വീരാജ്പേട്ട: വിവിധ തൊഴിലാളി സംഘടനകളുടെ നേതൃത്വത്തിൽ നടത്തിയ ദേശീയ പണിമുടക്കിൻെറ ഭാഗമായി കുടക് ജില്ലയിലെ മൂന്ന് താലൂക്ക് കേന്ദ്രങ്ങളിൽ പ്രതിഷേധ പരിപാടികൾ നടന്നു. മടിക്കേരി, വീരാജ്പേട്ട, സോമവാർപേട്ട എന്നിവിടങ്ങളിലാണ് തൊഴിലാളികൾ പ്രകടനങ്ങൾ നടത്തിയത്. ചുരുക്കം ചില ബാങ്കുകളും ധനകാര്യ സ്ഥാപനങ്ങളും എൽ.ഐ.സി ഓഫിസുകളും അടഞ്ഞുകിടന്നു. തോട്ടം തൊഴിലാളികൾ മിക്ക സ്ഥലങ്ങളിലും പണിമുടക്കി പ്രതിഷേധത്തിൽ പങ്കെടുത്തു. അംഗൻവാടി പ്രവർത്തകർ, അക്ഷരദാസോഹ പ്രവർത്തകർ, ഓട്ടോ ജീവനക്കാർ എന്നിവരും പ്രതിഷേധ പരിപാടിയിൽ പെങ്കടുത്തു. സി.ഐ.ടി.യു ജില്ല പ്രസിഡൻറ് എ. മഹാദേവ്, ഐ.എൻ.ടി.യു.സി ജില്ല സെക്രട്ടറി രവി, അംഗൻവാടി പ്രവർത്തക സംഘടനയുടെ ജില്ല പ്രസിഡൻറ് കെ.എസ്. മുത്തമ്മ, നിർമാണ തൊഴിലാളി സംഘടനയുടെ കെ. വിനോദ്, സി.ഐ.ടി.യുവിലെ എ.സി. സാബു, തോട്ടം തൊഴിലാളി യൂനിയനിലെ എൻ.ഡി. കുട്ടപ്പൻ, എ.ഐ.ടി.യു.സി നേതാവ് കെ.വി. സുനിൽ, സി.പി.എം ജില്ല സെക്രട്ടറി ഡോ. ഐ.ആർ. ദുർഗാപ്രസാദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.