​പു​ലീ​ക​രി​ച്ച് ഉ​ദ്ഘാ​ട​നം ക​ഴി​ഞ്ഞെ​ങ്കി​ലും ര​ണ്ടാം പ്ലാ​റ്റ് ഫോ​മി​ൽ കൗ​ണ്ട​ർ സ്ഥാ​പി​ച്ചി​രു​ന്നി​ല്ല.

ഒ​ന്നാം ഫ്ലാ​റ്റ്ഫോ​മി​ലെ ടി​ക്ക​റ്റ് കൗ​ണ്ട​റി​ൽ പോ​യി ടി​ക്ക​റ്റെ​ടു​ത്ത് തി​രി​ച്ച് വ​രി​ക​യെ​ന്ന​ത് യാ​ത്ര​ക്കാ​രെ ഏ​റെ വ​ല​ക്കു​ന്ന ഒ​ന്നാ​ണ്. കൊ​ള​ശ്ശേ​രി, മു​ക്കാ​ളി, ക​രി​യാ​ട്മോ​ന്താ​ൽ, പെ​രി​ങ്ങ​ത്തൂ​ർ, അ​ഴി​യൂ​ർ ക​ക്ക​ട​വ് എ​ന്നി​വ​ട​ങ്ങ​ളി​ലു​ള്ള​വ​ർ മാ​ഹി ബൈ​പാ​സ് റോ​ഡ് വ​ഴി എ​ത്തു​ന്ന​ത് ര​ണ്ടാം പ്ലാ​റ്റ്ഫോ​മി​ലേ​ക്കാ​ണ്. 20 ഓ​ളം ബോ​ഗി​ക​ളു​ള്ള ട്രെ​യി​നു​ക​ളു​ടെ മു​ന്നി​ലും പി​ന്നി​ലു​മു​ള്ള ജ​ന​റ​ൽ ക​മ്പാ​ർ​ട്ടു​മെ​ന്റു​ക​ളി​ൽ എ​ത്തി​പ്പെ​ടാ​നു​ള്ള സ​മ​യ​വും കൂ​ടി ഇ​ല്ലാ​താ​ക്കു​ന്ന രീ​തി​യി​ലാ​ണ് മാ​ഹി റെ​യി​ൽ​വെ സ്റ്റേ​ഷ​നി​ലെ സം​വി​ധാ​ന​മെ​ന്നാ​ണ് യാ​ത്രി​ക​രു​ടെ പ​രാ​തി.