പാപ്പിനിശേരി: ജനങ്ങളുടെ നെഞ്ചിൽ കുറ്റിയടിച്ച് കെ-റെയിൽ നടപ്പാക്കാൻ പിണറായി സർക്കാറിനെ ഒരിക്കലും അനുവദിക്കില്ലെന്ന് ഡി.സി.സി. പ്രസിഡൻറ് മാർട്ടിൻ ജോർജ്. കെ-റെയിൽ വേണ്ട കേരളം മതിയെന്ന മുദ്രാവാക്യത്തോടെ കണ്ണൂർ ഡി.സി.സിയുടെ നേതൃത്വത്തിൽ പയ്യന്നൂർ മുതൽ മാഹിവരെ നടത്തുന്ന വാഹന പ്രചാരണ ജാഥക്ക് പാപ്പിനിശ്ശേരി പഞ്ചായത്തിനുമുന്നിൽ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. സർക്കാർ ജീവനക്കാരുടെയും പെൻഷൻകാരുടെയും ആനുകൂല്യംപോലും അനുവദിക്കാൻ സാധിക്കാത്ത സർക്കാർ കെ-റെയിൽ എന്ന കമീഷൻ പദ്ധതിയുടെ പിന്നാലെ പോകുന്നതിന്റെ പൊരുൾ ജനം തിരിച്ചറിഞ്ഞിട്ടുണ്ടെന്നും മാർട്ടിൻ ജോർജ് പറഞ്ഞു. പി. അബൂബക്കർ അധ്യക്ഷത വഹിച്ചു. മുൻ ഡി.സി.സി പ്രസിഡൻറ് സതീശൻ പാച്ചേനി, ചന്ദ്രൻ തില്ലങ്കേരി സംസാരിച്ചു. ഇരിണാവിൽ കല്യാശ്ശേരി, മാട്ടൂൽ മണ്ഡലം കമ്മിറ്റികളുടെ നേതൃത്വത്തിൽ നടന്ന സ്വീകരണ പരിപാടിയിൽ അജിത്ത് മാട്ടൂൽ അധ്യക്ഷത വഹിച്ചു. വിവിധ പോഷക സംഘടനകളുടെ നേതൃത്വത്തിൽ ജാഥാ ക്യാപ്റ്റനെ ഷാൾ അണിയിച്ചു. ചിത്രം: കെ-റെയിൽ വിരുദ്ധ ജാഥക്ക് പാപ്പിനിശ്ശേരിയിൽ നൽകിയ സ്വീകരണത്തിൽ മാർട്ടിൻ ജോർജ് സംസാരിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.