ചെറുവത്തൂർ: തോട്ടംഗേറ്റ്-ഗണേഷ്മുക്ക് ജില്ല പഞ്ചായത്ത് റോഡിൻെറ ശോച്യാവസ്ഥ പരിഹരിക്കണമെന്നാവശ്യപ്പെട്ട് ഡി.വൈ.എഫ്.ഐ പ്രവർത്തകർ റോഡ് ഉപരോധിച്ചു. പിലിക്കോട് വെസ്റ്റ് മേഖല കമ്മിറ്റിയുടെ നേതൃത്വത്തിൽ കരപ്പാത്താണ് റോഡ് ഉപരോധിച്ചത്. മഴക്കാലം തുടങ്ങിയതോടെ കുഴികൾ രൂപപ്പെട്ട് വെള്ളം കെട്ടിനിൽക്കുന്ന റോഡ് തീരെ ഉപയോഗിക്കാൻ പറ്റാത്ത അവസ്ഥയിലാണ്. റോഡിൻെറ ഇരുവശങ്ങളിലായി സ്വകാര്യവ്യക്തികൾ മതിൽ കെട്ടിയതിനാൽ വെള്ളത്തിൻെറ സ്വാഭാവിക ഒഴുക്ക് തടസ്സപ്പെട്ടു. അരികിൽ ഓവുചാൽ ഉൾപ്പെടെയുള്ള പ്രവൃത്തി നടത്തി പരിഹരിക്കേണ്ടപ്പോൾ ജില്ല പഞ്ചായത്ത് അധികൃതർ കണ്ടില്ലെന്നു നടിക്കുകയാണ്. റോഡ് ഉപരോധ സമരം സി.പി.എം പിലിക്കോട് വെസ്റ്റ് ലോക്കൽ സെക്രട്ടറി എം. നന്ദകുമാർ ഉദ്ഘാടനം ചെയ്തു. മേഖല പ്രസിഡൻറ് കെ.വി. ബേബി രാജ് അധ്യക്ഷത വഹിച്ചു. തൃക്കരിപ്പൂർ ബ്ലോക്ക് ട്രഷറർ ഉമേഷ് പിലിക്കോട്, മുൻ ബ്ലോക്ക് സെക്രട്ടറി കെ.പി. രാജീവൻ, എസ്.എഫ്.ഐ ജില്ല സെക്രേട്ടറിയറ്റ് മെംബർ ഷിപിൻ പിലിക്കോട്, മേഖല ട്രഷറർ പി. അഖിൽ ചന്ദ്രൻ എന്നിവർ സംസാരിച്ചു. മേഖല സെക്രട്ടറി ഭജിത്ത് മാനായി സ്വാഗതം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.