കാവിന്മൂല: സ്നേഹതീരം റസിഡന്റ്സ് അസോസിയേഷന്റെ ആഭിമുഖ്യത്തിൽ കൃഷി പ്രോത്സാഹിപ്പിക്കുന്നതിന്റെ ഭാഗമായുള്ള കാർഷിക പാഠശാലയുടെ ഉദ്ഘാടനവും കർഷകരെ ആദരിക്കലും നടത്തി. ജില്ല പഞ്ചായത്ത് അംഗം ചന്ദ്രൻ കല്ലാട്ട് ഉദ്ഘാടനം ചെയ്തു. ഗ്രാമപഞ്ചായത്ത് വാർഡ് മെംബർ സി.കെ. അനിൽകുമാർ അധ്യക്ഷത വഹിച്ചു. കൃഷി ഓഫിസർ ഷെറിൻ ജോസ് കർഷകരെ ആദരിച്ചു. കർഷക വിദഗ്ധൻ ടി.ഒ. ശശിധരൻ ക്ലാസെടുത്തു. എം. പത്മനാഭൻ, മുൻ പഞ്ചായത്തംഗം ശ്രീലത, കെ.സി. ശ്രീനിവാസൻ, രാജീവൻ, സുരേശൻ, പങ്കജ, അസീസ് എന്നിവർ സംസാരിച്ചു. പ്രസിഡന്റ് പ്രദീപ് കിനാത്തി സ്വാഗതവും സെക്രട്ടറി ഷിജിന ബാബുരാജ് നന്ദിയും പറഞ്ഞു. പരിപാടിയിൽ പങ്കെടുത്തവർക്ക് വിത്തുകളും തൈകളും വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.