ഇരിക്കൂർ: പെരുമണ്ണിലെ എ.സി.എം എസ്റ്റേറ്റ് കെട്ടിടത്തിൽ സൂക്ഷിച്ചിരുന്ന 300 റബർ ഷീറ്റുകളും നാലര ചാക്ക് ഒട്ടുപാലും മോഷണം പോയി. കെട്ടിടത്തിൻെറ പൂട്ടും വാതിലും തകർത്ത ശേഷമാണ് മോഷണം നടത്തിയത്. ഇരിട്ടിയിലെ സി.സി. ഇബ്രാഹീം ഹാജിയുടെ റബറാണ് മോഷ്ടിക്കപ്പെട്ടത്. 75,000 രൂപ വിലവരുന്ന സാധനങ്ങളാണ് മോഷണംപോയതെന്ന് ഉടമ ഇരിക്കൂർ പൊലീസിൽ നൽകിയ പരാതിയിൽ പറയുന്നു. പരിസരത്തെ സെഞ്ച്വറി എസ്റ്റേറ്റിലെ പള്ളിപ്പാത്ത് ഇബ്രാഹീമിൻെറ റബർഷീറ്റ് ഗോഡൗണിൻെറ പൂട്ടും വാതിലും മോഷ്ടാക്കൾ തകർത്തെങ്കിലും ഒന്നും നഷ്ടപ്പെട്ടില്ല. കഴിഞ്ഞ കാലങ്ങളിൽ നിരവധി തവണ ക്വിൻറൽ കണക്കിന് റബർ ഷീറ്റുകളും റബർ പാൽ ചാക്കുകളും ഇവിടെ നിന്നും മോഷണം പോയിരുന്നുവെന്നും പൊലീസിൽ പരാതി നൽകിയിട്ടും ഫലമൊന്നുമുണ്ടായില്ലെന്നും ഉടമകൾ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.