സ്​മാർട്ടാകാൻ ആയുർവേദ ആശുപത്രി

സ്​മാർട്ടാകാൻ ആയുർവേദ ആശുപത്രിപടം -ayurveda hospital -ജില്ല ആയുർവേദ ആശുപത്രിയിൽ നവീകരണം പൂർത്തിയാകുന്ന ഒ.പി ബ്ലോക്ക്​ ഒ.പി ബ്ലോക്ക്​ നവീകരണം അന്തിമഘട്ടത്തിൽ കണ്ണൂർ: ജില്ല ആയുർവേദ ആശുപത്രി സ്​മാർട്ടാകാനുള്ള തയാറെടുപ്പിലാണ്​. ഇതിനായുള്ള ഒ.പി ബ്ലോക്കി​ൻെറ നവീകരണം അന്തിമഘട്ടത്തിലെത്തി​. 32 ലക്ഷം ചെലവഴിച്ചുള്ള നവീകരിച്ച ഒ.പി ബ്ലോക്കി​ൻെറ ഉദ്​ഘാടനം ഒരു മാസത്തിനകം നടക്കും. ജില്ല പഞ്ചായത്ത്​, ദേശീയ ആയുഷ്​​ മിഷൻ എന്നിവയുടെ ഫണ്ട്​ ഉപയോഗിച്ചാണ്​ നവീകരണം നടക്കുന്നത്​. പുതിയ ഒ.പി ബ്ലോക്കിൽ വിശാലമായ കാൻറീൻ, കോൺഫറൻസ്​ ഹാൾ എന്നിവ ഒരുക്കുന്നുണ്ട്​. ആശുപത്രി കവാട​ത്തോടുചേർന്ന്​ നിർമിച്ച മൂന്നുനില കെട്ടിടത്തിലാണ്​ പുതിയ സൗകര്യം ഒരുക്കിയിരിക്കുന്നത്​. 70 ലക്ഷം ചെലവഴിച്ചാണ്​ കെട്ടിടം പ്രവൃത്തി പൂർത്തിയാകുന്നത്​. ഡിജിറ്റൽ ടോക്കൺ സംവിധാനം, കൂടുതൽ ഇരിപ്പിടങ്ങൾ എന്നിവയൊരുക്കുന്നതോടെ രോഗികൾക്ക്​ ദീർഘനേരം കാത്തിരിക്കേണ്ട സ്​ഥിതി മാറും. 100 കിടക്കകളുള്ള ജനറൽ വാർഡിൽ 50 രോഗികളെയാണ്​ ഇപ്പോൾ കിടത്തി ചികിത്സിക്കുന്നത്​. കോവിഡ്​ പശ്ചാത്തലത്തിൽ സാമൂഹിക അകലം പാലിക്കേണ്ടതിനാൽ പകുതി രോഗികളെ മാ​ത്രമേ പ്രവേശിപ്പിക്കാൻ കഴിയുകയുള്ളൂ. പേ വാർഡിൽ 20 രോഗികളെ കിടത്തിചികിത്സിക്കാനുള്ള സൗകര്യമാണ്​ ഇപ്പോഴുള്ളത്​. പേ വാർഡി​ൻെറ നവീകരണ പ്രവൃത്തിയും ജില്ല പഞ്ചായത്തി​ൻെറ നേതൃത്വത്തിൽ ഉടൻ ആരംഭിക്കും. സ്​പോർട്​സ്​ മെഡിസിൻ വിഭാഗം അടക്കമുള്ള ആശുപത്രിയിൽ പ്രതിദിനം 500 രോഗികളാണ്​ ചികിത്സ തേടിയെത്തുന്നത്​. ആശുപത്രി പരിസരത്തുതന്നെ അത്യാധുനിക രീതിയിലുള്ള മാലിന്യ സംസ്​കരണ പ്ലാൻറ്​ സജ്ജീകരിക്കുന്നതിനുള്ള നടപടിയും ജില്ല പഞ്ചായത്തി​ൻെറ നേതൃത്വത്തിൽ നടക്കുന്നുണ്ട്​. കോവിഡ്​ പശ്ചാത്തലത്തിൽ രോഗികൾക്ക് സൗകര്യമൊരുക്കുന്നതിനുള്ള കൂടുതൽ വികസന പദ്ധതികൾ ഘട്ടംഘട്ടമായി നടപ്പാക്കുമെന്ന്​ ആശുപത്രി സൂപ്രണ്ട്​ ഡോ. ടി. സുധ, ലേ സെക്രട്ടറി എം. സഞ്​ജയൻ എന്നിവർ അറിയിച്ചു.