40 വാര്ഡുകള് കൂടി കെണ്ടയ്ന്മൻെറ് സോണില് കണ്ണൂർ: ജില്ലയില് പുതുതായി കോവിഡ് സ്ഥിരീകരിച്ച 40 തദ്ദേശ സ്ഥാപന വാര്ഡുകള് കൂടി കണ്ടെയ്ന്മൻെറ് സോണുകളായി ജില്ല കലക്ടര് ടി.വി. സുഭാഷ് പ്രഖ്യാപിച്ചു. ഇവയില് സമ്പര്ക്കം വഴി രോഗബാധയുണ്ടായ ആന്തൂര് നഗരസഭ (ഒന്ന്, ഒമ്പത്), ആറളം (ഒമ്പത്), ചെറുപുഴ (നാല്), ചൊക്ലി (11), ഇരിക്കൂര് (ഒന്ന്), ഇരിട്ടി നഗരസഭ (10,12,32), കല്യാശ്ശേരി (എട്ട്), കാങ്കോല് ആലപ്പടമ്പ (നാല്), കണ്ണൂര് കോര്പറേഷന് (35), കരിവെള്ളൂര് പെരളം (എട്ട്), കേളകം (ഒന്ന്, രണ്ട്), കോളയാട് (12), കുറ്റ്യാട്ടൂര് (10), മാലൂര് (ഒമ്പത്), മട്ടന്നൂര് നഗരസഭ (ഏഴ്,32), മയ്യില് (15), മുഴക്കുന്ന് (12), മുഴപ്പിലങ്ങാട് (നാല്), പന്ന്യന്നൂര് (10), പയ്യന്നൂര് നഗരസഭ (24), പയ്യാവൂര് (ഒമ്പത്), പേരാവൂര് (10), പിണറായി (19), തലശ്ശേരി നഗരസഭ (13,26,27), ഉളിക്കല് (എട്ട്,13) എന്നീ വാര്ഡുകള് പൂര്ണമായി അടച്ചിടും. അതോടൊപ്പം, പുറമെ നിന്നെത്തിയവരില് രോഗബാധ കണ്ടെത്തിയ ചിറക്കല് (12), കണ്ണൂര് കോര്പറേഷന് (28), കേളകം (ആറ്), കൊളച്ചേരി (14), മട്ടന്നൂര് നഗരസഭ (31), മൊകേരി (ഏഴ്), പേരാവൂര് (ഒന്ന്) എന്നീ വാര്ഡുകള് രോഗിയുടെ വീട് കേന്ദ്രമാക്കി 100 മീറ്റര് ചുറ്റളവില് വരുന്ന പ്രദേശങ്ങള് കണ്ടെയ്ന്മൻെറ് സോണാക്കും. നേരത്തേ കണ്ടെയ്ന്മൻെറ് സോണില് ഉള്പ്പെട്ടിരുന്ന പയ്യന്നൂര് നഗരസഭ (28), എരമം കുറ്റൂര് (അഞ്ച്), ചെറുപുഴ (19) എന്നീ വാര്ഡുകള് നിയന്ത്രണങ്ങളില്നിന്ന് ഒഴിവാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.