മാങ്ങാട്ടുപറമ്പ്: മാങ്ങാട്ടുപറമ്പ് കെ.എ.പി.ആസ്ഥാനത്ത് നിന്ന് ഒരു ലക്ഷത്തിലേറെ രൂപ വിലമതിക്കുന്ന ചന്ദനമരം മോഷ്ടിച്ചു. കെ.എ.പി പരേഡ് ഗ്രൗണ്ടിനും തൊട്ടടുത്ത ആശുപത്രിക്കും ഇടയില് ഒഴക്രോം റോഡിന് സമീപത്ത് കെ.എ.പി.കോമ്പൗണ്ടിലെ ചന്ദനമരമാണ് മോഷ്ടാക്കള് കൊണ്ടുപോയത്. മരത്തിന്റെ കുറ്റി മാത്രമേ ഇവിടെ ബാക്കിയുള്ളൂ. കെ.എ.പി ആസ്ഥാനവും കണ്ണൂർ റൂറല് ജില്ലാ പോലീസ് മേധാവിയുടെ ആസ്ഥാനവുമുള്പ്പെടെ പ്രവര്ത്തിക്കുന്ന സ്ഥലത്താണ് ചന്ദനമോഷണം നടന്നത്. ഒരു ലക്ഷത്തിലേറെ രൂപ വിലമതിപ്പുള്ള ചന്ദനമരമാണ് കടത്തി കൊണ്ടുപോയത്. ഏറെ പഴക്കം ചെന്ന വിലമതിക്കാനാവാത്ത നിരവധി ചന്ദനമരങ്ങള് കെ.എ.പി കോമ്പൗണ്ടിലുണ്ട്. ഇതിന് മുൻപും കോമ്പൗണ്ടിൽ നിന്നും നിരവധി ചന്ദന മരങ്ങൾ മോഷണം പോയിട്ടും സംഭവം അധികൃതർ മൂടിവെച്ചതായും ആക്ഷേപമുണ്ട്. ചന്ദനമോഷണത്തെക്കുറിച്ച് കെ.എ.പി അസി. കമാണ്ടന്റ് സജീഷ് ബാബു കണ്ണപുരം പൊലീസിൽ പരാതി നൽകി. ചിത്രം - ചന്ദനമരം മുറിച്ച സ്ഥലം കാണാതിരിക്കാൻ കെ.എ.പി. അധികൃതർ പ്ലാസ്റ്റിക് ഷീറ്റ് കൊണ്ട് മൂടി വെച്ച നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.