മാഹി: അഴിയൂരിൽ ആറുപേർക്ക് വ്യാഴാഴ്ച കോവിഡ് സ്ഥിരീകരിച്ചത് പ്രദേശത്തെ ആശങ്കയിലാഴ്ത്തി. ആഗസ്റ്റ് മൂന്നിന് അബൂദബിയിൽനിന്ന് നാട്ടിലെത്തിയ ഒന്നാം വാർഡ് പൂഴിത്തലയിലെ 39 വയസ്സുകാരന് കഴിഞ്ഞ ദിവസം നടത്തിയ പരിശോധനയിൽ രോഗം സ്ഥിരീകരിച്ചു. ഇദ്ദേഹത്തെ ചാത്തമംഗലം എഫ്.എൽ.ടി.സിയിൽ പ്രവേശിപ്പിച്ചു. തൃശൂരിൽ മെഡിക്കൽ വിദ്യാർഥിയായ മൂന്നാം വാർഡ് ചൂടിക്കോട്ട സ്വദേശിക്ക് കോഴിക്കോട് നടത്തിയ പരിശോധനയിൽ പോസിറ്റിവായി. പുതിയ ഉത്തരവ് പ്രകാരം രോഗലക്ഷണമില്ലാത്ത പോസിറ്റിവ് രോഗികൾക്ക് ആരുമില്ലാത്ത വീട്ടിൽ താമസിക്കാൻ അനുവദിക്കുന്നതുപ്രകാരം വീട്ടിൽ സ്വന്തമായി കഴിയാൻ സാക്ഷ്യപത്രം പ്രകാരം അനുവദിച്ചു. മാഹി രാജൻ സ്റ്റോറിലെ ജീവനക്കാരായ നാലുപേർക്കും കോവിഡ് സ്ഥിരീകരിച്ചു. 18ാം വാർഡ് അഞ്ചാംപീടികയിലെ 50, 20 വയസ്സുള്ളവർ, 16ാം വാർഡ് എരിക്കിലിലെ 33കാരൻ, 17ാം വാർഡ് ചുങ്കം സൗത്തിലെ 50കാരൻ എന്നിവർക്കാണ് കോവിഡ് സ്ഥിരീകരിച്ചത്. എല്ലാവരും മാഹി ഹെൽത്ത് െഡപ്യൂട്ടി ഡയറക്ടർ ഓഫിസ് റോഡിലെ സ്വകാര്യ സ്ഥാപനത്തിലെ ജീവനക്കാരാണ്. വെള്ളിയാഴ്ച രാവിലെ 75 പേർക്ക് അഴിയൂർ പി.എച്ച്.സിയിൽ ആർ.ടി.പി.സി.ആർ ടെസ്റ്റ് നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.