തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ ക്യാപ്റ്റൻ എ. അതുലിന്റെ സെഞ്ച്വറിയുടെ മികവിൽ കണ്ണൂർ എസ്.എൻ കോളജ് 67 റൺസിന് ധർമടം ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത എസ്.എൻ കോളജ് 44.3 ഓവറിൽ 217 റൺസിന് ഓൾഔട്ടായി. എ. അതുൽ 151 പന്തിൽ 125 റൺസും അർജുൻ എസ്. നമ്പ്യാർ 27 റൺസുമെടുത്തു. ധർമടത്തിനായി ഇ.പി. വൈഷ്ണവ് 30 റൺസിന് മൂന്ന് വിക്കറ്റും സി.കെ. അബ്ദുൽ നസീർ രണ്ട് വിക്കറ്റും വീഴ്ത്തി. മറുപടിയായി ധർമടം ക്രിക്കറ്റ് ക്ലബ് 40.1 ഓവറിൽ 150 റൺസിന് ഓൾഔട്ടായി. ഇ.പി. വൈഷ്ണവ് 58 റൺസും കെ.ടി. ഹിതേഷ്, സി.ജെ. ജോയി എന്നിവർ 24 റൺസ് വീതവുമെടുത്തു. എസ്.എൻ കോളജിനായി എം.ടി. മുഹമ്മദ് ഫൈസൽ 17 റൺസിന് മൂന്ന് വിക്കറ്റും കെ.ടി. അഫ്രീദ്, പി. അതുൽ എന്നിവർ രണ്ട് വിക്കറ്റ് വീതവും വീഴ്ത്തി. എ. അതുലിനെ മികച്ച കളിക്കാരനായി തിരഞ്ഞെടുത്തു. പടം.... എ ഡിവിഷൻ ലീഗ് ക്രിക്കറ്റിൽ സെഞ്ച്വറി നേടിയ അതുൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.