മാഹി: അഴിയൂർ മേഖലയിലെ എസ്.ഡി.പി.ഐ തുടർ ആക്രമണങ്ങൾ പൊലീസ് അനാസ്ഥ കാരണമാണെന്ന് യൂത്ത് ലീഗ് കോഴിക്കോട് ജില്ലാ കമ്മിറ്റി ആരോപിച്ചു. അഴിയൂരിലെ ലീഗ് പ്രവർത്തകന്റെ ബൈക്ക് കത്തിച്ച് ആഴ്ചകൾ പിന്നിട്ടിട്ടും പ്രതികളെ പിടികൂടാത്ത പൊലീസ് നിലപാടിനെതിരെ മുസ്ലിം യൂത്ത് ലീഗ് അഴിയൂർ പഞ്ചായത്ത് കമ്മിറ്റിയുടെ നേതൃത്വത്തിൽ ചോമ്പാല പൊലീസ് സ്റ്റേഷനിലേക്ക് നടത്തിയ മാർച്ച് ജില്ലാ പ്രസിഡൻറ് മിസ്ഹബ് കീഴരിയൂർ ഉദ്ഘാടനം ചെയ്തു. എ.വി. സെനീദ് അധ്യക്ഷത വഹിച്ചു. മണ്ഡലം ട്രഷറർ അൻവർ ഹാജി, ഇസ്മായിൽ ഹാജി അജ്മാൻ ടി.സി.എച്ച്. ലത്തീഫ്, അഫ്നാസ് ചോറോട്, നവാസ് നെല്ലോളി, പി.കെ. കാസിം, ജബ്ബാർ നെല്ലോളി, ഇബ്രാഹിം ചോമ്പാല, കെ.എം.സി.സി ജില്ലാ സെക്രട്ടറി കെ.കെ. അശ്റഫ്, റഹീം കോറോത്ത്, സാജിദ് നെല്ലോളി, എ.വി. ഇസ്മയിൽ, ഫർസൽ, ഇസ്മു ഇസ്മായിൽ, സമദ് കുന്നുമ്മൽ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.