ശ്രീകണ്ഠപുരം ടൗൺ നവീകരണത്തിന് അഞ്ചുകോടി

ശ്രീകണ്ഠപുരം: ഇരിക്കൂർ മണ്ഡലത്തിന്റെ ആസ്ഥാനമായ ശ്രീകണ്ഠപുരം ടൗൺ നവീകരിക്കുന്നതിന് അഞ്ചുകോടി രൂപ ബജറ്റിൽ വകയിരുത്തി. ഇതോടെ നഗരമുഖം മാറുമെന്ന പ്രതീക്ഷയാണ് യാഥാർഥ്യമാവുന്നത്. തുടർച്ചയായുള്ള കാലവർഷത്തിൽ ടൗണിൽ വെള്ളം കയറുന്നതുമൂലം വ്യാപാരികൾക്കും ജനങ്ങൾക്കും ബുദ്ധിമുട്ട് നേരിടുന്നതിനാല്‍ ‍ടൗണിലേക്കുള്ള റോഡുകൾ ഉയർത്തി നവീകരിക്കുന്നതിനും ശ്രീകണ്ഠപുരം ടൗണിന് ആധുനിക മുഖം നല്‍കുന്നതിനുമാണ് തുക അനുവദിച്ചത്. പ്രളയകാലത്ത് ദിവസങ്ങളോളം നഗരം വെള്ളത്തിനടിയിലായി ഗതാഗതം മുടങ്ങുന്നത് പതിവാണ്. കക്കറക്കുന്ന് മുതൽ നഗരം വഴി കോട്ടൂർ വരെ റോഡ് വീതി കൂട്ടി ഉയർത്തി വശങ്ങളിൽ മികച്ച നടപ്പാതയും വെളിച്ചവും ഉൾപ്പെടെ ഒരുക്കും.