ശ്രീകണ്ഠപുരം: ചെങ്ങളായി ടൗണിൽ പ്രവർത്തിക്കുന്ന റസ്റ്റാറൻറ്, ബേക്കറികൾ, കൂൾബാറുകൾ എന്നിവിടങ്ങളിൽ പഞ്ചായത്ത് അധികൃതരും ആരോഗ്യ വിഭാഗം ഉദ്യോഗസ്ഥരും പരിശോധന നടത്തി. സ്ഥാപനങ്ങളിലെ ശുചിത്വം, ഭക്ഷ്യസാധനങ്ങളുടെ ഗുണനിലവാരം എന്നിവ ഉറപ്പുവരുത്തുന്നതിന്റെ ഭാഗമായി പഞ്ചായത്ത് സെക്രട്ടറി കെ.കെ. രാജേഷ്, ഹെൽത്ത് ഇൻസ്പെക്ടർ എം.ബി. മുരളി, ജൂനിയർ ഹെൽത്ത് ഇൻസ്പെക്ടർമാരായ കെ.സനൽ, എസ്. സിജുൽ, ക്ലർക്കുമാരായ ഐ.വി. പ്രദീപൻ, കെ.സിജിലേഷ് എന്നിവരുടെ നേതൃത്വത്തിലായിരുന്നു പരിശോധന. പഞ്ചായത്തിലെ മുഴുവൻ സ്ഥാപനങ്ങളിലും തുടർ ദിവസങ്ങളിലും പരിശോധന നടത്തുമെന്നും കൃത്യമായ ശുചിത്വ സംവിധാനമൊരുക്കാത്ത ഭക്ഷണശാലകൾക്കും അനധികൃത സ്ഥാപനങ്ങൾക്കുമെതിരെ നിയമ നടപടികൾ സ്വീകരിക്കുമെന്നും ചെങ്ങളായി ഗ്രാമപഞ്ചായത്ത് സെക്രട്ടറി കെ.കെ. രാജേഷ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.